Zacarías 10:3 - Li Santil hu

³ Li nimajcual Dios quixye: —Cꞌajoꞌ injoskꞌil saꞌ xbe̱neb li nequeꞌtaklan saꞌ xbe̱neb lin tenamit. La̱in tinqꞌueheb chixtojbal xma̱queb xban nak incꞌaꞌ xeꞌcꞌamoc be chiruheb saꞌ ti̱quilal. Abanan lin tenamit Judá la̱in tincuil xtokꞌoba̱leb ru. Tintenkꞌaheb ut cauhakeb chic rib joꞌ eb li cacua̱y li nequeꞌxic saꞌ ple̱t.

Q'eqchi Bible

³ Xyehom li Qaawa': “K'ajo' injosq'il sa' xb'eeneb' laj k'aak'alehom re lintenamit: tinrahob'tesiheb' li q'etq'et aj k'amol b'e. Naq li Nimajwal Yos tolrula'ani eb' li xkarneer, a'eb' li ralal xk'ajol laj Judá, tixkawresiheb' chi us ut tixk'eheb' xkawilal: jo'aqeb' chik li kawaay jwal kaweb' rib' re yalok.

Zacarías 10:3 ပူးပေါင်းရင်းမြစ်များ

Ezequiel 34:2

—At ralal cui̱nk, ye reheb li nequeꞌiloc re li tenamit Israel nak ta̱cha̱lk raylal saꞌ xbe̱neb. Ut ta̱ye reheb: Joꞌcaꞌin xye li Ka̱cuaꞌ li nimajcual Dios. Raylal ta̱cha̱lk saꞌ e̱be̱n la̱ex li nequex-iloc reheb laj Israel xban nak incꞌaꞌ nequeril chi tzꞌakal li tenamit. Junes chokꞌ e̱re nequeraj li us. ¿Ma incꞌaꞌ ta biꞌ tento nak laj ilol xul ta̱ril chi us lix carner?

Zacarías 11:17

Raylal cha̱lel saꞌ xbe̱n laj ilol xul li ma̱cꞌaꞌ na-oc cuiꞌ xban nak quixtzꞌekta̱na lin carner. Chanchan nak tinyocꞌ lix nim ukꞌ ut tinsach lix nakꞌ ru nak tincuisi lix cuanquil. Ta̱cana̱k chi ma̱cꞌaꞌ chic xcuanquil chi junaj cua ut chi ma̱cꞌaꞌ chic xnaꞌleb, chan li Ka̱cuaꞌ.

Sofonías 2:7

Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.

Jeremías 25:34

La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Proverbios 21:31

Eb li cui̱nk nequeꞌxcauresiheb lix cacua̱y re nak teꞌxic chi pletic. Abanan, aꞌ li Ka̱cuaꞌ, aꞌan li naqꞌuehoc reheb chi numta̱c saꞌ xbe̱neb li tenamit.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

San Lucas 1:68

—Lokꞌoninbil taxak li Ka̱cuaꞌ Dios li nequeꞌxlokꞌoni laj Israel xban nak xril xtokꞌoba̱l ruheb lix tenamit ut xcoleb.

Li xHu LIX RUT 1:6

Saꞌ jun li cutan lix Noemí quirabi resil aran Moab nak li Ka̱cuaꞌ quirosobtesi cuiꞌchic lix tenamit ut cuanqueb chic xcua aran Judá. Joꞌcan nak lix Noemí quixcauresi rib chi e̱lc saꞌ li naꞌajej cuan cuiꞌ re ta̱sukꞌi̱k saꞌ lix tenamit.

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Sofonías 1:8

Li Ka̱cuaꞌ quixye: —Saꞌ eb li cutan aꞌan nak tinkꞌaxtesiheb lin tenamit, tinqꞌueheb chixtojbal xma̱c li nequeꞌcꞌamoc be saꞌ xya̱nkeb, joꞌ eb ajcuiꞌ li ralaleb li rey ut chixjunileb li nequeꞌxba̱nu joꞌ nequeꞌxba̱nu li jalaneb xtenamit nak nequeꞌxlokꞌoni li yi̱banbil dios.

Jeremías 50:6

Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

Jeremías 25:12

Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Jeremías 11:22

Joꞌcan nak li Dios quixye: —La̱in tinqꞌueheb chixtojbal lix ma̱queb. Eb li sa̱j cui̱nk teꞌcamsi̱k chi chꞌi̱chꞌ saꞌ li ple̱t ut eb li ralal xcꞌajoleb li toj sa̱jeb teꞌca̱mk xban xtzꞌocajiqueb.

Jeremías 10:21

Ma̱cꞌaꞌeb xnaꞌleb li nequeꞌcꞌamoc be chiku. Incꞌaꞌ nequeꞌxsicꞌ xnaꞌleb riqꞌuin li Dios. Joꞌcan nak queꞌpaltoꞌ. Xban aꞌan nak cojeqꞌui̱c yalak bar.

Isaías 24:21

Ta̱cuulak xkꞌehil nak li Ka̱cuaꞌ tixqꞌueheb chixtojbal xma̱queb li cuanqueb xcuanquil saꞌ choxa joꞌqueb ajcuiꞌ li cuanqueb xcuanquil saꞌ ruchichꞌochꞌ.

Isaías 10:12

Abanan nak li Ka̱cuaꞌ acak xrakeꞌ chi rakoc a̱tin saꞌ xbe̱neb li cuanqueb aran Jerusalén ut saꞌ li tzu̱l Sión, tojoꞌnak tixqꞌue chixtojbal xma̱c lix reyeb laj Asiria xban nak naxkꞌetkꞌeti rib ut naxnimobresi rib.

Cantares 1:9

At ixk, cꞌajoꞌ nak nacatinra. Nacatinjuntakꞌe̱ta riqꞌuineb li cha̱bil ixki cacua̱y li nequeꞌquelon re lix carruajeb laj faraón.

Ezequiel 34:12

Joꞌ nak laj ilol xul naxnau ru lix carner li jeqꞌuinbileb ru, joꞌcan ajcuiꞌ nak tebinnau ru lin carner la̱in ut tebincol saꞌ eb li naꞌajej li cuanqueb cuiꞌ chak li queꞌjeqꞌui̱c cuiꞌ ruheb saꞌ li cutan li kꞌojyi̱n ru xban li raylal.

Daniel 11:32

Ut li rey li cuan saꞌ li norte tixbalakꞌiheb laj Israel li ac queꞌxtzꞌekta̱na li santil contrato ut eb aꞌan teꞌoque̱nk chirix. Abanan li tzꞌakal xtenamit li Dios teꞌxcacuubresi ribeb chixcolbal ribeb chiru li rey.

Li xHu LAJ JOB 39:25

Nak na-ecꞌan li trompeta nequeꞌxjap reheb. Nequeꞌrecꞌa nak ta̱cua̱nk ple̱t usta toj ma̱jiꞌ nequeꞌxic. Nequeꞌrabi nak yo̱queb chi takla̱nc li nequeꞌcꞌamoc be chiruheb li soldado.

Ezequiel 34:11

Joꞌcaꞌin quixye li nimajcual Dios: —Abihomak li tinye e̱re. La̱in tebinsicꞌ lin carner toj retal tebintau ut la̱in chic tin-ilok reheb xban nak la̱in ninnauheb ru.