Zacarías 5:2 - Li Santil hu

² Ut li ángel quixye cue: —¿Cꞌaꞌru yo̱cat chirilbal?— La̱in quinchakꞌoc ut quinye re: —Yo̱quin chirilbal jun li botbil hu yo̱ chi xic saꞌ ikꞌ. Laje̱b metro rok ut o̱b metro ru.—

Q'eqchi Bible

² Li ánjel kixpatz' we: “K'aru yookat chi rilb'al?”, chan we. Kinchaq'ok ut kinye: “Yookin chi rilb'al jun li b'otb'ookil hu yo chi xik sa' iq', numenaq oob' moqoj roq ut kach'in chik maa oxib' moqoj ru”.

Zacarías 5:2 ပူးပေါင်းရင်းမြစ်များ

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

Sofonías 1:14

Yo̱ chi cuulac xkꞌehil nak ta̱rakok a̱tin li Ka̱cuaꞌ. Ac yo̱ chi nachꞌoc chak li cutan aꞌan. Kꞌaxal ra teꞌxcꞌul saꞌ li cutan aꞌan. Usta kꞌaxal cauheb rib, abanan teꞌxjap ajcuiꞌ re xbaneb xxiu chiru.

Amós 7:8

Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.

Apocalipsis 18:5

Xnumta lix ma̱queb. Chanchan xcuulac toj saꞌ choxa lix qꞌuial. Li Dios yo̱ chak chixqꞌuebal retal lix ma̱usilaleb.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.