Zacarías 2:9 - Li Santil hu

⁹ Joꞌcan nak tinqꞌueheb saꞌ raylal. Ut la̱ex li cuanquex chokꞌ xmo̱seb, texinqꞌue chi numta̱c saꞌ xbe̱neb aꞌan re nak te̱nau nak li nimajcual Dios, aꞌan li quitaklan chak cue.

Q'eqchi Bible

⁹ Jo'kan naq ok we chi xtaqsinkil li wuq' sa' xb'eeneb', ut te'sache'q ru xb'aaneb' li xe'wank rub'el xwankileb'. Aran teenaw naq li Nimajwal Yos xtaqlank chaq we.

Zacarías 2:9 ပူးပေါင်းရင်းမြစ်များ

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

Zacarías 6:15

Li cuanqueb chak chi najt teꞌcha̱lk chi tenkꞌa̱nc re xyi̱banquil lix templo li Ka̱cuaꞌ. Riqꞌuin aꞌin te̱qꞌue retal nak li Ka̱cuaꞌ li nimajcual Dios, aꞌan li quitaklan chak cue saꞌ e̱ya̱nk. Ut chixjunil aꞌin talajcꞌulma̱nk nak la̱ex te̱rabi ut te̱ba̱nu li cꞌaꞌru naxye li Ka̱cuaꞌ li kaDios.—

Zacarías 4:9

Laj Zorobabel quitiquiban re xyi̱banquil li templo ut aꞌan ajcuiꞌ ta̱choyok re xyi̱banquil. Ut riqꞌuin aꞌan, la̱at ta̱nau nak li Ka̱cuaꞌ, li nimajcual Dios xtaklan chak cue e̱riqꞌuin.

Ezequiel 39:10

Incꞌaꞌ teꞌxic aj siꞌ saꞌ cꞌaleba̱l, chi moco teꞌxyocꞌ xsiꞌeb saꞌ qꞌuicheꞌ xban nak teꞌxcꞌat chokꞌ xsiꞌeb li cꞌaꞌru quicꞌanjelac re pletic. Ut teꞌxmakꞌ chiruheb li xicꞌ nequeꞌiloc reheb li cꞌaꞌru quimakꞌeꞌ chiruheb laj Israel junxil, chan li Ka̱cuaꞌ.

Isaías 14:2

Eb li jalaneb xtenamiteb teꞌxtenkꞌaheb laj Israel chi sukꞌi̱c saꞌ lix naꞌajeb. Nak cuanqueb chic aran, eb li jalaneb xtenamiteb teꞌcꞌanjelak chiruheb laj Israel joꞌ mo̱s saꞌ li naꞌajej li quiqꞌueheꞌ reheb xban li Ka̱cuaꞌ. Eb li queꞌnumta saꞌ xbe̱neb laj Israel junxil, aꞌan eb chic li teꞌchapekꞌ ut teꞌcꞌanjelak chiruheb laj Israel. Eb laj Israel chic teꞌtakla̱nk saꞌ xbe̱neb li queꞌrahobtesin reheb junxil.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

San Juan 16:4

Ac xinye e̱re chixjunil li cꞌaꞌak re ru aꞌin re nak ta̱julticokꞌ e̱re li cꞌaꞌru xinye e̱re nak yo̱kex chixcꞌulbal li raylal. La̱in incꞌaꞌ quinye chak e̱re junxil nak quintiquib chak lin cꞌanjel xban nak cuanquin e̱riqꞌuin, chan.

San Juan 13:19

La̱in ninye e̱re aꞌin anakcuan nak toj ma̱jiꞌ nacꞌulman. Ut nak ta̱cꞌulma̱nk, la̱ex te̱nau nak ya̱l li xinye nak la̱in li Cristo li taklanbil chak xban li Dios.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Sofonías 2:9

La̱in li yoꞌyo̱quil Dios. La̱in li nimajcual Dios, lix Dioseb laj Israel. La̱in ninye aꞌin: Relic chi ya̱l nak teꞌosokꞌ eb laj Moab ut eb laj Amón joꞌ nak queꞌosoꞌ laj Sodoma ut laj Gomorra. Nak qui-osoꞌ li naꞌajej aꞌan, junes qꞌuix chic quimok aran ut junes atzꞌam chic quicuan aran. Ut li joꞌ qꞌuial chic lin tenamit queꞌcoleꞌ, aꞌaneb chic teꞌcꞌamok re li cꞌaꞌru reheb laj Moab ut aꞌaneb chic teꞌe̱chani̱nk re lix naꞌajeb, chan li Ka̱cuaꞌ.

Habacuc 2:17

Li ma̱usilal li xeba̱nu reheb li cuanqueb saꞌ li naꞌajej Líbano ta̱sukꞌi̱k saꞌ e̱be̱n la̱ex, joꞌ ajcuiꞌ li raylal xeba̱nu nak xesacheb li xul li cuanqueb aran. Aꞌan ta̱tꞌanekꞌ saꞌ e̱be̱n la̱ex xban nak nabaleb li cristian xecamsi ut nabal li naꞌajej xerelkꞌa. Xepoꞌi li tenamit joꞌ ajcuiꞌ chixjunileb li cuanqueb aran.

