Tito 1:5 - Li Santil hu

⁵ Xatincanab aran saꞌ li tenamit Creta re nak ta̱cꞌu̱b ru li cꞌaꞌru toj yi̱ba̱c naraj ut re nak ta̱xakabeb li teꞌcꞌamok be chiruheb laj pa̱banel saꞌ li junju̱nk chi tenamit. Joꞌ xinye a̱cue, joꞌcan ta̱ba̱nu.

Q'eqchi Bible

⁵ A'in aj e naq xatinkanab' chaq Kreta, re naq taachoy xk'uub'ankil ru li k'aru toj uxk traj, ut taaxaqab'eb' aj jolominel tenamit sa' li junjunq chi tenamit, jo' chanru xatintaqla wi'.

Tito 1:5 ပူးပေါင်းရင်းမြစ်များ

Hechos 14:23

Queꞌxxakab aj cꞌamol be re li junju̱nk chꞌu̱tal chi aj pa̱banel. Queꞌxba̱nu lix ayu̱n ut queꞌtijoc saꞌ xbe̱neb re xkꞌaxtesinquileb saꞌ rukꞌ li Ka̱cuaꞌ li ac xeꞌpa̱ban.

1 Timoteo 1:3

Nacuaj nak tatcana̱k aran Éfeso joꞌ quintzꞌa̱ma cha̱cuu nak co̱in Macedonia. Tatcana̱k aran re nak ta̱kꞌuseb li yo̱queb chi balakꞌi̱nc saꞌ xya̱nkeb laj pa̱banel. Ta̱ye reheb nak teꞌxcanab xcꞌutbal li incꞌaꞌ ya̱l.

Eclesiastés 12:9

La̱in ninnau a̱tinac chi cha̱bil ut cuan innaꞌleb. Quintzol cuib chi us ut quintzꞌil rix li naꞌleb. Ut quinqꞌueheb ajcuiꞌ xnaꞌleb li tenamit ut quinye saꞌ xxiqueb re nak teꞌxtau xya̱lal. Ut nabal li proverbios quintzꞌi̱ba.

1 Corintios 14:40

Abanan li cꞌaꞌru te̱ba̱nu nak te̱chꞌutub e̱rib, cheba̱nuhak chixjunil chi tzꞌakal re ru ut saꞌ xya̱lal.

2 Timoteo 2:2

Li xya̱lal li xincꞌut cha̱cuu chiruheb nabaleb li cristian, aꞌan ajcuiꞌ chajultica chiruheb li cui̱nk li ti̱queb xchꞌo̱leb re nak eb aꞌan chic teꞌcꞌutuk re chiruheb jalaneb chic.

1 Corintios 11:34

Cui cuan junak saꞌ e̱ya̱nk ta̱tzꞌoca̱k, chicuaꞌak chak saꞌ rochoch re nak incꞌaꞌ te̱bok raylal saꞌ e̱be̱n nak te̱chꞌutub e̱rib. Toj cuan chic cꞌaꞌak re ru incꞌaꞌ xinye e̱re. Nak tincuulak che̱rilbal tinchꞌolob xya̱lal che̱ru li toj ma̱jiꞌ xinye e̱re.

Hechos 27:21

Ac xnumeꞌ nabal cutan ut ma̱jiꞌ nakayal cua. Joꞌcan nak laj Pablo quixakli saꞌ xyiheb ut quixye reheb: —Ex cuas cui̱tzꞌin, kꞌaxal us raj quine̱rabi ta. Incꞌaꞌ raj co-el chak Creta. Cui ta incꞌaꞌ xo-el, incꞌaꞌ raj xkacꞌul li raylal aꞌin ut incꞌaꞌ raj xosachoc.

Hechos 27:12

Ut xban nak ma̱cꞌaꞌ junak naꞌajej bar ta̱ru̱k teꞌxnumsi cuiꞌ li habalkꞌe chi sa saꞌ xchꞌo̱leb, li xqꞌuialeb queꞌxye nak us li e̱lc aran cui ta̱ru̱k teꞌcuulak Fenice re teꞌxnumsi li habalkꞌe aran. Aꞌan jun li tenamit xcue̱nt Creta. Saꞌ li naꞌajej aꞌan cuan cuib li oqueba̱l re li jucub. Jun nacana saꞌ li suroeste ut li jun chic nacana saꞌ li noroeste.

