Sofonías 3:9 - Li Santil hu

⁹ Ta̱cuulak xkꞌehil nak tinjal cuiꞌchic lix naꞌlebeb li tenamit re nak chixjunileb teꞌxqꞌue cuiꞌchic inlokꞌal ut junajakeb chic lix chꞌo̱l chi cꞌanjelac chicuu.

Q'eqchi Bible

⁹ “Naq taawulaq li kutan a'an, tink'e naq eb' li poyanam chaab'il aatin chik te'xye, re naq chixjunileb' te'xyaab'a xk'ab'a' li Qaawa' ut te'k'anjelaq chiru chi junajaq xch'ooleb'.

Sofonías 3:9 ပူးပေါင်းရင်းမြစ်များ

Génesis 11:1

Saꞌ eb li cutan aꞌan jun ajcuiꞌ li ra̱tinoba̱leb li cristian saꞌ ruchichꞌochꞌ.

Isaías 19:18

Saꞌ eb li cutan aꞌan cua̱nkeb o̱b li tenamit aran Egipto li teꞌa̱tinak saꞌ li ra̱tinoba̱leb laj Judá. Eb li cuanqueb aran teꞌxba̱nu li juramento nak teꞌxlokꞌoni li Ka̱cuaꞌ. Jun reheb li tenamit aꞌan ta̱qꞌuehekꞌ “Herez” chokꞌ xcꞌabaꞌ.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Habacuc 2:14

Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

San Mateo 12:35

Li cha̱bil cui̱nk naa̱tinac chi cha̱bil xban nak cha̱bil li cuan saꞌ xchꞌo̱l. Ut li cui̱nk li incꞌaꞌ us lix naꞌleb, yibru naa̱tinac xban nak incꞌaꞌ us li cuan saꞌ xchꞌo̱l.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Salmos 113:3

Chiqꞌuehekꞌ ta xlokꞌal li nimajcual Dios xbaneb chixjunileb li cuanqueb saꞌ ruchichꞌochꞌ. Cheꞌxqꞌue ta xlokꞌal bar na-el cuiꞌ chak li sakꞌe ut toj bar na-oc cuiꞌ.

Génesis 4:26

Ut mokon chic laj Set quicuan jun li ralal. Aj Enós quixqꞌue chokꞌ xcꞌabaꞌ. Nak ac cuan chic laj Enós, queꞌxtiquib xchꞌutubanquileb rib re xlokꞌoninquil li Dios.

Isaías 57:19

Eb laj Israel li queꞌya̱bac xban li raylal tineꞌxlokꞌoni cuiꞌchic. Tuktu̱quil usilal ta̱cua̱nk riqꞌuineb chixjunileb, joꞌ li nachꞌ cuanqueb, ut joꞌ li najt cuanqueb. La̱in tinqꞌuirtesi̱nk reheb, chan li Ka̱cuaꞌ.

Ezequiel 37:17

Chirix aꞌan, ta̱letz li jun riqꞌuin li jun chic ut jun aj chic chi cheꞌ ta̱cana̱k saꞌ a̱cuukꞌ.

Isaías 6:7

Ut quixnumsi li ru xam chi xtzꞌu̱mal cue ut quixye: —Anakcuan xinnumsi chi xtzꞌu̱mal a̱cue li ru xam aꞌin, ut riqꞌuin aꞌin isinbil chic la̱ ma̱usilal ut cuybil sachbil chic la̱ ma̱c, chan cue.