Zacarías 1:4 - Li Santil hu

⁴ Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

Q'eqchi Bible

⁴ Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Zacarías 1:4 ပူးပေါင်းရင်းမြစ်များ

Salmos 78:8

Teꞌxserakꞌi reheb li ralal xcꞌajol re nak incꞌaꞌ teꞌxba̱nu joꞌ queꞌxba̱nu li kaxeꞌto̱nil yucuaꞌ. Eb aꞌan queꞌxba̱nu li cꞌaꞌru queꞌraj xjuneseb ut incꞌaꞌ queꞌabin chiru li Dios. Moco cauheb ta xchꞌo̱l riqꞌuin li Dios. Joꞌcan nak queꞌxkꞌet li ra̱tin.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Zacarías 1:3

Joꞌcan nak ta̱ye reheb lin tenamit nak teꞌxjal xcꞌaꞌux ut teꞌsukꞌi̱k cuiqꞌuin. Ut la̱in chic tincua̱nk riqꞌuineb. La̱in li Ka̱cuaꞌ li nim incuanquil. Xinyehoc re aꞌin.

1 Pedro 1:18

La̱ex nequenau nak xban li Dios colbilex chic chiru li joꞌ ma̱joꞌil naꞌleb li quilajeꞌxcꞌut chak che̱ru le̱ xeꞌto̱nil yucuaꞌ. Moco colbilex ta riqꞌuin cꞌaꞌak re ru na-osoꞌ joꞌ li oro ut li plata.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Miqueas 2:6

Eb li tenamit nequeꞌxye cue: —Mat-a̱tinac chi joꞌcan. Ma̱ye ke ra̱tin profeta. Li Dios incꞌaꞌ tixcꞌut kaxuta̱n.

Amós 5:24

Cheba̱nuhak ban li ti̱quilal ut li cha̱bilal chi ma̱cꞌaꞌak rosoꞌjic. Chanchanak li rok haꞌ ut li yuꞌam haꞌ li incꞌaꞌ nachakic.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Jeremías 26:5

Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Jeremías 18:11

Joꞌcan nak ta̱ye reheb li cuanqueb Judá ut reheb li cuanqueb Jerusalén nak joꞌcaꞌin naxye li Ka̱cuaꞌ: La̱in oc cue chixqꞌuebal li raylal saꞌ e̱be̱n. Yo̱quin chixcꞌu̱banquil ru cꞌaꞌru tinba̱nu re e̱sachbal. Joꞌcan nak canabomak le̱ ma̱usilal. Jalomak e̱cꞌaꞌux ut yi̱bomak le̱ yuꞌam.

Jeremías 3:12

Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

Nehemías 9:26

Abanan queꞌxchikꞌ a̱joskꞌil xban nak queꞌxkꞌet la̱ cua̱tin. Queꞌxtzꞌekta̱na li chakꞌrab li caqꞌue reheb. Queꞌxcamsiheb li profeta li queꞌyehoc reheb nak teꞌsukꞌi̱k cuiꞌchic a̱cuiqꞌuin. Cꞌajoꞌ li ma̱usilal queꞌxba̱nu.

Nehemías 9:16

Abanan eb li kaxeꞌto̱nil yucuaꞌ queꞌxkꞌet la̱ cua̱tin. Queꞌxcacuubresi lix chꞌo̱leb ut incꞌaꞌ queꞌraj rabinquil li chakꞌrab li caqꞌue reheb.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

2 Crónicas 34:21

Quixye reheb: —Ayukex. Patzꞌomak chak re li Dios cꞌaꞌru tinba̱nu la̱in ut cꞌaꞌru teꞌxba̱nu li joꞌ qꞌuial chic queꞌcana Israel ut Judá riqꞌuin li cꞌaꞌru tzꞌi̱banbil saꞌ li hu aꞌin, li xeꞌxtau saꞌ li templo. Cꞌajoꞌ xjoskꞌil li Dios saꞌ kabe̱n xban nak eb li kaxeꞌto̱nil yucuaꞌ queꞌxkꞌet li ra̱tin li Dios ut incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey reheb.

