Zacarías 5:3 - Li Santil hu

³ Ut aꞌan quixye cue: —Li cꞌaꞌru tzꞌi̱banbil chiru li hu aꞌin, aꞌan retalil nak ac xteneba̱c li tojba ma̱c saꞌ xbe̱neb chixjunileb li cuanqueb saꞌ ruchichꞌochꞌ. Jun pacꞌal tzꞌi̱banbil nak eb li nequeꞌelkꞌac teꞌxcꞌul li tojba ma̱c. Ut saꞌ li jun pacꞌal chic tzꞌi̱banbil nak eb li nequeꞌxpatzꞌ xcꞌabaꞌ li Dios chi ma̱cꞌaꞌ rajbal teꞌxcꞌul ajcuiꞌ li tojba ma̱c. Ma̱ jun reheb teꞌcana̱k chi incꞌaꞌ teꞌxcꞌul li tojba ma̱c.

Q'eqchi Bible

³ Toja' naq kixye we: “A'an li majewank xchalk sa' xb'een chixjunil li na'ajej a'in, jo' chanru tz'iib'anb'il sa' xka'pak'alil li hu. Xb'aan naq chixjunil laj elq' taa'isiiq arin, ut chixjunil li nayehok jurament sa' tik'ti' jo'kan ajwi' tixk'ul.

Zacarías 5:3 ပူးပေါင်းရင်းမြစ်များ

Éxodo 20:15

Mex-elkꞌac.

Isaías 48:1

Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Isaías 24:6

Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Santiago 5:12

Ex inherma̱n, cuan chic jun li naꞌleb tento te̱nau ut aꞌan aꞌin: nak tex-a̱tinak, me̱patzꞌ xcꞌabaꞌ li Dios saꞌ pacꞌba a̱tin, chi moco saꞌ xcꞌabaꞌ li choxa, chi moco saꞌ xcꞌabaꞌ li ruchichꞌochꞌ, chi moco chepatzꞌ saꞌ xcꞌabaꞌ li cꞌaꞌak re ru cuan. Cui te̱ye nak ya̱l, junes ya̱l te̱ye, ut nak te̱ye incꞌaꞌ, junes incꞌaꞌ te̱ye re nak incꞌaꞌ ta̱rakekꞌ a̱tin saꞌ e̱be̱n xban li Dios.

Malaquías 4:6

Aꞌan tixtenkꞌaheb li yucuaꞌbej ut li alalbej re nak teꞌxcꞌam cuiꞌchic rib saꞌ usilal. Ut cui incꞌaꞌ teꞌxcꞌam ribeb saꞌ usilal, la̱in tinsach ruheb ut tintzꞌekta̱na lix naꞌajeb, chan li Ka̱cuaꞌ li nimajcual Dios.

Zacarías 5:4

Li cuanqueb saꞌ rochocheb li nequeꞌelkꞌac teꞌxcꞌul li tojba ma̱c joꞌqueb ajcuiꞌ li cuanqueb saꞌ rochocheb li nequeꞌxpatzꞌ incꞌabaꞌ chi ma̱cꞌaꞌ rajbal. Aran ta̱cua̱nk li raylal toj retal teꞌosokꞌ eb aꞌan ut teꞌosokꞌ ajcuiꞌ li rochocheb joꞌ ajcuiꞌ chixjunil li cꞌaꞌru cuan reheb, chan li Ka̱cuaꞌ.

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Jeremías 5:2

Cuanqueb li nequeꞌxba̱nu li juramento saꞌ incꞌabaꞌ la̱in li yoꞌyo̱quil Dios. Abanan moco ya̱l ta li nequeꞌxye xban nak moco nequeꞌxba̱nu ta chi anchaleb xchꞌo̱l, chan li Dios.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

1 Timoteo 1:9

Joꞌcan nak nacuaj nak te̱qꞌue retal nak li chakꞌrab moco qꞌuebil ta reheb li ti̱queb xchꞌo̱l. Reheb ban li incꞌaꞌ nequeꞌabin ut li nequeꞌkꞌetoc re li chakꞌrab. Reheb ajcuiꞌ li incꞌaꞌ useb xnaꞌleb ut eb laj ma̱c. Reheb ajcuiꞌ li incꞌaꞌ nequeꞌpa̱ban re li Dios chi moco cuanqueb junak xpa̱ba̱leb. Ut reheb ajcuiꞌ laj camsinel ut li nequeꞌxcamsi xnaꞌ xyucuaꞌeb.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

San Lucas 21:35

Ta̱cha̱lk chi ma̱cꞌaꞌ saꞌ e̱chꞌo̱l joꞌ nak naqꞌueman junak raꞌal chi ma̱ ani nanaꞌoc re.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Zacarías 8:17

Ma̱ jun ta e̱re tixcꞌoxla xba̱nunquil raylal re li ras ri̱tzꞌin. Ut incꞌaꞌ te̱patzꞌ incꞌabaꞌ yal riqꞌuin ticꞌtiꞌ, xban nak aꞌan xicꞌ nacuil la̱in, chan li nimajcual Dios.

Oseas 4:2

Nequeꞌxba̱nu li juramento ut incꞌaꞌ nequeꞌxba̱nu li cꞌaꞌru nequeꞌxye. Nequeꞌticꞌtiꞌic ut nequeꞌcamsin. Nequeꞌelkꞌac ut nequeꞌmuxuc caxa̱r. Yo̱ chi numta̱c lix ma̱usilaleb ut junes xcamsinquil ribeb nequeꞌxba̱nu rajlal.

Daniel 9:11

Chikajunilo la̱o aj Israel, xkakꞌet li chakꞌrab li caqꞌue ke ut incꞌaꞌ xkaba̱nu li cꞌaꞌru caye. Joꞌcan nak xtꞌaneꞌ saꞌ kabe̱n chixjunil li raylal li tzꞌi̱banbil saꞌ li chakꞌrab li caqꞌue re laj Moisés, laj cꞌanjel cha̱cuu. Xoma̱cob cha̱cuu, at Ka̱cuaꞌ.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.

Jeremías 7:9

La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.

Proverbios 30:9

Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Proverbios 29:24

Li ani na-oquen chirix junak aj e̱lkꞌ, aꞌan xicꞌ naril rib xjunes rib. Usta nayeheꞌ re nak tento tixye li ya̱l, abanan incꞌaꞌ naxye xban xxiu.

Proverbios 3:33

Li Ka̱cuaꞌ naxqꞌue raylal saꞌ xbe̱neb lix jun cablal li nequeꞌxba̱nu ma̱usilal. Ut narosobtesiheb lix jun cablal li ti̱queb xchꞌo̱l.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Amós 3:10

Joꞌcaꞌin quixye li Ka̱cuaꞌ: —Incꞌaꞌ nequeꞌxnau xba̱nunquil li ti̱quilal. Nujenak lix palacio riqꞌuin li cꞌaꞌak re ru nequeꞌrelkꞌa riqꞌuin pletic ut numtajenak li ma̱usilal nequeꞌxba̱nu.

Josué 9:20

Incꞌaꞌ takacamsiheb. Ma̱re ta̱cha̱lk xjoskꞌil li Dios saꞌ kabe̱n cui takakꞌet li contrato li xkaba̱nu riqꞌuineb.

Ezequiel 2:9

Ut quicuil jun li ukꞌej yo̱ chixqꞌuebal cue jun li botbil hu.