Tito 2:7 - Li Santil hu

⁷ Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

Q'eqchi Bible

⁷ Chak'e aawib' chi xk'amb'aleb' xb'e sa' chixjunil li chaab'il k'anjel: rik'in li tz'aqal tij, rik'in xloq'al laayu'am,

Tito 2:7 ပူးပေါင်းရင်းမြစ်များ

1 Pedro 5:3

Me̱taklaheb saꞌ joskꞌil li kꞌaxtesinbileb e̱re. Te̱taklaheb ban saꞌ xya̱lal. Cha̱bilakex chiruheb re nak teꞌril le̱ cha̱bilal.

1 Timoteo 4:12

Ut la̱at, at Timoteo, chatcua̱nk saꞌ xya̱lal ut chat-a̱tinak saꞌ xya̱lal. Charaheb la̱ cuas a̱cui̱tzꞌin. Cauhak taxak a̱chꞌo̱l saꞌ la̱ pa̱ba̱l ut ti̱cak taxak la̱ yuꞌam. Joꞌcan taxak ta̱ba̱nu re nak ma̱ ani chitzꞌekta̱na̱nk a̱cue xban la̱ sa̱jilal. Cheꞌxtzol ban ribeb a̱cuiqꞌuin xban nak yo̱kat chixcꞌambaleb xbe saꞌ ti̱quilal.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

2 Ts 3:9

Moco xban ta nak ma̱cuaꞌ ta kacꞌulub xcꞌulbal katenkꞌanquil nak xkaba̱nu aꞌan. Xkaba̱nu chi joꞌcan yal re nak te̱tzol e̱rib kiqꞌuin.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

2 Corintios 8:8

La̱in incꞌaꞌ yo̱quin xminbal e̱ru. Yo̱quin ban chixyebal e̱re chanru nak eb laj Macedonia nequeꞌxqꞌue xmayej chi anchaleb xchꞌo̱l ut nacuaj ajcuiꞌ xnaubal ma chi anchal e̱chꞌo̱l nequexrahoc la̱ex.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

Tito 3:8

Li a̱tin aꞌin li xinye a̱cue, aꞌan li tzꞌakal ya̱l. La̱in nacuaj nak ta̱chꞌolob lix ya̱lal aꞌin chiruheb li ac xeꞌxpa̱b li Dios re nak teꞌxqꞌue xchꞌo̱l chi cꞌanjelac saꞌ cha̱bilal. Li xya̱lal aꞌin kꞌaxal cha̱bil ut ta̱cꞌanjelak chiruheb chixjunileb.