Tito 3:15 - Li Santil hu

¹⁵ Chixjunileb li cuanqueb cuochben nequeꞌxtakla xsahil a̱chꞌo̱l. Ut chaqꞌue ajcuiꞌ xsahileb xchꞌo̱l li kech aj pa̱banelil. Nakara kib chi kibil kib xban nak junaj li kapa̱ba̱l. Aꞌ taxak li rusilal li Dios chicua̱nk e̱riqꞌuin che̱junilex. Joꞌcan taxak.

Q'eqchi Bible

¹⁵ Neke'xtaqla xsahil aach'ool chixjunileb' li wankeb' wochb'een. Chak'e xsahil xch'ooleb' li neke'rahok qe sa' li paab'ank. Li rusilal li Yos chiwanq taxaq eerik'in chejunilex.

Tito 3:15 ပူးပေါင်းရင်းမြစ်များ

Hebreos 13:25

Li rusilal li Dios chicua̱nk e̱riqꞌuin. Joꞌcan taxak.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

Colosenses 4:18

La̱in laj Pablo. Riqꞌuin cuukꞌ yo̱quin chixtzꞌi̱banquil li cuib oxib chi a̱tin aꞌin re xqꞌuebal xsahil saꞌ e̱chꞌo̱l. Nintzꞌa̱ma che̱ru nak misach saꞌ e̱chꞌo̱l nak cuanquin chi pre̱xil. Aꞌ taxak li Ka̱cuaꞌ Dios chi-osobtesi̱nk e̱re. Joꞌcan taxak.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

3 Juan 1:1

Nintzꞌi̱bac a̱cuiqꞌuin, at hermano Gayo. La̱in aj cꞌamol be cha̱cuu saꞌ la̱ pa̱ba̱l. Relic chi ya̱l nak nacatinra.

Filemón 1:5

Ninbantioxi chiru li Dios nak nacuabi resil nak nacapa̱b chi tzꞌakal li Jesucristo ut ninbantioxi chiru nak nacaraheb chixjunileb laj pa̱banel.

2 Timoteo 4:22

Aꞌ taxak li Ka̱cuaꞌ chicua̱nk a̱cuiqꞌuin. Ut aꞌ taxak li rusilal li Dios chicua̱nk e̱riqꞌuin la̱ex che̱junilex. Joꞌcan taxak.

1 Timoteo 1:2

At Timoteo, yo̱quin chi tzꞌi̱bac a̱cuiqꞌuin. Chanchanat li tzꞌakal cualal nak cuancat xban nak chicuu xapa̱b li Cristo. Chicua̱nk taxak a̱cuiqꞌuin li usilal, li uxta̱n ut li tuktu̱quilal li naxqꞌue li Dios li kaYucuaꞌ ut li naxqꞌue li Ka̱cuaꞌ Jesucristo.

1 Corintios 16:23

Aꞌ taxak li rusilal li Ka̱cuaꞌ chicua̱nk e̱riqꞌuin.

San Mateo 5:47

Ut cui caꞌaj cuiꞌ le̱ rech tenamitil nequeqꞌue xsahil xchꞌo̱leb, ¿cꞌaꞌru rusil aꞌan? ¿Ma incꞌaꞌ ta biꞌ joꞌcan ajcuiꞌ nequeꞌxba̱nu li incꞌaꞌ nequeꞌxpa̱b li Dios?

Hechos 20:34

Ut nequenau ajcuiꞌ nak la̱in xincꞌanjelac riqꞌuin cuukꞌ re xsicꞌbal li cꞌaꞌru cue joꞌ ajcuiꞌ li cꞌaꞌru reheb li cuanqueb cuochben.