Tito 2:2 - Li Santil hu

² Chaqꞌueheb xnaꞌleb li che̱quel cui̱nk re nak incꞌaꞌ teꞌcala̱k ut cha̱bilakeb xnaꞌleb. Toj cheꞌxcꞌoxla chi us li cꞌaꞌru teꞌxba̱nu ut cheꞌpa̱ba̱nk chi anchaleb xchꞌo̱l. Chixjunil li teꞌxba̱nu, cheꞌxba̱nuhak xban nak nequeꞌxra li ras ri̱tzꞌin ut cheꞌxcuyak li raylal.

Q'eqchi Bible

² Chaye reheb' li cheekel winq naq che'xnawaq wank sa' xyaalal, wanqeb' xna'leb', yaalaq ru li raatineb', chaab'ilaqeb' xch'ool sa' li paab'aal ut sa' li rahok, kawaqeb' sa' li kuyuk.

Tito 2:2 ပူးပေါင်းရင်းမြစ်များ

Gálatas 5:23

tu̱lanil ut cuyuc ib. Ma̱cꞌaꞌ junak chakꞌrab naxye nak incꞌaꞌ us xba̱nunquil aꞌin.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

Tito 1:13

Ut ya̱l ajcuiꞌ li quixye. Joꞌcan nak cau chakꞌuseb re nak teꞌcacuu̱k xchꞌo̱leb saꞌ lix pa̱ba̱leb.

1 Timoteo 3:2

Abanan li ani naxcꞌoxla oc chokꞌ aj cꞌamol be, tento nak cua̱nk saꞌ xya̱lal re nak ma̱ ani ta̱a̱tinak chirix. Junak ajcuiꞌ li rixakil. Ma̱cuaꞌak aj calajenak. Tento nak se̱bak xchꞌo̱l ut cha̱bilak xnaꞌleb re nak qꞌuebilak xlokꞌal. Aꞌanak aj qꞌuehol ochochna̱l ut chixqꞌuehak xchꞌo̱l chixcꞌutbal lix ya̱lal chi tzꞌakal re ru.

Proverbios 16:31

Li ani nati̱x chi us, kꞌaxal lokꞌ chokꞌ re. Nati̱x chi us xban nak cuan saꞌ ti̱quilal.

1 Ts 5:8

Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.

Romanos 12:3

Xban ruxta̱n li Dios nak qꞌuebil cue lin cꞌanjel. Joꞌcan nak ninchꞌolob xya̱lal che̱ru re nak incꞌaꞌ te̱nimobresi e̱rib. Cheqꞌuehak ban xcuanquil le̱ cꞌanjel qꞌuebil e̱re xban li Dios saꞌ xcꞌabaꞌ le̱ pa̱ba̱l.

Li xHu LAJ JOB 12:12

Eb li che̱queb cuanqueb xnaꞌleb. Xban nak ac ti̱xeb, cuanqueb xnaꞌleb.

Levítico 19:32

Che-oxlokꞌi li che̱quel cristian ut cheqꞌue xlokꞌal li ti̱xeb. Chexucua cuu la̱in li Ka̱cuaꞌ le̱ Dios.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

1 Corintios 15:34

Checꞌoxla chi us li yo̱quex chixba̱nunquil ut mexma̱cob chic. Cuanqueb saꞌ e̱ya̱nk li toj ma̱jiꞌ nequeꞌxpa̱b li Dios. Re xcꞌutbal e̱xuta̱n nak ninye e̱re chi joꞌcaꞌin.

Salmos 92:14

Usta ac ti̱xeb chic, junelic yo̱keb chi qꞌui̱c ut cauhakeb rib.

2 Pedro 1:6

Joꞌcan ajcuiꞌ nak chikacuyak kib. Ut chicua̱nk xcacuil li kachꞌo̱l saꞌ li kapa̱ba̱l riqꞌuin li raylal nakacꞌul ut chikacꞌoxlahak li Dios chi tzꞌakal.

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

Tito 1:8

Junak aj cꞌanjel chiru li Dios naxcꞌuleb li rulaꞌ chi sa saꞌ xchꞌo̱l ut nasahoꞌ ajcuiꞌ saꞌ xchꞌo̱l riqꞌuineb li nequeꞌba̱nun re li us. Laj cꞌanjel chiru li Dios toj naxcꞌoxla chi us li cꞌaꞌru naxba̱nu ut junelic cua̱nk saꞌ usilal riqꞌuineb li ras ri̱tzꞌin. Ti̱c xchꞌo̱l ut naxcuy xnumsinquil li raylal ut li a̱le̱c.