Hechos 27:7

Nabal cutan cobe̱c chiru haꞌ chi timil. Ra sa nak cocuulac saꞌ xjayal li tenamit Gnido. Xban nak kꞌaxal cau li ikꞌ, joꞌcan nak quikajal kabe. Conumeꞌ cuan cuiꞌ li tenamit Salmón ut co̱o saꞌ li naꞌajej Creta li sutsu saꞌ haꞌ.

Hechos 11:30

Ut joꞌcan queꞌxba̱nu. Queꞌxtakla lix tenkꞌal chirixeb laj Bernabé ut laj Saulo re nak teꞌxkꞌaxtesi saꞌ rukꞌeb li nequeꞌcꞌamoc be saꞌ xya̱nkeb laj pa̱banel li cuanqueb Judea.

Isaías 44:7

¿Ma cuan ta biꞌ junak li quixye cꞌaꞌru ta̱cꞌulma̱nk chalen saꞌ xticlajic ut li ta̱cha̱lk mokon? ¿Ma cuan ta biꞌ junak li quiru xba̱nunquil li quinba̱nu la̱in nak quinxakabeb lin tenamit saꞌ xnaꞌajeb junxil? Cui cuan junak, xyehak chak cꞌaꞌru ta̱cꞌulma̱nk mokon.

Colosenses 2:5

Usta ma̱ anihin chak saꞌ e̱ya̱nk, abanan junelic nequexincꞌoxla. Nasahoꞌ saꞌ inchꞌo̱l chirabinquil nak junaj le̱ chꞌo̱l ut cuanquex saꞌ ti̱quilal. Nasahoꞌ ajcuiꞌ saꞌ inchꞌo̱l chirabinquil nak anchal e̱chꞌo̱l nak nequepa̱b li Cristo.

Hechos 2:11

Cuanqueb aj judío saꞌ xyoꞌlajiqueb ut cuanqueb ajcuiꞌ li queꞌxjal xpa̱ba̱l ut queꞌoc saꞌ xya̱nkeb laj judío. Cuanqueb ajcuiꞌ li queꞌchal Creta ut Arabia. Nakabi nak yo̱queb chixyebal saꞌ ka̱tinoba̱l li cꞌaꞌru yo̱ chixba̱nunquil li Ka̱cuaꞌ Dios riqꞌuin xnimal xcuanquilal, chanqueb.

1 Crónicas 6:32

Queꞌxjal ribeb chi cꞌanjelac chire li tabernáculo li queꞌxchꞌutub cuiꞌ ribeb li tenamit toj nak laj Salomón quixyi̱b lix templo li Dios aran Jerusalén. Chirix aꞌan queꞌcꞌanjelac joꞌ cꞌaynakeb xba̱nunquil.

Hechos 27:13

Nak ac yo̱ li ikꞌ li nachal saꞌ li sur, queꞌxcꞌoxla nak naru teꞌxic. Joꞌcan nak queꞌxtiquib xic. Yo̱queb chi xic chire li palau nachꞌ riqꞌuin li naꞌajej Creta.

1 Corintios 4:17

Aꞌan aj e nak xintakla e̱riqꞌuin laj Timoteo. Aꞌan tixjultica e̱re nak li cꞌaꞌru yo̱quin chixchꞌolobanquil chirix li Cristo, aꞌan ajcuiꞌ li yo̱quin chixba̱nunquil. Ninchꞌolob chi tzꞌakal lix ya̱lal yalak bar chiruheb chixjunileb laj pa̱banel. Laj Timoteo chanchan li cualal ut raro inban. Tzꞌakal re ru lix pa̱ba̱l saꞌ xcꞌabaꞌ li Jesucristo.

Tito 1:12

Eb laj Creta queꞌxqꞌue jun li cui̱nk aj kꞌe chokꞌ xprofeteb. Li cui̱nk aꞌan quixye chi joꞌcaꞌin chirixeb li rech tenamitil: laj Creta junes ticꞌtiꞌic nequeꞌxba̱nu. Chanchaneb li joskꞌ aj xul. Eb aꞌan aj num cuaꞌineleb ut incꞌaꞌ nequeꞌraj trabajic, chan.

Levítico 14:42

Jalan chic li tzꞌac li teꞌxyi̱b ut jalan chic li seb li teꞌxyul chiru.