Tito 3:3 - Li Santil hu

³ La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Q'eqchi Bible

³ Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Tito 3:3 ပူးပေါင်းရင်းမြစ်များ

Colosenses 1:21

Junxil incꞌaꞌ nequepa̱b li Dios. Ut xban li ma̱usilal cuan saꞌ le̱ chꞌo̱l, xicꞌ nequeril li Dios ut junes li incꞌaꞌ us nequeba̱nu.

Romanos 6:17

Junxil cuanquex rubel xcuanquil li ma̱c. Aꞌut anakcuan, bantiox re li Dios, chi anchal e̱chꞌo̱l nequepa̱b li tijleb li xekꞌaxtesi cuiꞌ e̱rib.

Colosenses 3:7

Joꞌcan ajcuiꞌ queba̱nu chak la̱ex junxil nak toj cuanquex chak saꞌ li ma̱c.

Romanos 6:22

Anakcuan colbilex chic chiru li ma̱c ut kꞌaxtesinbilex chic chi cꞌanjelac chiru li Dios. Ut le̱ kꞌajca̱munquil aꞌan le̱ santobresinquil ut le̱ yuꞌam chi junelic.

1 Pedro 1:14

Chex-abi̱nk chiru li Dios xban nak la̱ex ralal xcꞌajol. Me̱ba̱nu chic li nequerahi ru junxil nak toj ma̱jiꞌ nequenau lix ya̱lal.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

San Juan 8:34

Li Jesús quixye reheb: —Relic chi ya̱l ninye e̱re nak chixjunileb li nequeꞌxba̱nu li ma̱usilal cuanqueb rubel xcuanquil li ma̱c. Chanchan nak cꞌayinbileb chi cꞌanjelac chiru.

San Mateo 21:29

Quichakꞌoc li alalbej ut quixye: “Incꞌaꞌ nacuaj xic,” chan. Abanan mokon chic quiyotꞌeꞌ xchꞌo̱l ut co̱.

Salmos 36:2

Nequeꞌxnimobresi rib ut nequeꞌxcꞌoxla nak li Dios incꞌaꞌ naxnau nak cuan xma̱queb. Ut nequeꞌxcꞌoxla ajcuiꞌ nak li Dios incꞌaꞌ tixqꞌueheb chixtojbal rixeb lix ma̱c.

Santiago 1:26

Cui junak naxcꞌoxla nak tzꞌakal aj pa̱banel, ut incꞌaꞌ naxqꞌue retal li cꞌaꞌru naxye, li jun aꞌan naxbalakꞌi rib xjunes rib ut lix pa̱ba̱l ma̱cꞌaꞌ na-oc cuiꞌ.

Gálatas 6:3

Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes.

San Lucas 21:8

Li Jesús quixye reheb: —Cheba̱nu cue̱nt re nak incꞌaꞌ texbalakꞌi̱k xban nak nabal teꞌcha̱lk chi balakꞌi̱nc ut teꞌxye nak saꞌ incꞌabaꞌ la̱in xeꞌchal. Teꞌxye, “La̱in li Cristo li yechiꞌinbil xban li Dios,” chaꞌkeb. Ut teꞌxye, “Anakcuan xcuulac xkꞌehil,” chaꞌkeb. Abanan me̱pa̱b li cꞌaꞌru teꞌxye eb aꞌan.

Apocalipsis 18:2

Quixjap re chi cau xya̱b xcux ut quixye: X-osoꞌ li tenamit Babilonia. Xsacheꞌ xcuanquil li nimla tenamit Babilonia. Li tenamit aꞌan xcana chokꞌ xnaꞌajeb laj tza ut eb li ma̱us aj musikꞌej. Xcana chokꞌ xnaꞌajeb laj xicꞌanel xul li kꞌaxal yibeb ru li incꞌaꞌ nequeꞌtiꞌeꞌ.

Apocalipsis 13:14

Quixbalakꞌiheb li cuanqueb saꞌ ruchichꞌochꞌ riqꞌuin li sachba chꞌo̱lej li quiqꞌueheꞌ re xba̱nunquil chiru li joskꞌ aj xul. Ut quixye reheb li cuanqueb saꞌ ruchichꞌochꞌ nak teꞌxyi̱b jun xjalam u̱ch li joskꞌ aj xul li quiyoqꞌueꞌ riqꞌuin chꞌi̱chꞌ ut quiqꞌuira.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Isaías 44:20

Chanchan nak naxcuaꞌ li cha. Naxqꞌue rib chi balakꞌi̱c. Incꞌaꞌ naru tixcol rib chiru li ticꞌtiꞌ. Incꞌaꞌ naru tixye, “moco dios ta li cuan saꞌ lin nim ukꞌ.”

