Sofonías 3:4 - Li Santil hu

⁴ Lix profeteb aj ticꞌtiꞌeb ut kꞌetkꞌeteb. Ut eb laj tij queꞌxmux ru li templo ut queꞌxjal ru lix chakꞌrab li Dios ut incꞌaꞌ queꞌxba̱nu chi tzꞌakal re ru.

Q'eqchi Bible

⁴ Eb' li xpropeeteb' naxik xb'een neke'xye, aj b'alaq'eb' ut aj tik'ti'eb'. Eb' laj tij neke'xmux li loq'laj na'ajej ut neke'xsach xwankil li xchaq'rab' li Yos.

Sofonías 3:4 ပူးပေါင်းရင်းမြစ်များ

Ezequiel 22:26

Eb laj tij queꞌxkꞌet lin chakꞌrab ut queꞌxmux ru lin santil naꞌaj. Incꞌaꞌ nequeꞌxqꞌue retal bar cuan li santobresinbil ut bar cuan li muxbil ru, chi moco nequeꞌxcꞌut chiru li tenamit li cꞌaꞌru santobresinbil ut li cꞌaꞌru muxbil ru, chi moco nequeꞌxqꞌue xlokꞌal li hiloba̱l cutan. Ut la̱in tzꞌekta̱nanbilin xbaneb.

Malaquías 2:8

—Abanan la̱ex xecanab xba̱nunquil li us joꞌ queꞌxba̱nu le̱ xeꞌto̱nil yucuaꞌ. Ut e̱ma̱c la̱ex nak nabaleb xeꞌxcanab xba̱nunquil li naxye saꞌ li chakꞌrab. Riqꞌuin aꞌan la̱ex xetzꞌekta̱na li contrato li quinba̱nu riqꞌuin laj Leví.

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

2 Corintios 11:13

Eb li cui̱nk aꞌin nequeꞌxqꞌue rib chokꞌ apóstol. Abanan ma̱cuaꞌ li Cristo quiqꞌuehoc reheb chokꞌ apóstol. Eb aꞌan aj balakꞌ ut junes balakꞌi̱nc nequeꞌxba̱nu.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

1 Samuel 2:22

Ac ti̱x chic chi us laj Elí ut yo̱ chirabinquil resil li incꞌaꞌ us nequeꞌxba̱nu eb li ralal riqꞌuineb chixjunileb laj Israel. Quirabi ajcuiꞌ resil nak nequeꞌcuar riqꞌuineb li ixk li nequeꞌtrabajic chire li oqueba̱l re li tabernáculo li nequeꞌxlokꞌoni cuiꞌ li Ka̱cuaꞌ.

Jueces 9:4

Queꞌrisi laje̱b xca̱cꞌa̱l chi tumin plata saꞌ li rochoch li yi̱banbil dios Baal-berit ut queꞌxsi re laj Abimelec. Laj Abimelec quixsiqꞌueb li cui̱nk li incꞌaꞌ useb xnaꞌleb, li junes subuc cutan nequeꞌxba̱nu, ut riqꞌuin li tumin aꞌan quixtojeb chixtenkꞌanquil.

Jeremías 34:19

Eb li nequeꞌcꞌamoc be saꞌ xya̱nkeb laj Judá ut saꞌ xya̱nkeb laj Jerusalén, joꞌ eb ajcuiꞌ li cuanqueb xcuanquil ut eb laj tij ut chixjunileb li tenamit li queꞌnumeꞌ saꞌ xya̱nk li mayejanbil tib, tinkꞌaxtesiheb saꞌ rukꞌeb li xicꞌ nequeꞌiloc reheb.

Ezequiel 44:23

Eb laj tij teꞌxcꞌut chiruheb lin tenamit cꞌaꞌru li santobresinbil ut cꞌaꞌru li incꞌaꞌ santobresinbil. Teꞌxcꞌut chiruheb cꞌaꞌru li muxbil ut cꞌaꞌru li incꞌaꞌ muxbil.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Ezequiel 22:6

Eb li nequeꞌtaklan saꞌ e̱ya̱nk la̱ex aj Israel nequeꞌxba̱nu li cꞌaꞌru nequeꞌraj xjuneseb xban nak cuanqueb saꞌ xcuanquil. Joꞌcan nak nequeꞌxcamsi ras ri̱tzꞌineb.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.