Sofonías 3:6 - Li Santil hu

⁶ Ut quixye li Ka̱cuaꞌ: —Nabaleb li xni̱nkal ru tenamit xinsacheb. Ma̱cꞌaꞌ chic cristian xeꞌcana saꞌ li naꞌajej. Xinsach ruheb chi junaj cua. Naquirnac saꞌ eb li be. Ma̱ ani chic nanumeꞌ aran. Xinsacheb lix tenamit chi junaj cua.

Q'eqchi Bible

⁶ Jo'ka'in xye li Qaawa': “Xinsach ruheb' li tenamit, xinjuk'eb' li najt xteramil ochoch; nakirirnak xinkanab'eb' li b'e, chi maajun chik nanume'k aran. Xsache'k chixjunil li na'ajej ut maak'a' chik yu'am aran.

Sofonías 3:6 ပူးပေါင်းရင်းမြစ်များ

1 Corintios 10:6

Chixjunil aꞌan nacꞌutuc chiku nak incꞌaꞌ takarahi ru li incꞌaꞌ us joꞌ queꞌxba̱nu eb aꞌan.

1 Corintios 10:11

Li cꞌaꞌru queꞌxcꞌul li kaxeꞌto̱nil yucuaꞌ aꞌan tzꞌi̱banbil retalil saꞌ li Santil Hu re nak la̱o takaqꞌue retal ut incꞌaꞌ takaba̱nu joꞌ queꞌxba̱nu eb aꞌan xban nak cuulac re li rosoꞌjic li cutan.

Sofonías 2:5

Ra cha̱lc re saꞌ e̱be̱n la̱ex aj Creta li cuanquex chire li palau. Li Ka̱cuaꞌ xqꞌue ajcuiꞌ jun li raylal saꞌ e̱be̱n la̱ex aj filisteo nak quixye: —La̱ex aj filisteo li cuanquex saꞌ li naꞌajej Canaán, tinsach e̱ru chi junaj cua. Ma̱ jun chi cristian ta̱cana̱k saꞌ le̱ tenamit.

Zacarías 7:14

Chanchan xeꞌcꞌameꞌ xban li ikꞌ li naxsuti rib nak quinjeqꞌui ruheb yalak bar saꞌ eb li jalan tenamit bar incꞌaꞌ nequeꞌxnau. Ut lix naꞌajeb li queꞌel cuiꞌ xcana chi ma̱cꞌaꞌ chic cuan chi saꞌ. Xcana joꞌ jun chaki chꞌochꞌ ut ma̱ ani chic naru nacuan aran. Kꞌaxal cha̱bil raj li chꞌochꞌ, abanan quicanaba̱c joꞌ jun chaki chꞌochꞌ.—

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

San Mateo 23:38

Ut anakcuan le̱ tenamit joꞌ ajcuiꞌ li templo ta̱cana̱k chi naqꞌuirnac aj chic ru.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Isaías 14:26

Aꞌan aꞌin li xincꞌu̱b ru xba̱nunquil saꞌ li ruchichꞌochꞌ. Aꞌan aꞌin xinteneb saꞌ xbe̱neb li xni̱nkal ru tenamit, chan li Ka̱cuaꞌ.

Jeremías 9:12

¿Ani ta biꞌ ta̱ru̱k tixtau ru cꞌaꞌru xya̱lal li yo̱ chi cꞌulma̱nc? ¿Ma cuan ta biꞌ junak quiqꞌueheꞌ xnaꞌleb xban li Ka̱cuaꞌ re ta̱ru̱k tixchꞌolob xya̱lal? ¿Cꞌaꞌut nak quisach ru li naꞌajej aꞌin? Chanchan chic li chaki chꞌochꞌ quicana. Ut ma̱ ani chic nanumeꞌ aran, chan laj Jeremías.

Josué 23:4

La̱in xinye e̱re bar cuan li naꞌajej li textzꞌak usta toj ma̱jiꞌ nake̱chani chixjunil. Ma̱cuaꞌ caꞌaj cuiꞌ li naꞌajej li ac xke̱chani xinjeqꞌui e̱re riqꞌuin bu̱lic. Xinjeqꞌui aj ban cuiꞌ e̱re chixjunil li naꞌajej li toj ma̱jiꞌ nake̱chani, li naticla chak cuan cuiꞌ li nimaꞌ Jordán ut nacuulac toj saꞌ li palau Mediterráneo li cuan saꞌ li oeste.