Zacarías 13:3 - Li Santil hu

³ Ut cui toj cuan junak ta̱oc chokꞌ profeta aj balakꞌ, lix naꞌ xyucuaꞌ teꞌxye re, “La̱at tento tatca̱mk xban nak xatticꞌtiꞌic saꞌ xcꞌabaꞌ li Dios,” chaꞌkeb re. La̱in li Ka̱cuaꞌ li yo̱quin chi yehoc re aꞌin. Cui ani tixqꞌue rib chokꞌ junak profeta aj balakꞌ, camsinbil ta̱uxk re xban lix naꞌ xyucuaꞌ.

Q'eqchi Bible

³ Ut wi wank junaq li toj na'aatinak jo' propeet, taayehe'q re xb'aaneb' li xna' xyuwa': «Laa'at tatkamq, xb'aan naq tik'ti' li yookat xyeeb'al sa' xk'ab'a' li Qaawa'». Ut eb' li xna' xyuwa' te'xkamsi chi ch'iich' naq yooq chi aatinak jo' propeet aj b'alaq'.

Zacarías 13:3 ပူးပေါင်းရင်းမြစ်များ

Deuteronomio 18:20

Cui junak profeta tixqꞌue rib chi a̱tinac saꞌ incꞌabaꞌ chi incꞌaꞌ xinye la̱in, malaj ut cui ta̱a̱tinak saꞌ xcꞌabaꞌeb li jalanil dios, li jun aꞌan ta̱camsi̱k”, chan li Dios.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

Ezequiel 14:9

Junak profeta li ta̱balakꞌi̱k tixye li moco ya̱l ta. Aꞌan xban nak la̱in xincanab chi balakꞌi̱c. Ut la̱in tincuisi saꞌ xya̱nkeb laj Israel.

Jeremías 23:34

Cui junak profeta malaj ut junak laj tij malaj ut eb li tenamit teꞌxye, “Joꞌcaꞌin xye li Ka̱cuaꞌ” chaꞌakeb, la̱in tinqꞌueheb chixtojbal xma̱queb, joꞌ eb ajcuiꞌ li ralal xcꞌajol.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

San Lucas 14:26

—Li ani ta̱raj ta̱ke̱nc cue, tento nak tinixra chi tzꞌakal la̱in chiruheb lix naꞌ xyucuaꞌ, li rixakil ut eb lix cocꞌal, ut eb li rechꞌalal joꞌ ajcuiꞌ lix yuꞌam. Cui incꞌaꞌ tinixra chi tzꞌakal, li jun aꞌan moco us ta chokꞌ intzolom.

Deuteronomio 33:9

Kꞌaxal cateꞌxra chiruheb lix naꞌ xyucuaꞌeb ut chiruheb ajcuiꞌ li rechꞌalaleb ut lix cocꞌaleb. Queꞌxba̱nu li cꞌaꞌru naxye saꞌ la̱ chakꞌrab ut incꞌaꞌ queꞌxkꞌet li contrato caba̱nu riqꞌuineb.

Jeremías 23:25

La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Jeremías 28:15

Ut li profeta Jeremías quixye re laj Hananías: —Abi li yo̱quin chixyebal a̱cue, at Hananías. Ma̱cuaꞌ li Ka̱cuaꞌ xyehoc a̱cue li cꞌaꞌru xaye, abanan la̱at xabalakꞌiheb li tenamit riqꞌuin li ticꞌtiꞌ li xaye.

Ezequiel 13:23

Joꞌcan nak la̱ex incꞌaꞌ chic te̱ril li visión li moco ya̱l ta, chi moco texkꞌehikꞌ chic. La̱in tincoleb lin tenamit saꞌ e̱rukꞌ la̱ex. Ut riqꞌuin aꞌan la̱ex te̱qꞌue retal nak la̱in li Ka̱cuaꞌ, chan li Dios.

Ezequiel 43:7

Quixye cue: —At ralal cui̱nk, aꞌan aꞌin lix naꞌaj lin cꞌojariba̱l. Aꞌan aꞌin xnaꞌaj li cuok. La̱in tincua̱nk arin chi junelic saꞌ xya̱nkeb li ralal xcꞌajol laj Israel. La̱in tintakla̱nk saꞌ xbe̱neb chi junelic kꞌe cutan. Incꞌaꞌ chic teꞌxmux ru lin cꞌabaꞌ riqꞌuin xlokꞌoninquil li jalanil dios. Chi moco laj Israel chi moco lix reyeb teꞌxba̱nu li ma̱usilal aꞌan. Chi moco teꞌxyi̱b saꞌ li naꞌajej li najt xteram lix jalam u̱ch lix reyeb li queꞌcam.