1 Timoteo 3:4

Tento nak tixnau takla̱nc saꞌ li rochoch re nak li ralal xcꞌajol teꞌx-oxlokꞌi ut teꞌabi̱nk chiru.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

1 Ts 5:6

Junelic yoꞌon taxak cua̱nko ut yo̱ko taxak chiroybeninquil lix cꞌulunic li Jesucristo. Incꞌaꞌ takaba̱nu joꞌ nequeꞌxba̱nu li jun chꞌol chic. Aj-ajak ban ku saꞌ li kapa̱ba̱l.

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

2 Corintios 5:13

Cuan nequeꞌyehoc nak incꞌaꞌ tuktu kajolom. Abanan li cꞌaꞌru nakaba̱nu, aꞌan re xqꞌuebal xlokꞌal li Dios. Cui la̱ex nequecꞌoxla nak tuktu kajolom, us, xban nak us chokꞌ e̱re la̱ex li cꞌaꞌru nakaba̱nu.

1 Corintios 9:25

Li ani naxyal xkꞌe chi a̱linac naxcuy li raylal re nak ta̱cacuu̱k xmetzꞌe̱u. Nequeꞌxba̱nu aꞌan re xcꞌulbal junak ma̱tan na-osoꞌ. Joꞌcan ajcuiꞌ la̱o aj pa̱banel nakacuy li raylal ut nakacꞌul ajcuiꞌ kama̱tan. Abanan li ma̱tan nakacꞌul la̱o incꞌaꞌ na-osoꞌ. Aꞌan cuan chi junelic.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

San Lucas 8:35

Ut nabaleb li tenamit queꞌco̱eb chirilbal li cꞌaꞌru quicꞌulman. Queꞌcuulac cuan cuiꞌ li Jesús ut queꞌril li cui̱nk li qui-isi̱c nabal chi ma̱us aj musikꞌej riqꞌuin. Chunchu chiru li Jesús. Tikto chic ut tuktu chic xjolom. Riqꞌuin rilbal aꞌan queꞌsach xchꞌo̱leb li tenamit.

San Marcos 5:15

Queꞌcuulac cuan cuiꞌ li Jesús ut queꞌril li cui̱nk li qui-isi̱c nabal chi ma̱us aj musikꞌej riqꞌuin. Cꞌojcꞌo aran nak coxeꞌxtau. Tikto chic ut tuktu chic xjolom. Riqꞌuin rilbal aꞌan queꞌoc xxiuheb li tenamit.

Isaías 65:20

Incꞌaꞌ chic teꞌca̱mk li cꞌulaꞌal. Eb li che̱quel cristian toj ta̱tzꞌaklok lix chihabeb. Li ani teꞌca̱mk nak ac xeꞌxba̱nu oꞌcꞌa̱l chihab, chanchan nak toj sa̱jeb nak teꞌca̱mk. Cui ani nacam nak toj ma̱jiꞌ naxba̱nu oꞌcꞌa̱l chihab, aꞌan retalil nak tzꞌekta̱nanbilak xban lix ma̱c.

1 Timoteo 3:8

Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc.

1 Timoteo 1:2

At Timoteo, yo̱quin chi tzꞌi̱bac a̱cuiqꞌuin. Chanchanat li tzꞌakal cualal nak cuancat xban nak chicuu xapa̱b li Cristo. Chicua̱nk taxak a̱cuiqꞌuin li usilal, li uxta̱n ut li tuktu̱quilal li naxqꞌue li Dios li kaYucuaꞌ ut li naxqꞌue li Ka̱cuaꞌ Jesucristo.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.

1 Timoteo 1:14

Ut li Ka̱cuaꞌ Jesucristo numtajenak cuiꞌchic li cuosobtesinquil quixqꞌue. Quixqꞌue inpa̱ba̱l ut quixqꞌue cue li rahoc li nakatau nak junajo chic riqꞌuin li Cristo.

1 Timoteo 5:1

Ma̱kꞌuseb li che̱quel cui̱nk saꞌ joskꞌil. Qꞌueheb ban xnaꞌleb joꞌ la̱ yucuaꞌ cha̱cuu nak ta̱cuileb. Ut chaqꞌueheb ajcuiꞌ xnaꞌleb li sa̱j cui̱nk joꞌqueb a̱cui̱tzꞌin cha̱cuu nak ta̱cuileb.

Filemón 1:9

Abanan incꞌaꞌ tinmin a̱cuu chixba̱nunquil. Tintzꞌa̱ma ban li usilal cha̱cuu xban nak nakara kib. La̱in ac xinti̱x ut cuanquin chi pre̱xil saꞌ xcꞌabaꞌ li Cristo.