Sofonías 3:8 - Li Santil hu

⁸ Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Q'eqchi Bible

⁸ Jo'kan naq chineeroyb'eni wan laa'ex sa' li kutan a'an, chan li Qaawa', naq tinchalq chi raqok aatin sa' eeb'een. Tinch'utub'eb' li tenamit ut eb' li awab'ej re xkutb'al linjosq'il sa' xb'eeneb', jo' ajwi' re xk'utb'al jo'nimal li naxamnak wi' li waanm. Ut chixjunil li ruuchich'och' taasache'q xb'aan linjosq'il.

Sofonías 3:8 ပူးပေါင်းရင်းမြစ်များ

Joel 3:2

Tinchꞌutubeb saꞌ li ru takꞌa re Josafat chixjunileb li tenamit li xeꞌba̱nun raylal reheb laj Israel. Ut aran tinrakok a̱tin saꞌ xbe̱neb xban li ma̱usilal queꞌxba̱nu reheb lin tenamit Israel nak queꞌxtaklaheb yalak bar saꞌ ruchichꞌochꞌ, ut queꞌxjeqꞌui chi ribileb rib li naꞌajej li quinqꞌue reheb lin tenamit.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Miqueas 7:7

Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Salmos 27:14

Chexyoꞌoni̱nk riqꞌuin li Ka̱cuaꞌ. Michꞌinan e̱chꞌo̱l. Cauhak ban e̱chꞌo̱l riqꞌuin. Caꞌaj cuiꞌ riqꞌuin aꞌan chexyoꞌoni̱nk.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

Apocalipsis 16:14

Eb li ma̱us aj musikꞌej aꞌin nequeꞌxba̱nu sachba chꞌo̱lej. Nequeꞌxic yalak bar saꞌ ruchichꞌochꞌ chixchꞌutubanquileb li rey ut eb li tenamit re nak teꞌpletik saꞌ eb li cutan nak li nimajcual Dios ta̱pletik riqꞌuin li joskꞌ aj xul.

San Mateo 25:32

Ut teꞌchꞌutuba̱k chicuu chixjunil xte̱paleb li tenamit li cuanqueb saꞌ ruchichꞌochꞌ. Tojoꞌnak tinsiqꞌueb ru ut tinqꞌueheb saꞌ cuib chꞌu̱tal joꞌ nak li pastor narisiheb lix carner saꞌ xya̱nkeb li chiba̱t.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Cantares 8:6

Junelic taxak cua̱nkin saꞌ a̱chꞌo̱l. Chanchan taxak tzꞌi̱banbilak lin cꞌabaꞌ chiru la̱ tel. La̱ rahom xnumta saꞌ inbe̱n. Incꞌaꞌ naru nincol cuib chiru. Chanchan li ca̱mc. Li rahoc chanchan jun li nimla xam.

Proverbios 20:22

Ma̱ jun sut te̱cꞌoxla xqꞌuebal re̱kaj li raylal na-ux e̱re. Canabomak ban saꞌ rukꞌ li Ka̱cuaꞌ ut aꞌan ta̱tenkꞌa̱nk e̱re.

Salmos 123:2

At Ka̱cuaꞌ, at kaDios, joꞌ nak eb li mo̱s nequeꞌxtzꞌa̱ma xtenkꞌanquil chiruheb lix patrón, joꞌcan nak nakatzꞌa̱ma katenkꞌanquil cha̱cuu la̱at toj retal ta̱cuuxta̱na ku.

Salmos 62:5

Caꞌaj cuiꞌ riqꞌuin li Dios cau inchꞌo̱l. Ut riqꞌuin aꞌan ninyoꞌonin.

Salmos 62:1

Caꞌaj cuiꞌ riqꞌuin li Dios cꞌojcꞌo inchꞌo̱l ut riqꞌuin aꞌan nintau li tuktu̱quilal.

Salmos 37:34

Cauhak e̱chꞌo̱l riqꞌuin li Ka̱cuaꞌ ut chexpa̱ba̱nk chiru. Ut aꞌan tixqꞌue e̱lokꞌal nak tixqꞌue le̱ naꞌaj li yechiꞌinbil e̱re xban. Ut te̱ril ajcuiꞌ nak teꞌsachekꞌ li incꞌaꞌ useb xnaꞌleb.

Salmos 37:7

Checꞌojobak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin aꞌan. Mexcꞌoxlac chirixeb li nequeꞌbiomoꞌ. Mexpoꞌ chirilbaleb li us nequeꞌel riqꞌuin li incꞌaꞌ us nequeꞌxba̱nu.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Apocalipsis 16:1

Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—

Salmos 79:5

At Ka̱cuaꞌ, ¿joꞌ najtil chic yo̱k a̱joskꞌil saꞌ kabe̱n? ¿Ma junelic yo̱kat chikaqꞌuebal chixtojbal kama̱c?

Salmos 79:6

Chacꞌutbesi ban la̱ joskꞌil chiruheb li tenamit li incꞌaꞌ nequeꞌxqꞌue a̱lokꞌal chi moco nequeꞌtijoc cha̱cuu.

Isaías 14:26

Aꞌan aꞌin li xincꞌu̱b ru xba̱nunquil saꞌ li ruchichꞌochꞌ. Aꞌan aꞌin xinteneb saꞌ xbe̱neb li xni̱nkal ru tenamit, chan li Ka̱cuaꞌ.

Jeremías 10:25

Isi la̱ joskꞌil saꞌ xbe̱neb li xni̱nkal ru tenamit li incꞌaꞌ nacateꞌxlokꞌoni. Isi la̱ joskꞌil saꞌ xbe̱neb li incꞌaꞌ nequeꞌxya̱ba la̱ cꞌabaꞌ xban nak queꞌxsach ruheb li ralal xcꞌajol laj Jacob. Queꞌxsach ruheb chixjunileb ut queꞌxsach ajcuiꞌ lix naꞌajeb.—

Hageo 2:22

La̱in tincuisiheb saꞌ lix naꞌajeb li rey ut tincuisi xcuanquileb li xni̱nkal ru tenamit ut tinsach ruheb. Tinsach ru lix carruajeb re pletic ut chixjunileb li nequeꞌxic chi saꞌ. Ut tincamsiheb lix cacua̱y joꞌqueb ajcuiꞌ li nequeꞌxic chirixeb. Ut xjuneseb teꞌxcamsi ribeb chi ribileb rib.

Isaías 34:2

Xban nak li Ka̱cuaꞌ Dios yo̱ xjoskꞌil saꞌ xbe̱neb li tenamit ut saꞌ xbe̱neb ajcuiꞌ lix soldado, tixkꞌaxtesiheb re nak teꞌcamsi̱k ut re nak teꞌsachekꞌ ruheb chi junaj cua.

Isaías 63:6

Xban nak yo̱ injoskꞌil, xinsacheb ru li tenamit, li xicꞌ nequeꞌiloc cue. Xhoyeꞌ lix quiqꞌueleb saꞌ chꞌochꞌ nak xeꞌosoꞌ, chan li Dios.