Tito 1:9 - Li Santil hu

⁹ Incꞌaꞌ nachꞌinan xchꞌo̱l saꞌ lix pa̱ba̱l. Naxpa̱b ban chi anchal xchꞌo̱l lix ya̱lal li quicꞌuteꞌ chiru re nak tixnau xchꞌolobanquil lix ya̱lal chiruheb li rech aj pa̱banelil ut tixnau xqꞌuebal xnaꞌlebeb li nequeꞌcuechꞌin re li cꞌaꞌru naxye.

Q'eqchi Bible

⁹ kawaq xch'ool chirix li aatin tz'aqal paab'ajel jo' chanru kitzole'k wi'. Chi jo'kan tixnaw xwaklesinkil xch'ooleb' li kristiyan rik'in li chaab'il na'leb' jo'wi' xtz'apb'al xsa' reheb' li neke'wech'ok.

Tito 1:9 ပူးပေါင်းရင်းမြစ်များ

2 Ts 2:15

Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin.

2 Timoteo 1:13

Chicua̱nk saꞌ a̱chꞌo̱l li tijleb li tzꞌakal ya̱l li xincꞌut cha̱cuu. Ut chicua̱nk la̱ pa̱ba̱l ut chatrahok xban nak rehat chic li Cristo.

1 Timoteo 6:3

Cuan li nequeꞌcꞌutuc re jalan tijleb li moco ya̱l ta. Moco nequeꞌxpa̱b ta li ya̱l li quixcꞌut chiku li Ka̱cuaꞌ Jesucristo. Jalan cuiꞌ lix pa̱ba̱leb.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Tito 2:1

Abanan li cꞌaꞌru ta̱chꞌolob chiruheb laj pa̱banel, chaqꞌuehak retal re nak aꞌan tzꞌakal lix ya̱lal li ta̱chꞌolob chiruheb.

Tito 1:11

Eb aꞌan tento xkꞌusbaleb re nak teꞌxcanab li balakꞌi̱nc. Yo̱queb xpoꞌbal xchꞌo̱leb li ju̱nk cabal riqꞌuin xcꞌutbal li moco ya̱l ta. Riqꞌuin balakꞌi̱nc nequeꞌxtau lix tumineb.

2 Timoteo 4:3

Tento nak ta̱cꞌut lix ya̱lal chiruheb xban nak ta̱cuulak xkꞌehil nak incꞌaꞌ chic teꞌraj rabinquil li tijleb tzꞌakal ya̱l. Aꞌ chic li jun tu̱beb chi aj tzolonel, aꞌan chic li teꞌxta̱ke re nak ta̱yehekꞌ reheb cꞌaꞌru li teꞌraj rabinquil ut aꞌan chic li teꞌxqꞌue xchꞌo̱l chirabinquil.

1 Ts 5:21

Cheqꞌuehak ban retal chixjunil ut checꞌu̱lahak saꞌ e̱chꞌo̱l li cꞌaꞌru us.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

Li xHu LAJ JOB 2:3

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal. Usta la̱at xaye cue nak tincanab chixcꞌulbal li raylal re chi ma̱cꞌaꞌ rajbal, abanan laj Job toj cuan saꞌ ti̱quilal ut toj cau xchꞌo̱l cuiqꞌuin, chan li Dios.

Apocalipsis 3:11

La̱in chi se̱b tincha̱lk. Tincuulak e̱riqꞌuin. Joꞌcan nak cauhak taxak e̱chꞌo̱l saꞌ le̱ pa̱ba̱l ut me̱canab inpa̱banquil re nak te̱cꞌul le̱ kꞌajca̱munquil li tinqꞌue ut re ajcuiꞌ nak incꞌaꞌ ta̱qꞌuehekꞌ re jalan.

Apocalipsis 2:25

Caꞌaj cuiꞌ tinye e̱re aꞌin: Cacuubresihomak e̱chꞌo̱l saꞌ le̱ pa̱ba̱l toj ta̱cuulak xkꞌehil nak tincuulak e̱riqꞌuin.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

2 Timoteo 2:2

Li xya̱lal li xincꞌut cha̱cuu chiruheb nabaleb li cristian, aꞌan ajcuiꞌ chajultica chiruheb li cui̱nk li ti̱queb xchꞌo̱leb re nak eb aꞌan chic teꞌcꞌutuk re chiruheb jalaneb chic.

1 Timoteo 4:9

Relic chi ya̱l nak aꞌan li tzꞌakal xya̱lal li yo̱quin chixyebal, ut chixjunileb taxak teꞌpa̱ba̱nk re.

1 Timoteo 1:19

Cauhak taxak a̱chꞌo̱l saꞌ la̱ pa̱ba̱l ut ma̱cꞌaꞌ taxak li cꞌaꞌru ta̱chꞌiꞌchꞌiꞌi̱nk a̱cue saꞌ la̱ chꞌo̱l nak yo̱cat chi cꞌanjelac chiru li Dios. Ninye a̱cue aꞌin xban nak cuanqueb li xeꞌxcanab xba̱nunquil li ti̱quil chꞌo̱lej. Incꞌaꞌ queꞌxqꞌue retal li cꞌaꞌru yo̱ chi chꞌiꞌchꞌiꞌi̱nc reheb lix cꞌaꞌux. Ut riqꞌuin aꞌan yo̱queb chixtzꞌekta̱nanquil lix pa̱ba̱leb.

Hechos 18:28

Ut quira̱tinaheb laj judío chi cau xchꞌo̱l chiruheb chixjunileb li tenamit. Ut quixchꞌolob xya̱lal chiruheb chi tzꞌakal nak li Jesús, aꞌan li Cristo, joꞌ tzꞌi̱banbil saꞌ li Santil Hu.

Li xHu LAJ JOB 27:6

La̱in incꞌaꞌ tincanab xyebal nak ti̱c inchꞌo̱l xban nak ma̱cꞌaꞌ junak ma̱usilal xinba̱nu chak ta̱xuta̱nobresi̱nk ta cue.

1 Corintios 14:24

Abanan cui eb laj pa̱banel teꞌxchꞌolob xya̱lal li cꞌaꞌru quiyeheꞌ reheb xban li Dios, nak tox-oc saꞌ xya̱nkeb junak ma̱cuaꞌ aj pa̱banel malaj li toj ma̱jiꞌ naxtau ru lix ya̱lal aꞌan, li jun aꞌan tixqꞌue retal nak aꞌan aj ma̱c ut tixqꞌue ajcuiꞌ retal li cꞌaꞌru yo̱ chirabinquil.

2 Timoteo 3:14

Aꞌut la̱at, Timoteo, junelic taxak cauhak a̱chꞌo̱l chixpa̱banquil lix ya̱lal li xatzol cuiꞌ chak a̱cuib. Ac nacanau nak tzꞌakal ya̱l ut nacanau aniheb li xatzol cuiꞌ chak a̱cuib.