Sofonías 3:19 - Li Santil hu

¹⁹ Saꞌ eb li cutan aꞌan la̱in tinqꞌueheb chixtojbaleb xma̱c li queꞌrahobtesin e̱re. Abanan la̱ex texincol ut texincꞌam cuiꞌchic saꞌ le̱ naꞌaj, la̱ex li quecꞌul raylal ut quex-isi̱c saꞌ le̱ tenamit. Ut ta̱qꞌuehekꞌ cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ.

Q'eqchi Bible

¹⁹ K'e reetal, sa' li kutan a'an tinsach ruheb' chixjunileb' li neke'rahob'tesink aawe. Tintenq'aheb' li karneer li yeq roqeb' ut tinxok chaq li sachenaq. Tinterq'usi leeloq'al ut leek'ab'a' sa' chixjunil li na'ajej b'arwi' xek'ul rahilal.

Sofonías 3:19 ပူးပေါင်းရင်းမြစ်များ

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Jeremías 30:16

Abanan ta̱cuulak xkꞌehil nak kꞌaxal ra teꞌxcꞌul eb li nequeꞌxba̱nu raylal e̱re. Teꞌchapekꞌ ut teꞌcꞌamekꞌ chi pre̱xil eb li xicꞌ nequeꞌiloc e̱re. Ta̱makꞌekꞌ chiruheb li cꞌaꞌru reheb li nequeꞌmakꞌoc li cꞌaꞌru e̱re la̱ex. Ut ta̱elkꞌa̱k ajcuiꞌ chiruheb li cꞌaꞌru reheb aꞌan li xeꞌelkꞌan re li cꞌaꞌru e̱re la̱ex.

Sofonías 3:15

Li Ka̱cuaꞌ xrisi li raylal li xqꞌue saꞌ e̱be̱n ut xrisiheb li xicꞌ nequeꞌiloc e̱re. Li Ka̱cuaꞌ aꞌanak chic le̱ rey, la̱ex aj Israel. Joꞌcan nak ma̱cꞌaꞌ chic te̱xucua xban nak ma̱cꞌaꞌak chic li raylal saꞌ e̱be̱n.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

Isaías 61:7

Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Hebreos 12:13

Ti̱cobresihomak ru le̱ be re nak li ye̱k incꞌaꞌ chic tixbachꞌ li rok; ta̱cacuu̱k ban. Naraj naxye: ti̱cak taxak le̱ yuꞌam re nak li toj acꞌ saꞌ lix pa̱ba̱l incꞌaꞌ ta̱chꞌina̱nk xchꞌo̱l. Teꞌcacuu̱k ban xchꞌo̱leb saꞌ lix pa̱ba̱leb.

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

Ezequiel 39:26

Nak cua̱nkeb chic saꞌ lix tenamiteb ut ma̱ ani chic yo̱k chi chꞌiꞌchꞌiꞌi̱nc reheb ta̱julticokꞌ reheb li ma̱usilal queꞌxba̱nu. Ut teꞌxuta̱na̱k xban nak quineꞌxtzꞌekta̱na nak queꞌxkꞌetkꞌeti ribeb chicuu.

Apocalipsis 20:9

Yalak bar saꞌ ruchichꞌochꞌ teꞌcha̱lk chi pletic ut teꞌxsut li tenamit li raro xban li Dios li cuanqueb cuiꞌ li ralal xcꞌajol. Li Dios tixtakla chak li xam saꞌ choxa ut tixsach ruheb chixjunileb li xicꞌ nequeꞌiloc re.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Isaías 62:7

Meꞌhilan chixtzꞌa̱manquil chiru li Dios toj retal nak tixyi̱b cuiꞌchic li tenamit Jerusalén re nak chixjunileb li cuanqueb saꞌ ruchichꞌochꞌ teꞌxqꞌue xlokꞌal.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Ezequiel 16:27

Anakcuan xintaksi li cuukꞌ re nak tatinqꞌue chixtojbal la̱ ma̱c. Xcuisi cha̱cuu li cꞌaꞌru a̱cue. Xatinkꞌaxtesi saꞌ rukꞌeb laj filisteo li xicꞌ nequeꞌiloc a̱cue. Eb aꞌan nequeꞌsach xchꞌo̱leb xban li ma̱usilal li yo̱cat chixba̱nunquil.

Ezequiel 16:57

Nak toj ma̱ji quicꞌutun li ma̱usilal xaba̱nu la̱at, cahobeb. Anakcuan juntakꞌe̱tex. Ut eb laj filisteo, eb laj Siria ut chixjunileb li xicꞌ nequeꞌiloc a̱cue li cuanqueb cha̱jun sutam yo̱queb cha̱hobbal.

Ezequiel 39:13

Chixjunileb li tenamit Israel teꞌxmukeb li camenak. Ut li cutan aꞌan teꞌxninkꞌei nak ta̱qꞌuehekꞌ inlokꞌal la̱in, chan li Ka̱cuaꞌ.

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Deuteronomio 26:19

Aꞌan ta̱tenkꞌa̱nk e̱re re nak la̱exak jun nimla tenamit. Kꞌaxal nimak e̱cuanquil ut e̱lokꞌal chiruheb chixjunileb li tenamit li quixyoꞌobtesi. Ut yalak bar ta̱abi̱k e̱resilal. La̱exak jun xsantil tenamit joꞌ quixye li Ka̱cuaꞌ le̱ Dios.

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Jeremías 30:19

Ut eb li tenamit teꞌbicha̱nk re bantioxi̱nc ut teꞌbicha̱nk xban xsahileb xchꞌo̱l. Tebinqꞌue cuiꞌchic chi qꞌuia̱nc toj retal teꞌnabalokꞌ. Tinqꞌue cuiꞌchic xlokꞌaleb ut incꞌaꞌ chic teꞌtzꞌekta̱na̱k.