Tito 1:11 - Li Santil hu

¹¹ Eb aꞌan tento xkꞌusbaleb re nak teꞌxcanab li balakꞌi̱nc. Yo̱queb xpoꞌbal xchꞌo̱leb li ju̱nk cabal riqꞌuin xcꞌutbal li moco ya̱l ta. Riqꞌuin balakꞌi̱nc nequeꞌxtau lix tumineb.

Q'eqchi Bible

¹¹ Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

Tito 1:11 ပူးပေါင်းရင်းမြစ်များ

2 Timoteo 3:6

Saꞌ xya̱nkeb aꞌan cuanqueb li cui̱nk li nequeꞌxsicꞌ chanru teꞌoc saꞌ eb li cab chi balakꞌi̱nc ut nequeꞌxcꞌut lix tijleb chiruheb li ixk li ma̱cꞌaꞌeb xnaꞌleb, li nequeꞌrecꞌa nak aj ma̱queb, ut junes li cꞌaꞌak re ru nequeꞌxrahi ru, aꞌan li nequeꞌxba̱nu.

1 Timoteo 6:5

Eb li cui̱nk aꞌin, junes cuechꞌi̱nc nequeꞌxba̱nu. Moco tuktu ta xcꞌaꞌuxeb ut moco ya̱l ta li nequeꞌxye. Nequeꞌxcꞌoxla nak riqꞌuin lix pa̱ba̱leb teꞌxtau xtumineb. Ma̱junaji a̱cuib riqꞌuineb aꞌan.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Tito 3:10

Ut cui junak cui̱nk aj poꞌol chꞌo̱lej yo̱ chi tacchiꞌi̱nc saꞌ xya̱nkeb laj pa̱banel, ta̱qꞌue xnaꞌleb jun sut malaj cuib sut ut cui incꞌaꞌ na-abin cha̱cuu, incꞌaꞌ chic texcua̱nk saꞌ comonil riqꞌuin.

Salmos 63:11

Abanan la̱in li rey ta̱sahokꞌ saꞌ inchꞌo̱l riqꞌuin li Dios. Ut chixjunileb li cauheb xchꞌo̱l riqꞌuin li Dios teꞌqꞌuehekꞌ xlokꞌal. Ut eb li nequeꞌticꞌtiꞌic teꞌsachekꞌ xcuanquil ut teꞌmemobresi̱k.

Tito 1:9

Incꞌaꞌ nachꞌinan xchꞌo̱l saꞌ lix pa̱ba̱l. Naxpa̱b ban chi anchal xchꞌo̱l lix ya̱lal li quicꞌuteꞌ chiru re nak tixnau xchꞌolobanquil lix ya̱lal chiruheb li rech aj pa̱banelil ut tixnau xqꞌuebal xnaꞌlebeb li nequeꞌcuechꞌin re li cꞌaꞌru naxye.

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

Miqueas 3:5

Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.

Salmos 107:42

Eb li ti̱queb xchꞌo̱l nequeꞌsahoꞌ saꞌ xchꞌo̱leb nak nequeꞌril li cꞌaꞌru naxba̱nu li Ka̱cuaꞌ. Ut eb li incꞌaꞌ useb xnaꞌleb ma̱cꞌaꞌ chic naru nequeꞌxye.

2 Corintios 11:10

Xban nak li Cristo cuan cuiqꞌuin, joꞌcan nak ninye li ya̱l ut saꞌ chixjunil li naꞌajej Acaya, chixjunileb teꞌnaꞌok re nak incꞌaꞌ xinqꞌue saꞌ e̱be̱n intenkꞌanquil.

San Lucas 20:40

Ut ma̱ ani chic quiraj patzꞌoc riqꞌuin li Jesús.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Ezequiel 16:63

La̱in tincuy a̱ma̱c. Abanan cua̱nk saꞌ a̱chꞌo̱l li ma̱usilal xaba̱nu ut tatxuta̱na̱k xban. Incꞌaꞌ chic te̱nimobresi e̱rib xban nak texxuta̱na̱k. La̱in li nimajcual Dios quinyehoc re aꞌin.—

Ezequiel 13:19

Xine̱mux nak xeba̱nu li incꞌaꞌ us ut riqꞌuin aꞌan xecꞌul li cebada ut li caxlan cua. Xecamsiheb li moco xcꞌulubeb ta ca̱mc ut xecol rix li moco xcꞌulubeb ta cua̱nc chi yoꞌyo. Xeba̱nu aꞌan riqꞌuin li ticꞌtiꞌ xeye.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

San Juan 10:12

Junak tojbil mo̱s ma̱cuaꞌ tzꞌakal pastor xban nak ma̱cuaꞌ aꞌan laj e̱chal re li carner. Naril nak yo̱ chi cha̱lc laj xoj, naxcanabeb li carner ut nae̱lelic. Ut laj xoj naxchapeb li carner ut naxchaꞌchaꞌi ruheb.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

1 Timoteo 5:4

Abanan cui cuan ralal xcꞌajol, aꞌan eb chic teꞌtenkꞌa̱nk reheb. Tento nak teꞌxtzol rib chixba̱nunquil chi joꞌcaꞌin re nak teꞌxnau rilbal lix jun cablaleb. Teꞌxnau xkꞌajca̱munquil lix naꞌ xyucuaꞌ joꞌ nacuulac chiru li Dios.

1 Timoteo 5:13

Ut joꞌ cuiꞌ anchal nequeꞌxtzol ribeb chi subuc cutan nak nequeꞌxic saꞌ li junju̱nk chi cab. Ut ma̱cuaꞌ caꞌaj cuiꞌ subuc cutan nequeꞌxba̱nu. Nequeꞌxtzol aj ban cuiꞌ li moloc a̱tin ut li qꞌuehoc etal ut nequeꞌxye li moco yehecꞌ ta naraj.

2 Timoteo 2:18

Eb aꞌan queꞌxcanab xpa̱banquil li tzꞌakal ya̱l ut queꞌxpa̱b li ticꞌtiꞌ. Nequeꞌxye nak ac queꞌcuacli chi yoꞌyo eb li camenak, chanqueb. Ut riqꞌuin aꞌan cuan li yo̱queb chixpoꞌbal ruheb lix pa̱ba̱leb.