Abdías 1:3

Xebalakꞌi e̱rib e̱junes xban le̱ kꞌetkꞌetil. Xeyi̱b le̱ naꞌaj toj saꞌ xbe̱n li tzu̱l saꞌ xya̱nkeb li ni̱nki pec ut nequeye saꞌ e̱chꞌo̱l, ¿Ani ta biꞌ ta̱ru̱k ta̱taꞌok ke arin? Arin ma̱ ani ta̱numta̱k saꞌ kabe̱n, chanquex.

Proverbios 8:5

La̱ex li incꞌaꞌ nequetau e̱naꞌleb, chetauhak e̱naꞌleb. Ut la̱ex li incꞌaꞌ nequetau xya̱lal, chetzolak e̱rib.

Romanos 6:6

Nakanau nak li kanajter naꞌleb quiqꞌueheꞌ chiru cruz rochben li Cristo. Naraj naxye nak quisacheꞌ xcuanquil li kanajter naꞌleb nak quicam li Cristo. Ut anakcuan incꞌaꞌ chic cuanco rubel xcuanquil li ma̱c joꞌ nak xocuan chak junxil nak xkacꞌanjela chak ru li ma̱c.

Romanos 6:12

Joꞌcan nak me̱qꞌue chic e̱rib rubel xcuanquil li ma̱c ut me̱ba̱nu chic li cꞌaꞌru naxrahi ru le̱ chꞌo̱l.

Romanos 11:30

Ut la̱ex, li ma̱cuaꞌex aj judío, la̱ex aj kꞌetol ra̱tin li Dios nak quexcuan chak. Ut eb laj judío queꞌxkꞌet ajcuiꞌ chak ra̱tin li Dios. Joꞌcan nak la̱ex chic x-uxta̱na̱c e̱ru xban li Dios.

2 Timoteo 3:6

Saꞌ xya̱nkeb aꞌan cuanqueb li cui̱nk li nequeꞌxsicꞌ chanru teꞌoc saꞌ eb li cab chi balakꞌi̱nc ut nequeꞌxcꞌut lix tijleb chiruheb li ixk li ma̱cꞌaꞌeb xnaꞌleb, li nequeꞌrecꞌa nak aj ma̱queb, ut junes li cꞌaꞌak re ru nequeꞌxrahi ru, aꞌan li nequeꞌxba̱nu.

2 Timoteo 3:13

Ut ta̱numta̱k lix ma̱usilaleb laj balakꞌ li incꞌaꞌ useb xnaꞌleb. Yo̱keb chi balakꞌi̱nc ut yo̱k ajcuiꞌ xbalakꞌinquileb aꞌan.

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

Tito 2:12

Lix nimal ruxta̱n li Dios naxcꞌut chiku nak li Dios naraj nak takacanab xba̱nunquil li ma̱usilal. Chikacanab xba̱nunquil li incꞌaꞌ us li naxrahi ru li kachꞌo̱l. Saꞌ xya̱lal ban chikanumsihak li cutan saꞌ li ruchichꞌochꞌ aꞌin. Tocua̱nk saꞌ ti̱quilal riqꞌuineb li kas ki̱tzꞌin ut chikaba̱nuhak taxak li naraj li Dios.

Génesis 38:9

Ut laj Onán quixnau nak li cocꞌal li teꞌyoꞌla̱k riqꞌuin li ixk aꞌan ma̱cuaꞌ saꞌ xcꞌabaꞌ aꞌan teꞌyoꞌla̱k. Saꞌ xcꞌabaꞌ ban li ras camenak. Incꞌaꞌ quicuulac chiru. Joꞌcan nak laj Onán nak nacuan riqꞌuin li ixk, naxsicꞌ xya̱lal chanru tixba̱nu re nak li ixk incꞌaꞌ ta̱cana̱k chi yaj.

Génesis 39:16

Ut li ixk quixxoc li rakꞌ laj José re nak tixcꞌut chiru lix be̱lom nak ta̱cuulak saꞌ cab.