Sofonías 3:18 - Li Santil hu

¹⁸ Li Ka̱cuaꞌ Dios quixye: —Texinchꞌutub la̱ex li najt quexrahobtesi̱c ut tincuisi le̱ xuta̱n.

Q'eqchi Bible

¹⁸ jo' na'uxmank sa' xkutankil li ninq'e. Jo'ka'in xye li Qaawa': “Twisi li rahilal ut li xutaan wankat wi'.

Sofonías 3:18 ပူးပေါင်းရင်းမြစ်များ

Ezequiel 36:24

La̱in texcuisi saꞌ li xni̱nkal tenamit li cuanquex cuiꞌ. Texcuisi saꞌ chixjunileb li tenamit ut texincꞌam cuiꞌchic saꞌ le̱ naꞌaj.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

Sofonías 3:20

Saꞌ eb li cutan aꞌan, la̱in texinchꞌutub ut texincꞌam cuiꞌchic saꞌ le̱ naꞌaj ut tinqꞌue cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ. Ut tinqꞌue cuiꞌchic li cꞌaꞌru e̱re ut sa chic texcua̱nk, chan li Ka̱cuaꞌ.

Oseas 9:5

¿Ut cꞌaꞌru te̱ba̱nu nak teꞌcuulak xkꞌehil eb li ninkꞌe re xqꞌuebal xlokꞌal li Ka̱cuaꞌ?

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Ezequiel 34:13

La̱in tincuisiheb chak lin carner saꞌ eb li xni̱nkal ru tenamit ut tinchꞌutubeb ru ut tincꞌameb saꞌ lix naꞌajeb. La̱in tinqꞌueheb chi cua̱nc saꞌ eb li tzu̱l ut saꞌ eb li ru takꞌa ut saꞌ eb li cha̱bil naꞌajej aran Israel.

Lamentaciones 1:7

Nak cuanqueb saꞌ raylal ut xjuneseb, nequeꞌjulticoꞌ reheb laj Jerusalén chanru nak quicuan nabal xbiomaleb junxil. Najulticoꞌ reheb chanru nak xeꞌtꞌaneꞌ saꞌ rukꞌeb li xicꞌ nequeꞌiloc reheb ut ma̱ ani quitenkꞌan reheb. Eb li xicꞌ nequeꞌiloc reheb queꞌsahoꞌ saꞌ xchꞌo̱leb ut yo̱queb chixhobbal laj Jerusalén nak yo̱queb chixcꞌulbal li raylal.

Jeremías 23:3

Ut la̱in tinchꞌutubeb cuiꞌchic ruheb lin tenamit li joꞌ qꞌuial xeꞌcoleꞌ saꞌ eb li naꞌajej li xinjeqꞌui cuiꞌ ruheb. Tebincꞌam cuiꞌchic saꞌ lix naꞌajeb ut ta̱cua̱nk ralal xcꞌajoleb ut teꞌqꞌuia̱nk cuiꞌchic.

Salmos 43:3

Chacutanobresi taxak lin naꞌleb ut chacꞌut taxak lix ya̱lal chicuu re nak ta̱ru̱k tina̱cꞌam cuiꞌchic saꞌ li tzu̱l Sión. China̱cꞌam cuiꞌchic saꞌ la̱ santil ochoch bar cuancat cuiꞌ.

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Salmos 79:4

Eb li cuanqueb chi nachꞌ riqꞌuin li katenamit yo̱queb chikaseꞌenquil. Nocoeꞌxhob ut nocoeꞌretzꞌu.