Tito 2:13 - Li Santil hu

¹³ Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Q'eqchi Bible

¹³ Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

Tito 2:13 ပူးပေါင်းရင်းမြစ်များ

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

1 Corintios 1:7

Ac xema̱tani li usilal li naxqꞌue li Santil Musikꞌej ut ma̱cꞌaꞌ chic nequeroybeni. Caꞌaj chic lix cꞌulunic li Ka̱cuaꞌ Jesucristo nequeroybeni.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

San Marcos 14:62

Ut li Jesús quixye: —La̱in. Ut saꞌ jun cutan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut te̱ril ajcuiꞌ nak yo̱kin chak chi cha̱lc saꞌ li chok saꞌ choxa, chan.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Hechos 24:15

La̱in cau inchꞌo̱l chixpa̱banquil li Dios joꞌ nequeꞌxba̱nu li yo̱queb chi jitoc cue. La̱in ninpa̱b ajcuiꞌ nak teꞌcuacli̱k cuiꞌchic chi yoꞌyo li camenak, joꞌ li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Tito 3:4

Abanan quicuulac xkꞌehil nak li Dios laj Colol ke quixcꞌutbesi chiku li rusilal ut li ruxta̱n.

Colosenses 3:4

Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

Colosenses 1:5

Nak xerabi resil li colba-ib, xerabi ajcuiꞌ resil li sahil chꞌo̱lejil cꞌu̱lanbil saꞌ choxa chokꞌ e̱re. Xban nak yo̱quex chixyoꞌoninquil aꞌan, nequexpa̱ban ut nequera le̱ rech aj pa̱banelil.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

San Mateo 25:31

Nak tincha̱lk la̱in li Cꞌajolbej riqꞌuin xnimal inlokꞌal cuochbenakeb chak chixjunileb li ángel, tojoꞌnak toxincꞌojla̱k saꞌ lin cꞌojariba̱l retalil xnimal incuanquil chi rakoc a̱tin.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

2 Ts 2:8

Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo.

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Romanos 8:18

La̱in ninye nak li raylal yo̱co chixcꞌulbal anakcuan incꞌaꞌ takaqꞌue saꞌ kachꞌo̱l xban nak moco juntakꞌe̱t ta riqꞌuin li usilal takacꞌul mokon xban nak numtajenak cuiꞌchic lix nimal xlokꞌal li rusilal li Dios tixqꞌue ke.

1 Timoteo 1:1

La̱in laj Pablo. Taklanbilin xban li Jesucristo chi cꞌanjelac chiru xban nak joꞌcan quiraj li Dios laj Colol ke. Ut joꞌcan ajcuiꞌ quiraj li Ka̱cuaꞌ Jesucristo li kayoꞌon.

2 Timoteo 1:2

Yo̱quin chixtzꞌi̱banquil li hu aꞌin a̱cuiqꞌuin, at Timoteo. Raro̱cat inban ut chanchanat tzꞌakal cualal chicuu nak cuancat. Chicua̱nk taxak a̱cuiqꞌuin li usilal, li uxta̱n, ut li tuktu̱quilal, li nachal chak riqꞌuin li Dios li kaYucuaꞌ ut riqꞌuin li Ka̱cuaꞌ Jesucristo.

Tito 1:4

Yo̱quin chi tzꞌi̱bac a̱cuiqꞌuin, at Tito. La̱at chanchanat tzꞌakal cualal saꞌ xcꞌabaꞌ li kapa̱ba̱l. Chicua̱nk taxak a̱cuiqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Jesucristo laj Colol ke.

San Judas 1:21

Chenauhak nak nequexra li Dios ut incꞌaꞌ chicuiba̱nk e̱chꞌo̱l. Cheroybenihak nak tol-e̱lk li Ka̱cuaꞌ Jesucristo ut riqꞌuin lix nimal ruxta̱n tixqꞌue le̱ yuꞌam chi junelic.