Zacarías 4:2 - Li Santil hu

² Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

Q'eqchi Bible

² “K'aru nakawil?”, chan we. Laa'in kinye re: “Yookin chi rilb'al jun xna'aj saqenk yiib'anb'il rik'in oor chixjunil. Sa' xb'een a'an wank li xna'aj li xya'al li xam, wuqub' chi saqenk rochb'een li xnumleb'aal li xya'al.

Zacarías 4:2 ပူးပေါင်းရင်းမြစ်များ

Apocalipsis 4:5

Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.

Apocalipsis 1:12

Ut nak quin-iloc chicuix chirilbal ani yo̱ chi a̱tina̱nc cue, quicuil cuukub li candelero cuan xxamlel yi̱banbil riqꞌuin oro.

Zacarías 5:2

Ut li ángel quixye cue: —¿Cꞌaꞌru yo̱cat chirilbal?— La̱in quinchakꞌoc ut quinye re: —Yo̱quin chirilbal jun li botbil hu yo̱ chi xic saꞌ ikꞌ. Laje̱b metro rok ut o̱b metro ru.—

Jeremías 52:19

Laj Nabuzaradán li nataklan saꞌ xbe̱neb li soldados li nequeꞌcꞌacꞌalen re li rey quixcꞌam chixjunileb li ucꞌal, li chꞌi̱chꞌ li nequeꞌxchap cuiꞌ li ru xam, ut li ni̱nki secꞌ. Quixcꞌam li ucꞌal, li xnaꞌajeb li candil, li cuchara ut eb li secꞌ li nequeꞌxqꞌue cuiꞌ li vino li nequeꞌxmayeja. Chixjunil li yi̱banbil riqꞌuin oro ut plata quilajeꞌxcꞌam.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.

2 Crónicas 4:7

Quixyi̱b ajcuiꞌ laje̱b li candelero joꞌ li retalil li quiqꞌueheꞌ re. Ut quixqꞌueheb saꞌ li templo. O̱b quixqꞌue saꞌ li nim ut li o̱b chic quixqꞌue saꞌ li tzꞌe.

1 Crónicas 28:15

joꞌ li lámpara ut lix naꞌaj, joꞌ ajcuiꞌ li candelero ut lix naꞌaj,

Eclesiastés 12:6

Nak toj yoꞌyo̱cat saꞌ ruchichꞌochꞌ, chijulticokꞌ a̱cue li Dios li quiyoꞌobtesin a̱cue xban nak ta̱cuulak xkꞌehil nak tatca̱mk joꞌ nak natꞌupeꞌ junak cadena plata. Nak tatca̱mk chanchan nak najoreꞌ li ucꞌal oro. Ut chanchan nak najoreꞌ li cuc chire li yuꞌam haꞌ ut chanchan nak natokeꞌ li sursu̱quil cheꞌ li naquelon chak re li haꞌ chi saꞌ li becbil jul.

Jeremías 24:3

Ut li Ka̱cuaꞌ quixye cue: —At Jeremías, ¿cꞌaꞌru li yo̱cat chirilbal? chan. Ut la̱in quinye re: —Yo̱quin rilbal li higos. Li higos cha̱bil, aꞌan kꞌaxal cha̱bil ut li incꞌaꞌ us, incꞌaꞌ naru xtzacanquil xban nak incꞌaꞌ us, chanquin.

Amós 7:8

Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.