Tito 2:15 - Li Santil hu

¹⁵ Chixjunil li naꞌleb aꞌin li yo̱quin xtzꞌi̱banquil a̱cuiqꞌuin, aꞌan li ta̱chꞌolob chiruheb. Chaqꞌueheb xnaꞌleb ut chakꞌuseb cui incꞌaꞌ us yo̱queb xban nak tenebanbil saꞌ a̱be̱n xban li Dios xba̱nunquil. Ut ma̱ ani chitzꞌekta̱na̱nk a̱cue.

Q'eqchi Bible

¹⁵ Kama' a'an tat-aatinaq, chak'eheb' xna'leb' ut chaq'useb' chi wanq aawankil. Maa'ani chitz'eqtaananq aawe.

Tito 2:15 ပူးပေါင်းရင်းမြစ်များ

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Tito 1:13

Ut ya̱l ajcuiꞌ li quixye. Joꞌcan nak cau chakꞌuseb re nak teꞌcacuu̱k xchꞌo̱leb saꞌ lix pa̱ba̱leb.

1 Timoteo 5:20

Ut li ani cuan xma̱c, us xkꞌusbal chiru chixjunileb laj pa̱banel re nak li jun chꞌol chic aj cꞌamol be teꞌxucuak ut teꞌxcꞌoxla chi us li cꞌaꞌru teꞌxba̱nu.

San Mateo 7:29

Queꞌsach xchꞌo̱leb xban nak quixcꞌut chi tzꞌakal lix ya̱lal chiruheb riqꞌuin xcuanquil ut moco joꞌ ta eb laj tzꞌi̱b.

San Marcos 1:22

Nequeꞌsach xchꞌo̱leb li tenamit chirabinquil li cꞌaꞌru naxye li Jesús xban nak quixcꞌut xya̱lal chiruheb chi cuan xcuanquil ut moco joꞌ ta queꞌxba̱nu laj tzꞌi̱b li nequeꞌcꞌutuc lix chakꞌrab li Dios.

San Lucas 4:36

Chixjunileb li queꞌiloc re, cꞌajoꞌ nak queꞌxucuac ut yo̱queb chixyebal chi ribileb rib: —¿Cꞌaꞌru xya̱lal aꞌin? ¿Cꞌaꞌru li tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, aꞌan nequeꞌxba̱nu, chanqueb.

San Marcos 1:27

Quilajeꞌsach xchꞌo̱l chixjunileb li tenamit ut queꞌxye chiribileb rib: —¿Cꞌaꞌru xya̱lal aꞌin? ¿Cꞌaꞌru li acꞌ tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, nequeꞌxpa̱b.—

1 Corintios 16:11

Joꞌcan ut ma̱ ani chitzꞌekta̱na̱nk re. Chetenkꞌa riqꞌuin li cꞌaꞌru re, re nak ta̱cha̱lk cuiꞌchic cuiqꞌuin saꞌ xya̱lal. La̱in yo̱quin chiroybeninquil nak ta̱cha̱lk cuiꞌchic cuiqꞌuin rochbeneb li herma̱n.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.