Tito 1:12 - Li Santil hu

¹² Eb laj Creta queꞌxqꞌue jun li cui̱nk aj kꞌe chokꞌ xprofeteb. Li cui̱nk aꞌan quixye chi joꞌcaꞌin chirixeb li rech tenamitil: laj Creta junes ticꞌtiꞌic nequeꞌxba̱nu. Chanchaneb li joskꞌ aj xul. Eb aꞌan aj num cuaꞌineleb ut incꞌaꞌ nequeꞌraj trabajic, chan.

Q'eqchi Bible

¹² Jun rech tenamitul, propeet sa' xyanqeb', kixye: “Eb' laj Kreta junelik neke'tik'ti'ik, josq' aj xuleb', aj numwa'ineleb' ut aj q'emeb'”.

Tito 1:12 ပူးပေါင်းရင်းမြစ်များ

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Hechos 17:28

Aꞌan naqꞌuehoc kayuꞌam ut saꞌ xcꞌabaꞌ aꞌan nak yoꞌyo̱co ut noco-ecꞌan. Joꞌ quixye jun laj bichanel saꞌ e̱ya̱nk: “Relic chi ya̱l nak la̱o ralal xcꞌajol li Dios,” chan.

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

2 Pedro 2:12

Aꞌut eb laj tzolonel aj balakꞌ chanchaneb li xul. Ma̱cꞌaꞌ nequeꞌxpa̱b. Yal re chapecꞌ ut re camsi̱c nak nequeꞌyoꞌla. Yo̱queb chixmajecuanquil li cꞌaꞌak re ru incꞌaꞌ nequeꞌxtau ru. Eb aꞌan jun osoꞌjiqueb nak teꞌosokꞌ.

Hechos 2:11

Cuanqueb aj judío saꞌ xyoꞌlajiqueb ut cuanqueb ajcuiꞌ li queꞌxjal xpa̱ba̱l ut queꞌoc saꞌ xya̱nkeb laj judío. Cuanqueb ajcuiꞌ li queꞌchal Creta ut Arabia. Nakabi nak yo̱queb chixyebal saꞌ ka̱tinoba̱l li cꞌaꞌru yo̱ chixba̱nunquil li Ka̱cuaꞌ Dios riqꞌuin xnimal xcuanquilal, chanqueb.

Hechos 27:7

Nabal cutan cobe̱c chiru haꞌ chi timil. Ra sa nak cocuulac saꞌ xjayal li tenamit Gnido. Xban nak kꞌaxal cau li ikꞌ, joꞌcan nak quikajal kabe. Conumeꞌ cuan cuiꞌ li tenamit Salmón ut co̱o saꞌ li naꞌajej Creta li sutsu saꞌ haꞌ.

Hechos 27:12

Ut xban nak ma̱cꞌaꞌ junak naꞌajej bar ta̱ru̱k teꞌxnumsi cuiꞌ li habalkꞌe chi sa saꞌ xchꞌo̱leb, li xqꞌuialeb queꞌxye nak us li e̱lc aran cui ta̱ru̱k teꞌcuulak Fenice re teꞌxnumsi li habalkꞌe aran. Aꞌan jun li tenamit xcue̱nt Creta. Saꞌ li naꞌajej aꞌan cuan cuib li oqueba̱l re li jucub. Jun nacana saꞌ li suroeste ut li jun chic nacana saꞌ li noroeste.

Hechos 27:13

Nak ac yo̱ li ikꞌ li nachal saꞌ li sur, queꞌxcꞌoxla nak naru teꞌxic. Joꞌcan nak queꞌxtiquib xic. Yo̱queb chi xic chire li palau nachꞌ riqꞌuin li naꞌajej Creta.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Tito 1:5

Xatincanab aran saꞌ li tenamit Creta re nak ta̱cꞌu̱b ru li cꞌaꞌru toj yi̱ba̱c naraj ut re nak ta̱xakabeb li teꞌcꞌamok be chiruheb laj pa̱banel saꞌ li junju̱nk chi tenamit. Joꞌ xinye a̱cue, joꞌcan ta̱ba̱nu.