Zacarías 10:9 - Li Santil hu

⁹ Usta ac xinjeqꞌuiheb ru saꞌ eb li tenamit, ut usta cuanqueb chak saꞌ li najtil tenamit, toj aran tineꞌxcꞌoxla chak. Teꞌsukꞌi̱k chak ut teꞌcua̱nk cuiꞌchic saꞌ lix naꞌajeb rochbeneb li ralal xcꞌajol.

Q'eqchi Bible

⁹ Laa'in xincha'cha'iheb' sa' chixjunileb' li tenamit, ab'an us ta wanqeb' chaq chi najt, tinjultiko'q chaq reheb'; ut sa' jun kutan te'sutq'iiq chaq rochb'eeneb' li ralal xk'ajoleb'.

Zacarías 10:9 ပူးပေါင်းရင်းမြစ်များ

Ezequiel 6:9

Ut li joꞌ qꞌuial chic li incꞌaꞌ teꞌcamsi̱k tinjulticokꞌ reheb nak cua̱nkeb chi pre̱xil saꞌ jalan tenamit. Ta̱julticokꞌ reheb nak quirahoꞌ inchꞌo̱l chirixeb. Ta̱julticokꞌ reheb chanru nak xinqꞌueheb chi cꞌuluc raylal xban nak incꞌaꞌ xeꞌcuan saꞌ ti̱quilal chicuu ut xban ajcuiꞌ nak xineꞌxtzꞌekta̱na xban xlokꞌoninquil li jalanil dios. Aꞌaneb ajcuiꞌ teꞌecꞌa̱nk re nak incꞌaꞌ us xeꞌxba̱nu ut teꞌxuta̱na̱k xban lix ma̱usilaleb.

Miqueas 5:7

Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Oseas 2:23

Ut texinqꞌue chi cua̱nc saꞌ li naꞌajej aꞌan ut la̱in tin-osobtesi̱nk e̱re ut ta̱cua̱nk cuiꞌchic li cꞌaꞌru e̱re. La̱in texinra la̱ex, usta quinye nak incꞌaꞌ chic nequexinra nak quinqꞌue e̱cꞌabaꞌ chokꞌ Lo-ruhama. Usta quinqꞌue e̱cꞌabaꞌ chokꞌ Lo-ammi nak quinye nak ma̱cuaꞌex intenamit, la̱in tinye e̱re nak la̱ex chic li cualal incꞌajol. Ut la̱ex te̱ye nak la̱in li Ka̱cuaꞌ le̱ Dios.

Jeremías 31:27

—Abihomak li tinye e̱re, chan li Ka̱cuaꞌ. Ta̱cuulak xkꞌehil nak la̱in tebinqꞌue cuiꞌchic chi ta̱mc li cristian joꞌ ajcuiꞌ li queto̱mk saꞌ li naꞌajej Israel ut saꞌ li naꞌajej Judá.

Isaías 65:23

Incꞌaꞌ teꞌcꞌanjelak chi ma̱cꞌaꞌ rajbal, chi moco eb li ralal xcꞌajol teꞌca̱mk chi toj ma̱jiꞌ nacuulac xkꞌehil. Li tenamit aꞌan osobtesinbilakeb xban li Ka̱cuaꞌ joꞌ ajcuiꞌ li ralal xcꞌajoleb.

Isaías 65:9

La̱in tinqꞌueheb chi ta̱mc li ralal xcꞌajol laj Jacob ut laj Judá. Eb aꞌan teꞌcua̱nk saꞌ eb lin tzu̱l li quinqꞌue reheb. Li sicꞌbil ruheb inban teꞌcua̱nk saꞌ li naꞌajej li teꞌre̱chani. Aran teꞌcua̱nk li nequeꞌcꞌanjelac chicuu.

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

Jeremías 51:50

La̱ex li joꞌ qꞌuialex xexcoleꞌ saꞌ li ple̱t, me̱xakab e̱rib. Usta najt cuanquex, checꞌoxla li Dios ut checꞌoxla ajcuiꞌ li tenamit Jerusalén.

Amós 9:9

Tincanabeb laj Israel chi chapecꞌ xbaneb li jalan xtenamit. Chanchan nak nachikꞌeꞌ li ru li trigo saꞌ li naꞌajej li natzꞌilman cuiꞌ ut ma̱ jun li ru cha̱bil natzꞌekeꞌ saꞌ chꞌochꞌ.

Romanos 11:24

La̱ex ma̱cuaꞌex aj judío, nequexinjuntakꞌe̱ta riqꞌuin li cheꞌ olivo li yal quimok chak. Quex-isi̱c riqꞌuin li cheꞌ aꞌan ut quexletzeꞌ saꞌ li aubil cheꞌ. Eb laj judío nequebinjuntakꞌe̱ta riqꞌuin li tzꞌakal rukꞌ li cheꞌ olivo li aubil. Incꞌaꞌ chꞌaꞌaj nak teꞌletzekꞌ cuiꞌchic xban li Dios riqꞌuin li aubil cheꞌ xban nak aꞌaneb tzꞌakal rukꞌ li cheꞌ.

Hechos 8:4

Ut chixjunileb li queꞌxjeqꞌui ribeb saꞌ jalan naꞌajej yo̱queb chixyebal resil li evangelio yalak bar.

Hechos 8:1

Laj Saulo quixcꞌul xchꞌo̱l nak queꞌxcamsi laj Esteban. Chalen saꞌ li cutan aꞌan queꞌoc xrahobtesinquileb chixjunileb laj pa̱banel aran Jerusalén ut cꞌajoꞌ li raylal queꞌxcꞌul. Ut chixjunileb quilajeꞌxjeqꞌui rib saꞌ eb li naꞌajej Judea ut Samaria. Caꞌaj chic eb li apóstol queꞌcana Jerusalén.

Isaías 44:21

Li Ka̱cuaꞌ quixye: —La̱ex aj Israel, la̱ex ralal xcꞌajol laj Jacob. Chijulticokꞌ taxak e̱re li naꞌleb aꞌin. La̱ex aj cꞌanjel chicuu. La̱in quinyoꞌobtesin e̱re. La̱ex aj Israel, incꞌaꞌ taxak tinsachk saꞌ e̱chꞌo̱l.

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.