Tito 1:15 - Li Santil hu

¹⁵ Li ti̱queb xchꞌo̱l, chixjunil li cꞌaꞌak re ru cha̱bil chiruheb xban nak nequeꞌxsicꞌ li cꞌaꞌru cha̱bil. Aꞌut eb li incꞌaꞌ ti̱queb xchꞌo̱l, ma̱cꞌaꞌ cꞌaꞌru us chiruheb xban nak numtajenak xyibal ru lix naꞌlebeb ut incꞌaꞌ us lix cꞌaꞌuxeb.

Q'eqchi Bible

¹⁵ Li saqeb' ru xch'ool chixjunil li k'a'aq re ru maak'a' xtz'ajnil cho'q reheb'; ab'an cho'q reheb' li muxb'ileb' ut li ink'a' neke'paab'ank maak'a' k'aru saq ru chiruheb' xb'aan naq tz'ajninb'il li xk'a'uxeb' ut li xch'ooleb'.

Tito 1:15 ပူးပေါင်းရင်းမြစ်များ

Romanos 14:14

Xban nak ninpa̱b li Cristo, joꞌcan nak ninnau nak ma̱cꞌaꞌ re̱cꞌ xtzacanquil li cꞌaꞌak re ru. Abanan cui junak narecꞌa saꞌ xchꞌo̱l nak ma̱c xtzacanquil junak tzacae̱mk, us cui incꞌaꞌ tixba̱nu.

Romanos 14:20

Ma̱poꞌ xcꞌanjel li Dios riqꞌuin li cꞌaꞌak re ru nacatzaca. Ya̱l nak chixjunil naru xtzacanquil. Abanan cui la̱ herma̱n nachꞌinan xchꞌo̱l riqꞌuin li nacatzaca, incꞌaꞌ us li yo̱cat chixba̱nunquil.

1 Corintios 10:23

Cuan li nequeꞌyehoc re nak naru nakaba̱nu chixjunil li nakaj. Ya̱l nak naru nakaba̱nu, abanan moco chixjunil ta us xba̱nunquil. Ya̱l nak naru xba̱nunquil chixjunil, abanan moco chixjunil ta li cꞌaꞌru nakaba̱nu nocoxtenkꞌa chi qꞌui̱c saꞌ li kapa̱ba̱l.

San Mateo 15:18

Li incꞌaꞌ us na-el saꞌ xtzꞌu̱mal re li junju̱nk, aꞌan saꞌ lix chꞌo̱l nachal. Ut aꞌan aꞌin li nama̱coꞌ cuiꞌ.

Romanos 14:23

Cui junak narecꞌa saꞌ xchꞌo̱l nak ma̱c xtzacanquil junak tzacae̱mk, ut cui naxtzaca, aꞌan cuan xma̱c chiru li Dios. Cui nakecꞌa saꞌ li ka̱m nak incꞌaꞌ us xba̱nunquil li cꞌaꞌru nakaba̱nu, ut cui nakaba̱nu, yo̱co chi ma̱cobc.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

Hechos 10:15

Ut quixye cuiꞌchic li yo̱ chi a̱tinac: —La̱at incꞌaꞌ naru nacacꞌoxla nak incꞌaꞌ us ta̱tzaca li cꞌaꞌru xye li Dios nak us ta̱tzaca, chan.

1 Corintios 8:7

Abanan moco chixjunileb ta nequeꞌxtau ru lix ya̱lal aꞌin chirix li mayejanbil tzacae̱mk. Cꞌaynakeb chalen chak najter chixpa̱banquil li yi̱banbil dios, ut anakcuan nak nequeꞌxtzaca li tzacae̱mk mayejanbil chiru li yi̱banbil dios nequeꞌxcꞌoxla nak yo̱queb chixqꞌuebal xlokꞌal li yi̱banbil dios. Ut xban nak toj kꞌuneb xchꞌo̱l saꞌ lix pa̱ba̱l, nequeꞌxcꞌoxla nak nequeꞌxmux ru lix pa̱ba̱leb.

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

1 Corintios 10:25

Naru te̱tzaca chixjunil li tib nacꞌayiman saꞌ li cꞌayiba̱l, ut me̱patzꞌ ma mayejanbil chiru li yi̱banbil dios re nak ma̱cꞌaꞌak e̱cꞌaꞌux nak te̱tzaca.

1 Timoteo 6:5

Eb li cui̱nk aꞌin, junes cuechꞌi̱nc nequeꞌxba̱nu. Moco tuktu ta xcꞌaꞌuxeb ut moco ya̱l ta li nequeꞌxye. Nequeꞌxcꞌoxla nak riqꞌuin lix pa̱ba̱leb teꞌxtau xtumineb. Ma̱junaji a̱cuib riqꞌuineb aꞌan.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Hageo 2:13

Tojoꞌnak laj Hageo quixpatzꞌ cuiꞌchic reheb ut quixye: —Cui cuan junak ac xmux rib riqꞌuin xchꞌeꞌbal junak li camenak ut cui tixchꞌeꞌ li cꞌaꞌ re ru chi tzacae̱mk, ¿ma muxbil chic ru ta̱cana̱k li tzacae̱mk? chan. Ut eb laj tij queꞌchakꞌoc ut queꞌxye: —Muxbil chic ru ta̱cana̱k, chanqueb.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

Proverbios 30:12

Cuanqueb li nequeꞌxcꞌoxla nak tzꞌakal re ru lix yuꞌameb, abanan toj ma̱jiꞌ cuybil sachbil lix ma̱queb.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.