2 Crónicas 30:7

Me̱ba̱nu joꞌ queꞌxba̱nu eb le̱ xeꞌto̱nil yucuaꞌ ut eb le̱ rechꞌalal li queꞌxkꞌetkꞌeti ribeb chiru li Ka̱cuaꞌ lix Dioseb le̱ xeꞌto̱nil yucuaꞌ. Li Dios quixkꞌaxtesiheb chi sachecꞌ xban li cꞌaꞌru queꞌxba̱nu joꞌ yo̱quex chirilbal anakcuan.

Jeremías 4:1

Li Ka̱cuaꞌ quixye reheb: —La̱ex aj Israel, cui te̱raj sukꞌi̱c cuiqꞌuin tento te̱canab xlokꞌoninquil li yi̱banbil dios li cꞌajoꞌ xyibal ru. Ut incꞌaꞌ chic te̱cꞌoxla incanabanquil.

Jeremías 23:22

Cui ta queꞌxnau li cꞌaꞌru cuan saꞌ inchꞌo̱l la̱in, queꞌxye raj li cua̱tin reheb lin tenamit. Ut eb aꞌan queꞌsukꞌi raj cuiqꞌuin ut queꞌxcanab raj xba̱nunquil li ma̱usilal.

Ezequiel 20:18

Nak cuanqueb saꞌ li chaki chꞌochꞌ la̱in quinye reheb li ralal xcꞌajoleb: —Me̱ba̱nu li cꞌaꞌru nequeꞌxye le̱ naꞌ e̱yucuaꞌ. Me̱ba̱nu joꞌ nequextakla cuiꞌ. Ut me̱mux e̱rib riqꞌuin xlokꞌoninquileb lix jalanil dios.

Ezequiel 33:4

Cui ani ta̱rabi xya̱b li trompeta ut ma̱cꞌaꞌ tixba̱nu ut ta̱camsi̱k xbaneb li xicꞌ nequeꞌiloc re, aꞌan cuan re cui ta̱camsi̱k.

Zacarías 7:7

¿Ma ma̱cuaꞌ ta biꞌ aꞌin li ra̱tin li Ka̱cuaꞌ yebil chak e̱re xbaneb li profeta li queꞌcuan chak junxil nak toj nabaleb li cristian cuanqueb Jerusalén ut sa cuanqueb? Nabaleb ajcuiꞌ li tenamit li cuanqueb chi nachꞌ riqꞌuin Jerusalén. Ut nabaleb li cuanqueb saꞌ li naꞌajej Neguev ut saꞌ li ru takꞌa, chan li Ka̱cuaꞌ.

2 Crónicas 30:6

Li rey ut eb li nequeꞌtenkꞌan re queꞌxtaklaheb lix takl saꞌ chixjunil li naꞌajej Israel ut Judá. Queꞌxcꞌam li hu li quixye chi joꞌcaꞌin: —La̱ex aj Israel, sukꞌinkex riqꞌuin li Ka̱cuaꞌ lix Dioseb laj Abraham, laj Isaac, ut laj Israel re nak li Dios ta̱sukꞌi̱k cuiꞌchic e̱riqꞌuin la̱ex li joꞌ qꞌuial chic quexcoleꞌ saꞌ rukꞌ lix reyeb laj Asiria.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Jeremías 25:8

Joꞌcan nak li Ka̱cuaꞌ li nimajcual Dios xye chi joꞌcaꞌin, “La̱ex incꞌaꞌ xerabi li cꞌaꞌru xinye e̱re.

Ezequiel 14:6

Ta̱ye reheb laj Israel li Ka̱cuaꞌ xye chi joꞌcaꞌin: Chiyotꞌekꞌ e̱chꞌo̱l ut jalomak e̱cꞌaꞌux. Canabomak xlokꞌoninquil li yi̱banbil dios ut canabomak xba̱nunquil li ma̱usilal.

Daniel 9:6

Incꞌaꞌ xo-abin chiruheb li profeta li queꞌcꞌanjelac cha̱cuu. Eb aꞌan queꞌa̱tinac saꞌ a̱cꞌabaꞌ chiruheb li karey ut chiruheb li queꞌtaklan saꞌ kabe̱n, ut queꞌa̱tinac ajcuiꞌ riqꞌuineb li kanaꞌ kayucuaꞌ ut chiruheb chixjunileb la̱ tenamit.