Tito 1:13 - Li Santil hu

¹³ Ut ya̱l ajcuiꞌ li quixye. Joꞌcan nak cau chakꞌuseb re nak teꞌcacuu̱k xchꞌo̱leb saꞌ lix pa̱ba̱leb.

Q'eqchi Bible

¹³ Ut yaal ajwi' li kixye. Jo'kan naq chaq'useb' chi kaw re naq kawaqeb' sa' li paab'aal,

Tito 1:13 ပူးပေါင်းရင်းမြစ်များ

Tito 2:2

Chaqꞌueheb xnaꞌleb li che̱quel cui̱nk re nak incꞌaꞌ teꞌcala̱k ut cha̱bilakeb xnaꞌleb. Toj cheꞌxcꞌoxla chi us li cꞌaꞌru teꞌxba̱nu ut cheꞌpa̱ba̱nk chi anchaleb xchꞌo̱l. Chixjunil li teꞌxba̱nu, cheꞌxba̱nuhak xban nak nequeꞌxra li ras ri̱tzꞌin ut cheꞌxcuyak li raylal.

1 Timoteo 5:20

Ut li ani cuan xma̱c, us xkꞌusbal chiru chixjunileb laj pa̱banel re nak li jun chꞌol chic aj cꞌamol be teꞌxucuak ut teꞌxcꞌoxla chi us li cꞌaꞌru teꞌxba̱nu.

Tito 2:15

Chixjunil li naꞌleb aꞌin li yo̱quin xtzꞌi̱banquil a̱cuiqꞌuin, aꞌan li ta̱chꞌolob chiruheb. Chaqꞌueheb xnaꞌleb ut chakꞌuseb cui incꞌaꞌ us yo̱queb xban nak tenebanbil saꞌ a̱be̱n xban li Dios xba̱nunquil. Ut ma̱ ani chitzꞌekta̱na̱nk a̱cue.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

2 Corintios 13:10

Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

1 Timoteo 4:6

At Timoteo, cui nacachꞌolob xya̱lal li tijleb aꞌin chiruheb laj pa̱banel, la̱akat jun cha̱bil aj cꞌanjel chiru li Jesucristo. Ut la̱at yo̱kat chi qꞌui̱c saꞌ la̱ pa̱ba̱l riqꞌuin lix ya̱lal ut riqꞌuin li cha̱bil tijleb li yo̱cat chixpa̱banquil.

Proverbios 27:5

Kꞌaxal us nak tatkꞌusuk chi tzꞌakal re ru chiru nak tatrahok chi yal xcab rix a̱chꞌo̱l.

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

Salmos 119:80

Chinqꞌuehak taxak inchꞌo̱l chixba̱nunquil li cꞌaꞌru naxye la̱ chakꞌrab. Ut tzꞌakalak taxak re ru li cua̱m cha̱cuu re nak incꞌaꞌ xuta̱nal tine̱lk.

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.