Habacuc 2:8

Joꞌ nak xemakꞌ la̱ex li cꞌaꞌru eb re li nabal chi tenamit, joꞌcan ajcuiꞌ nak teꞌxmakꞌ che̱ru li cꞌaꞌru e̱re la̱ex, xban nak nabaleb li cristian xecamsi ut xban nak nabal li naꞌajej xerelkꞌa, joꞌ eb li tenamit ut joꞌ ajcuiꞌ chixjunileb li cuanqueb aran.

Jeremías 28:9

Abanan cui junak li profeta naxye nak ta̱cua̱nk tuktu̱quil usilal, cui nacꞌulman li cꞌaꞌru naxye, ta̱cꞌutu̱nk nak relic chi ya̱l taklanbil xban li Dios, chan.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Isaías 33:23

Lix jucubeb li xicꞌ nequeꞌiloc ke ma̱cꞌaꞌ nequeꞌoc cuiꞌ. Xplojoꞌ lix cꞌa̱mal li cheꞌ li nachapoc re li nimla tꞌicr ut incꞌaꞌ chic naru xhelbal. La̱o take̱chani li cꞌaꞌru reheb. Chikajunilo totzꞌako̱nk. Usta ye̱k rok junak tixcꞌul li cꞌaꞌru re.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Isaías 13:2

Taksihomak le̱ bandera saꞌ xbe̱n junak li tzu̱l ma̱cꞌaꞌ cheꞌ chiru. Japomak e̱re chixyebal reheb li soldado nak teꞌoc saꞌ li oqueba̱l li cuanqueb cuiꞌ li nequeꞌtaklan saꞌ xbe̱neb li tenamit.

Isaías 10:32

Saꞌ li cutan aꞌan eb li xicꞌ nequeꞌiloc e̱re teꞌxyi̱b lix muheba̱leb aran Nob. Ut teꞌxic chi pletic saꞌ li tzu̱l Sión li cuan Jerusalén.

Isaías 48:16

Cha̱lkex cuiqꞌuin ut cherabihak li tinye e̱re. Chalen saꞌ xticlajic incꞌaꞌ xina̱tinac e̱riqꞌuin riqꞌuin a̱tin chꞌaꞌaj xtaubal ru. Cuanquin e̱riqꞌuin nak yo̱ chi cꞌulma̱nc chixjunil aꞌin. Li nimajcual Dios ut li Santil Musikꞌej queꞌtaklan chak cue.—

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Isaías 4:5

Li Ka̱cuaꞌ tixqꞌue li chok ut li sib chi cutan saꞌ xbe̱n li tzu̱l Sión ut saꞌ xbe̱neb chixjunileb li cuanqueb aran Jerusalén ut tixqꞌue li xam chiru kꞌojyi̱n. Riqꞌuin aꞌin tixcꞌutbesi lix lokꞌal saꞌ xbe̱neb laj Israel.

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Isaías 26:1

Saꞌ eb li cutan aꞌan eb li cristian teꞌxbicha li bich aꞌin saꞌ li naꞌajej Judá: Kꞌaxal cau rib li katenamit. Li Ka̱cuaꞌ, aꞌan li quixakaban re li tzꞌac li sutsu cuiꞌ li tenamit re kacolbal.

Isaías 33:21

Ut li Ka̱cuaꞌ li kꞌaxal nim xcuanquil cua̱nk kiqꞌuin ut toxcol. Chanchanak jun li nimaꞌ nim ru ut tuktu ru. Ut ma̱ jun li xicꞌ na-iloc ke ta̱ru̱k ta̱xic saꞌ li nimaꞌ aꞌan saꞌ lix jucub chikachꞌiꞌchꞌiꞌinquil.

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

Isaías 60:19

Incꞌaꞌ chic tento nak li sakꞌe ta̱cutanobresi̱nk e̱re chi cutan chi moco li po chi kꞌek xban nak la̱in li Ka̱cuaꞌ tincutanobresi̱nk e̱re junelic ut la̱in li Dios tinqꞌue e̱lokꞌal.

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.

Joel 2:27

Ut te̱nau nak la̱in cua̱nkin saꞌ e̱ya̱nk, la̱ex aj Israel. Ut te̱nau ajcuiꞌ nak la̱in li Ka̱cuaꞌ le̱ Dios ut ma̱cꞌaꞌ chic junak Dios. Ut incꞌaꞌ chic texincanab chi hobecꞌ la̱ex intenamit.

Sofonías 3:15

Li Ka̱cuaꞌ xrisi li raylal li xqꞌue saꞌ e̱be̱n ut xrisiheb li xicꞌ nequeꞌiloc e̱re. Li Ka̱cuaꞌ aꞌanak chic le̱ rey, la̱ex aj Israel. Joꞌcan nak ma̱cꞌaꞌ chic te̱xucua xban nak ma̱cꞌaꞌak chic li raylal saꞌ e̱be̱n.

Zacarías 9:15

Li nimajcual Dios tixcoleb lix tenamit Israel. Ut aꞌaneb teꞌnumta̱k saꞌ xbe̱neb li xicꞌ nequeꞌiloc reheb ut teꞌxyekꞌi saꞌ rokeb li pec li teꞌcutekꞌ cuiꞌ. Teꞌsachekꞌ chi junaj cua li xicꞌ nequeꞌiloc reheb laj Israel joꞌ nak nacamsi̱c li xul li nequeꞌxmayeja. Nequeꞌxxoc lix quiqꞌuel saꞌ jun li secꞌ ut nequeꞌxqꞌue saꞌ xxuc li artal.