Sofonías 2:9 - Li Santil hu

⁹ La̱in li yoꞌyo̱quil Dios. La̱in li nimajcual Dios, lix Dioseb laj Israel. La̱in ninye aꞌin: Relic chi ya̱l nak teꞌosokꞌ eb laj Moab ut eb laj Amón joꞌ nak queꞌosoꞌ laj Sodoma ut laj Gomorra. Nak qui-osoꞌ li naꞌajej aꞌan, junes qꞌuix chic quimok aran ut junes atzꞌam chic quicuan aran. Ut li joꞌ qꞌuial chic lin tenamit queꞌcoleꞌ, aꞌaneb chic teꞌcꞌamok re li cꞌaꞌru reheb laj Moab ut aꞌaneb chic teꞌe̱chani̱nk re lix naꞌajeb, chan li Ka̱cuaꞌ.

Q'eqchi Bible

⁹ Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Sofonías 2:9 ပူးပေါင်းရင်းမြစ်များ

Isaías 11:14

Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Isaías 25:10

Li cuanqueb saꞌ li tzu̱l Sión li Ka̱cuaꞌ ta̱colok reheb. Abanan eb li tenamit Moab teꞌsachekꞌ ruheb joꞌ nak nayekꞌi̱c li qꞌuim saꞌ li mul.

Jeremías 50:40

Joꞌ quinba̱nu reheb li tenamit Sodoma ut Gomorra ut eb li tenamit li cuanqueb chi xjun sutam, joꞌcan ajcuiꞌ tinba̱nu re li tenamit Babilonia ut eb li cuanqueb chi xjun sutam. Ma̱ ani chic ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 48:1

Joꞌcaꞌin naxye li Ka̱cuaꞌ li nimajcual Dios, lix Dioseb laj Israel, chirixeb laj Moab: —Raylal ta̱cha̱lk saꞌ xbe̱neb laj Nebo xban nak ta̱sachekꞌ ruheb. Quiriataim ta̱chapekꞌ ut ta̱cꞌutekꞌ xxuta̱n. Ta̱chapekꞌ ut ta̱sachekꞌ ru li tenamit Misgab.

Isaías 49:18

Ilon cha̱jun sutam. Qꞌue retal nak eb li tenamit yo̱queb chi sukꞌi̱c cuiꞌchic saꞌ xtenamiteb. Relic chi ya̱l la̱in li yoꞌyo̱quil Dios ninye a̱cue nak ta̱sahokꞌ saꞌ a̱chꞌo̱l chirilbal eb li tenamit nak teꞌxchꞌutub cuiꞌchic ribeb saꞌ lix tenamiteb. Aꞌan jun lokꞌal chokꞌ a̱cue. Chanchan nak ta̱qꞌuehekꞌ xsahob ru li tukꞌ ixk li oc re chi sumla̱c.

Romanos 14:11

Tzꞌi̱banbil saꞌ li Santil Hu li quixye li Dios: Relic chi ya̱l ninye e̱re nak chixjunileb teꞌxcuikꞌib rib chicuu ut tineꞌxlokꞌoni ut chixjunileb teꞌxye riqꞌuin xtzꞌu̱mal re nak la̱in li tzꞌakal Dios. (Isa. 45:23)

Sofonías 3:13

Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.

Sofonías 2:14

Lix naꞌajeb laj Asiria ta̱cana̱k chokꞌ xnaꞌajeb li xul xban nak juqꞌuinbil chic chixjunil li naꞌajej aꞌan. Tꞌantꞌo̱keb aj chic chi cutanquil li chacalteꞌ, lix cheꞌel li rochocheb. Teꞌcua̱nk cuacax aran joꞌqueb ajcuiꞌ li xul li cuanqueb saꞌ qꞌuicheꞌ. Saꞌ xbe̱n li oqueba̱l teꞌcua̱rk li soꞌsol ut eb li cuarom. Ut ta̱abi̱k nak tixjap re saꞌ li ventana.

Sofonías 2:7

Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Jeremías 49:18

Joꞌ nak queꞌsacheꞌ ru li tenamit Sodoma ut Gomorra rochbeneb li cocꞌ tenamit li cuanqueb chi xjun sutam, joꞌcan ajcuiꞌ teꞌxcꞌul eb laj Edom nak teꞌsachekꞌ ruheb. Ma̱ ani chic teꞌcua̱nk saꞌ li tenamit aꞌan, chan li Dios.

Jeremías 46:18

La̱in li Ka̱cuaꞌ li nimajcual Dios. La̱in li tzꞌakal rey. La̱in li yoꞌyo̱quil Dios. Li jun li ta̱cha̱lk chi pletic e̱riqꞌuin chanchan li tzu̱l Tabor li najt xteram saꞌ xya̱nkeb li tzu̱l. Chanchan li tzu̱l Carmel li cuan chire li palau.

Números 14:21

Relic chi ya̱l tinye a̱cue nak la̱in yoꞌyo̱quin ut saꞌ xcꞌabaꞌ lin lokꞌal li naqꞌueheꞌ saꞌ ruchichꞌochꞌ,

Jeremías 49:1

Joꞌcaꞌin quixye li Ka̱cuaꞌ li nimajcual Dios chirixeb laj Amón: —¿Ma ma̱cꞌaꞌ ta biꞌ ralal xcꞌajoleb laj Israel? ¿Ma ma̱cꞌaꞌeb ta biꞌ ralal xcꞌajoleb teꞌe̱chani̱nk re lix naꞌajeb? ¿Cꞌaꞌut nak eb laj Amón li nequeꞌlokꞌonin li yi̱banbil dios Milcom queꞌxchap li naꞌajej Gat? ¿Cꞌaꞌut nak xeꞌcana chi cua̱nc saꞌ eb li tenamit aꞌan?

Jeremías 49:33

Li tenamit Hazor ta̱cana̱k chokꞌ xnaꞌajeb laj xoj. Ma̱cꞌaꞌ chic cua̱nk aran. Ma̱cꞌaꞌak chic cristian sa li tenamit aꞌan, chi moco teꞌnumekꞌ aran.

Amós 2:1

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Moab. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxcꞌat lix bakel lix reyeb laj Edom toj retal quichair.

Deuteronomio 29:22

Eb le̱ ralal e̱cꞌajol li teꞌcua̱nk mokon ut eb li jalan xtenamiteb li teꞌcha̱lk chi najt teꞌril li raylal li te̱cꞌul nak li Ka̱cuaꞌ tixsach ru le̱ naꞌaj.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.