Sofonías 2:8 - Li Santil hu

⁸ Quixye li Ka̱cuaꞌ li kꞌaxal nim xcuanquil: —La̱in nacuabi nak eb laj Moab ut eb laj Amón nequeꞌxhob lin tenamit. Queꞌrisi xlokꞌal lin tenamit ut queꞌnumta saꞌ xbe̱neb.

Q'eqchi Bible

⁸ Jo'ka'in xye li Qaawa': “Xwab'i naq eb' laj Mohab xe'xmajewa lintenamit ut eb' laj Amón xe'xtz'eqtaanaheb', naq xe'numtaak sa' xb'eeneb' ut xe'b'ihomo'k sa' li xna'ajeb'.

Sofonías 2:8 ပူးပေါင်းရင်းမြစ်များ

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Jeremías 49:1

Joꞌcaꞌin quixye li Ka̱cuaꞌ li nimajcual Dios chirixeb laj Amón: —¿Ma ma̱cꞌaꞌ ta biꞌ ralal xcꞌajoleb laj Israel? ¿Ma ma̱cꞌaꞌeb ta biꞌ ralal xcꞌajoleb teꞌe̱chani̱nk re lix naꞌajeb? ¿Cꞌaꞌut nak eb laj Amón li nequeꞌlokꞌonin li yi̱banbil dios Milcom queꞌxchap li naꞌajej Gat? ¿Cꞌaꞌut nak xeꞌcana chi cua̱nc saꞌ eb li tenamit aꞌan?

Ezequiel 36:2

Aꞌan aꞌin li ninye la̱in li nimajcual Dios. Eb li xicꞌ nequeꞌiloc e̱re queꞌsahoꞌ saꞌ xchꞌo̱leb ut queꞌxye, “Anakcuan eb li tzu̱l li queꞌyi̱ba̱c najter kꞌe cutan ke la̱o,” chanqueb.

Josué 5:9

Ut li Ka̱cuaꞌ quixye re laj Josué: —Anakcuan xcuisi le̱ xuta̱n xban nak quexcuan chak chokꞌ rahobtesinbil mo̱s nak cuanquex aran Egipto, chan. Joꞌcan nak Gilgal xcꞌabaꞌ li naꞌajej aꞌan chalen anakcuan.

Isaías 15:1

Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.

Isaías 16:6

Eb laj Judá nequeꞌxye: —La̱o nakabi resil nak kꞌaxal kꞌetkꞌeteb laj Moab. Nequeꞌxnimobresi ribeb ut nequeꞌxkꞌetkꞌeti ribeb. Abanan ma̱cꞌaꞌ rajbal nak nequeꞌxnimobresi ribeb, chanqueb.

Jeremías 12:14

Aꞌan aꞌin li naxye li Ka̱cuaꞌ chirixeb li jalaneb xtenamit li incꞌaꞌ useb xnaꞌleb li cuanqueb chi nachꞌ riqꞌuineb laj Israel. Aꞌaneb li queꞌpoꞌoc ru lix tenamiteb laj Israel. —Eb li tenamit aꞌan teꞌcuisi saꞌ lix naꞌajeb ut tincuisiheb ajcuiꞌ li ralal xcꞌajol laj Judá saꞌ xya̱nkeb.

Lamentaciones 3:61

La̱at xacuabi nak yo̱queb chinhobbal. Nacanau chixjunil li cꞌaꞌru nequeꞌxcꞌu̱b chicuix.

Ezequiel 21:28

La̱at, at ralal cui̱nk, ta̱ye resil li cꞌaꞌru ta̱uxma̱nk. Ta̱ye: Joꞌcaꞌin xye li nimajcual Dios che̱rix la̱ex li ralal xcꞌajol laj Amón. La̱ex li nequexhoboc reheb laj Israel. Li chꞌi̱chꞌ ac isinbil chak saꞌ li rochoch. Kꞌesnanbil re ut nalemtzꞌun. Ac cauresinbil re ta̱camsi̱nk.

Amós 2:1

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Moab. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxcꞌat lix bakel lix reyeb laj Edom toj retal quichair.

Sofonías 2:10

Chixjunil li raylal aꞌin ta̱cha̱lk saꞌ xbe̱neb laj Moab joꞌqueb ajcuiꞌ laj Amón xban nak xeꞌxnimobresi ribeb, ut queꞌxhob lix tenamit li Dios li kꞌaxal nim xcuanquil ut queꞌnumta saꞌ xbe̱neb.

Génesis 19:37

Li asbej quicuan jun lix cꞌulaꞌal te̱lom. Aj Moab quixqꞌue chokꞌ xcꞌabaꞌ. Chalen anakcuan aꞌan lix xeꞌto̱nil yucuaꞌeb laj Moab.

Génesis 19:38

Joꞌcan ajcuiꞌ li i̱tzꞌinbej quicuan ajcuiꞌ jun lix cꞌulaꞌal te̱lom. Ut aj Ben-ammi quixqꞌue chokꞌ xcꞌabaꞌ. Chalen anakcuan aꞌan lix xeꞌto̱nil yucuaꞌeb laj Amón.

Jeremías 48:1

Joꞌcaꞌin naxye li Ka̱cuaꞌ li nimajcual Dios, lix Dioseb laj Israel, chirixeb laj Moab: —Raylal ta̱cha̱lk saꞌ xbe̱neb laj Nebo xban nak ta̱sachekꞌ ruheb. Quiriataim ta̱chapekꞌ ut ta̱cꞌutekꞌ xxuta̱n. Ta̱chapekꞌ ut ta̱sachekꞌ ru li tenamit Misgab.

Ezequiel 25:1

Li Ka̱cuaꞌ quia̱tinac cuiqꞌuin ut quixye cue:

Ezequiel 35:12

Ut la̱ex te̱nau nak la̱in xcuabi li cꞌaꞌru xeye nak xetzꞌekta̱naheb li tzu̱l li cuanqueb Israel. La̱ex xeye nak xeꞌsacheꞌ ruheb ut la̱ex chic tex-e̱chani̱nk reheb.