Tito 3:2 - Li Santil hu

² Ut chaye ajcuiꞌ reheb nak incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcuechꞌi̱nk. Kꞌunakeb ban xchꞌo̱l ut cha̱bilakeb. Ut cheꞌcua̱nk saꞌ usilal riqꞌuineb chixjunileb li ras ri̱tzꞌin.

Q'eqchi Bible

² Me'xhob' anihaq, maawa'aqeb' aj yoob'anel ch'a'ajkilal, q'unaqeb' b'an xch'ool ut che'wanq tz'aqal sa' tuulanil chiruheb' chixjunil.

Tito 3:2 ပူးပေါင်းရင်းမြစ်များ

Efesios 4:31

Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Efesios 4:2

Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

1 Pedro 3:10

Joꞌcaꞌin naxye saꞌ li Santil Hu: Li ani ta̱raj cua̱nc chi sa saꞌ xchꞌo̱l re tixnumsiheb li cutan saꞌ xya̱lal, incꞌaꞌ ta̱a̱tinak riqꞌuin yibru a̱tin chi moco ta̱ticꞌtiꞌik.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

Santiago 4:11

Ex inherma̱n, me̱cuechꞌi rix le̱ rech aj pa̱banelil xban nak ani naxcuechꞌi rix li rech aj pa̱banelil naxcuechꞌi ajcuiꞌ rix lix chakꞌrab li Dios ut naxqꞌue rib chokꞌ aj rakol a̱tin. Li kacꞌanjel ma̱cuaꞌ re xcuechꞌbal rix li chakꞌrab; re ban xpa̱banquil.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

San Mateo 11:29

Cꞌulumak li yugo li tinqꞌue saꞌ e̱be̱n ut tzolomak e̱rib cuiqꞌuin xban nak tu̱lanin ut kꞌun inchꞌo̱l ut te̱tau xcꞌojobanquil e̱chꞌo̱l,

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

2 Samuel 22:36

At Ka̱cuaꞌ, la̱at nacatcoloc cue, ut xban xnimal la̱ cuusilal xniman incuanquil.

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

1 Ts 2:7

Saꞌ tu̱lanil ban xocuan saꞌ e̱ya̱nk joꞌ junak naꞌbej naxqꞌuiresiheb saꞌ tu̱lanil lix cocꞌal.

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

1 Corintios 9:19

La̱in moco taklanbilin ta xban cui̱nk, abanan ninqꞌue cuib chi cꞌanjelac chiruheb chixjunileb re nak teꞌxpa̱b li Cristo inban la̱in.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

Hechos 23:5

Quichakꞌoc laj Pablo ut quixye reheb: —Ex cuech tenamitil, chine̱cuy, incꞌaꞌ ninnau nak aꞌan ta xyucuaꞌil aj tij. Tzꞌi̱banbil retalil saꞌ li Santil Hu naxye chi joꞌcaꞌin: Incꞌaꞌ ta̱tzꞌekta̱na li nataklan saꞌ le̱ tenamit.— (Ex. 22:28)

Proverbios 25:24

Kꞌaxal us li cua̱nc saꞌ junak cab nebaꞌ chiru li cua̱nc saꞌ junak xnimal ru cab riqꞌuin junak ixakilbej junes pletic naxba̱nu.

Proverbios 6:19

li ani nakꞌaban ut li ani nayoꞌoban pletic saꞌ xya̱nkeb li ras ri̱tzꞌin.

San Judas 1:10

Ut eb laj balakꞌ aꞌin nequeꞌxmajecua ru li cꞌaꞌak re ru lokꞌ, li incꞌaꞌ nequeꞌxtau ru. Chanchaneb li xul li ma̱cꞌaꞌeb xnaꞌleb. Nequeꞌxsach rib chixba̱nunquil li cꞌaꞌak re ru chi ma̱usilal.

San Judas 1:8

Usta nanauman li cꞌaꞌru quixcꞌul li tenamit Sodoma ut Gomorra, abanan toj cuanqueb ajcuiꞌ aj balakꞌ li nequeꞌxpa̱b li yal yoꞌobanbil naꞌleb. Ut nequeꞌxtzꞌajni rib riqꞌuin li ma̱c. Nequeꞌxtzꞌekta̱na lix cuanquil li Ka̱cuaꞌ ut nequeꞌxmajecua li cuanqueb xcuanquil ut li cuanqueb xlokꞌal.

2 Pedro 2:10

¿Ma tojaꞌ ta chic incꞌaꞌ tixqꞌueheb saꞌ tojba ma̱c li nequeꞌxrahi ru li tzꞌajbe̱tal aj naꞌleb ut nequeꞌxtzꞌekta̱na lix cuanquilal li Cristo? Eb aꞌan joskꞌeb ut kꞌetkꞌeteb. Incꞌaꞌ nequeꞌxucuac chixmajecuanquileb li ángel li cuanqueb saꞌ xnimajcual cuanquilal.

1 Pedro 4:4

Aꞌut anakcuan eb li ma̱jiꞌ nequeꞌpa̱ban nequeꞌsach xchꞌo̱leb che̱rilbal. Nequeꞌxqꞌue retal nak ma̱cuaꞌex chic jun saꞌ xya̱nkeb chixba̱nunquil li ma̱usilal. Ut xban aꞌan nequexhobeꞌ.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Proverbios 19:19

Li ani kꞌaxal cuiꞌchic najoskꞌoꞌ, tento tixcꞌul li raylal naxbok saꞌ xbe̱n. Incꞌaꞌ us xcolbal rix xban nak cui ta̱col rix, ta̱cꞌa̱yk xba̱nunquil.