Tito 3:7 - Li Santil hu

⁷ Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

Q'eqchi Bible

⁷ re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

Tito 3:7 ပူးပေါင်းရင်းမြစ်များ

Romanos 8:17

Ut xban nak la̱o ralal xcꞌajol li Dios, kochben li Cristo nak take̱chani chixjunil li quixyechiꞌi ke li Dios. Cui totzꞌako̱nk riqꞌuin li raylal li quixcꞌul li Cristo, joꞌcan nak toxotzꞌako̱nk ajcuiꞌ kochben saꞌ lix nimal xlokꞌal.

Romanos 3:24

Ut xban li rusilal li Dios, chixjunileb li nequeꞌpa̱ban, nequeꞌxma̱tani xti̱quilal xchꞌo̱leb saꞌ xcꞌabaꞌ li Ka̱cuaꞌ Jesucristo laj Colonel.

Tito 2:11

Li Dios quixcꞌutbesi lix nimal ruxta̱n re xcolbaleb chixjunileb li cuanqueb jun sut rubel choxa.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

Gálatas 2:16

Abanan nakanau nak ma̱ ani ta̱ti̱cobresi̱k xchꞌo̱l chiru li Dios riqꞌuin xba̱nunquil li cꞌaꞌru naxye li chakꞌrab. Riqꞌuin ban xpa̱banquil li Jesucristo. La̱o xkapa̱b li Ka̱cuaꞌ Jesucristo re ta̱ti̱cobresi̱k kachꞌo̱l chiru li Dios riqꞌuin xpa̱banquil li Cristo ut ma̱cuaꞌ riqꞌuin xba̱nunquil li naxye li chakꞌrab cocoleꞌ. Riqꞌuin xba̱nunquil li naxye li chakꞌrab, ma̱ ani ta̱ti̱cobresi̱k xchꞌo̱l chiru li Dios.

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

Gálatas 3:29

Cui la̱ex rehex chic li Cristo, la̱ex ajcuiꞌ ralal xcꞌajol laj Abraham ut la̱ex te̱re̱chani ajcuiꞌ li cꞌaꞌru quiyechiꞌi̱c re laj Abraham xban li Dios.

Romanos 4:16

Xban nak cuan xpa̱ba̱l laj Abraham, li Dios quixyechiꞌi li ma̱tan re xban xnimal rusilal. Ut quixyechiꞌi ajcuiꞌ reheb chixjunileb li ralal xcꞌajol. Li yechiꞌinbil ma̱cuaꞌ caꞌaj cuiꞌ reheb li cuanqueb rubel xcuanquil li chakꞌrab. Reheb aj ban cuiꞌ chixjunileb li nequeꞌpa̱ban joꞌ nak quipa̱ban laj Abraham. Joꞌcan nak nayeman nak laj Abraham aꞌan li kayucuaꞌ chikajunilo xban nak aꞌan laj cꞌamol be chiku saꞌ li kapa̱ba̱l.

Romanos 3:28

Nakanau nak ta̱ti̱cokꞌ li kachꞌo̱l riqꞌuin xpa̱banquil li Cristo. Ma̱cuaꞌ riqꞌuin xba̱nunquil li naxye li chakꞌrab.

1 Pedro 3:7

Ut la̱ex be̱lomej, chexcua̱nk saꞌ xya̱lal riqꞌuineb le̱ rixakil. Che-oxlokꞌiheb. La̱ex nequenau nak eb li ixk kꞌuneb xchꞌo̱l ut ma̱cꞌaꞌeb xmetzꞌe̱uheb joꞌeb li cui̱nk. La̱ex te̱cꞌul le̱ ma̱tan xban rusilal li Dios. Joꞌcan ajcuiꞌ eb li ixk, teꞌxcꞌul ajcuiꞌ lix ma̱taneb. Ut li ma̱tan li te̱cꞌul, aꞌan li yuꞌam chi junelic. Cui te̱ba̱nu aꞌin, ma̱cꞌaꞌ ta̱chꞌaꞌajqui̱nk e̱re nak textijok.

Hebreos 11:9

Xban lix pa̱ba̱l laj Abraham quicuan saꞌ li naꞌajej li quiyechiꞌi̱c re xban li Dios, ut quicuan aran joꞌ jun jalan xtenamit. Quixyi̱b xmuheba̱l tꞌicr xban nak yal numecꞌ re. Joꞌcan ajcuiꞌ queꞌxba̱nu laj Isaac ut laj Jacob xban nak aꞌaneb li teꞌe̱chani̱nk re li cꞌaꞌru quixyechiꞌi li Dios.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

Hebreos 6:17

Joꞌcan nak li Dios quixyechiꞌi li ma̱tan riqꞌuin juramento. Quiraj xcꞌutbal chiruheb li teꞌe̱chani̱nk re nak tzꞌakal ya̱l li yo̱ chixyebal. Ut incꞌaꞌ tixjal ru li ra̱tin.

Gálatas 4:7

Joꞌcan ut anakcuan ma̱cuaꞌex chic lokꞌbil mo̱s. La̱ex ban chic ralal li Dios. Ut xban nak la̱ex chic ralal li Dios, te̱re̱chani ajcuiꞌ li yechiꞌinbil reheb li ralal xcꞌajol xban nak joꞌcan quiraj li Dios.

Romanos 4:4

Li ani natrabajic naxcꞌul xtojbal. Lix tojbal naxcꞌul aꞌan moco yal xma̱tan ta xban nak ac xtoj rix.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

San Marcos 10:17

Nak ac xic re li Jesús saꞌ jalan chic naꞌajej, quichal jun li cui̱nk saꞌ a̱nil, colxcuikꞌib rib chiru ut quixye re: —At cha̱bil tzolonel, ¿cꞌaꞌru ta̱ru̱k tinba̱nu re nak tincue̱chani li yuꞌam chi junelic?—

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.