Tito 3:8 - Li Santil hu

⁸ Li a̱tin aꞌin li xinye a̱cue, aꞌan li tzꞌakal ya̱l. La̱in nacuaj nak ta̱chꞌolob lix ya̱lal aꞌin chiruheb li ac xeꞌxpa̱b li Dios re nak teꞌxqꞌue xchꞌo̱l chi cꞌanjelac saꞌ cha̱bilal. Li xya̱lal aꞌin kꞌaxal cha̱bil ut ta̱cꞌanjelak chiruheb chixjunileb.

Q'eqchi Bible

⁸ Tz'aqal yaal li aatin a'in ut nawaj naq taach'olob' chi tz'aqal, re naq eb' li ak neke'xpaab' li Yos te'xk'e xch'ool chi xb'aanunkil li chaab'il k'anjel. A'an us ut nak'anjelak cho'q reheb' chixjunil.

Tito 3:8 ပူးပေါင်းရင်းမြစ်များ

Tito 3:14

Eb li kech aj pa̱banelil tento nak teꞌxtzol rib xba̱nunquil li usilal ut teꞌxtzol ajcuiꞌ xtenkꞌanquileb li tenkꞌa̱c teꞌraj re nak incꞌaꞌ ta̱cana̱k chi ma̱cꞌaꞌ rajbal lix pa̱ba̱leb.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Tito 1:9

Incꞌaꞌ nachꞌinan xchꞌo̱l saꞌ lix pa̱ba̱l. Naxpa̱b ban chi anchal xchꞌo̱l lix ya̱lal li quicꞌuteꞌ chiru re nak tixnau xchꞌolobanquil lix ya̱lal chiruheb li rech aj pa̱banelil ut tixnau xqꞌuebal xnaꞌlebeb li nequeꞌcuechꞌin re li cꞌaꞌru naxye.

Tito 3:1

Chajultica ajcuiꞌ chiruheb nak cheꞌpa̱ba̱nk chiru li acuabej. Ut cheꞌpa̱ba̱nk ajcuiꞌ chiruheb chixjunileb li cuanqueb saꞌ xcuanquil. Ut se̱bak xchꞌo̱leb chixba̱nunquil li cha̱bil cꞌanjel.

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Romanos 4:5

Aban li colba-ib incꞌaꞌ natojman rix. Aꞌan yal jun ma̱tan naxqꞌue li Dios reheb laj ma̱c li nequeꞌpa̱ban re. Xban nak nequeꞌpa̱ban, ti̱cobresinbileb xchꞌo̱l xban li Dios.

San Juan 12:44

Quixye li Jesús chi cau xya̱b xcux: —Li ani napa̱ban cue la̱in, moco caꞌaj cuiꞌ ta la̱in niquinixpa̱b. Naxpa̱b aj ban cuiꞌ li quitaklan chak cue.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Li xHu LAJ JOB 22:2

—¿Ma ta̱cꞌanjelak ta biꞌ chiru li Dios li cui̱nk li kꞌaxal cuan xnaꞌleb?

Filemón 1:11

Junxil laj Onésimo incꞌaꞌ quicꞌanjelac chi us cha̱cuu. Abanan anakcuan cha̱bil aj cꞌanjel chic cha̱cuu la̱at ut chicuu ajcuiꞌ la̱in.

Salmos 78:22

Li Dios quijoskꞌoꞌ riqꞌuineb xban nak incꞌaꞌ queꞌxpa̱b nak aꞌan ta̱colok reheb.

Proverbios 21:28

Li ani naticꞌtiꞌic chiru laj rakol a̱tin ta̱sachekꞌ ru. Abanan li ani naxye li ya̱l, xakxo saꞌ xnaꞌaj li ra̱tin.

2 Corintios 4:13

Cau kachꞌo̱l saꞌ li kapa̱ba̱l. Joꞌcaꞌin tzꞌi̱banbil saꞌ li Santil Hu li quixye laj David. “Cuan inpa̱ba̱l. Joꞌcan nak nina̱tinac chirix”, chan. Joꞌcan ajcuiꞌ la̱o, cuan ajcuiꞌ kapa̱ba̱l. Joꞌcan nak nocoa̱tinac chirix.

Hechos 12:15

Eb li cuanqueb saꞌ cab incꞌaꞌ queꞌxpa̱b li quixye. —Xlo̱coꞌ a̱cuu, chanqueb re. Abanan lix Rode quixye cuiꞌchic reheb nak ya̱l nak aꞌan laj Pedro. Queꞌchakꞌoc ut queꞌxye re: —Aꞌan yal xmuhel, chanqueb re.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

San Mateo 20:4

Ut quixye reheb: —¿Ma incꞌaꞌ xeraj cꞌanjelac saꞌ li cuacui̱mk ut texintoj chi tzꞌakal? chan reheb. Ut eb aꞌan co̱eb chi cꞌanjelac.