Sofonías 2:5 - Li Santil hu

⁵ Ra cha̱lc re saꞌ e̱be̱n la̱ex aj Creta li cuanquex chire li palau. Li Ka̱cuaꞌ xqꞌue ajcuiꞌ jun li raylal saꞌ e̱be̱n la̱ex aj filisteo nak quixye: —La̱ex aj filisteo li cuanquex saꞌ li naꞌajej Canaán, tinsach e̱ru chi junaj cua. Ma̱ jun chi cristian ta̱cana̱k saꞌ le̱ tenamit.

Q'eqchi Bible

⁵ Ra chaalel sa' eeb'een laa'ex aj Kreta, li wankex chire li palaw. Li Qaawa' ak xraqok aatin sa' eeb'een: “Laa'ex aj Kanahán, xteepalex aj Filistea, ok we chejuk'b'al, ut maajun chik tkanaaq.

Sofonías 2:5 ပူးပေါင်းရင်းမြစ်များ

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

Jeremías 47:7

Abanan, ¿chanru nak li Ka̱cuaꞌ tixcanab pletic e̱riqꞌuin? Aꞌan ac xtaklaheb li soldado chi pletic e̱riqꞌuin la̱ex li cuanquex Ascalón ut e̱riqꞌuin la̱ex li cuanqueb chire li palau.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Josué 13:3

Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

San Marcos 12:12

Eb laj tij ut eb laj tzꞌi̱b ut eb li xakabanbileb chi cꞌanjelac saꞌ rochoch li Dios queꞌxcꞌoxla raj xchapbal li Jesús re teꞌxqꞌue saꞌ tzꞌalam xban nak queꞌxtau ru nak chirixeb aꞌan yo̱ chi a̱tinac nak quixye li jaljo̱quil ru a̱tin aꞌan. Abanan queꞌxucuac xbaneb li tenamit. Joꞌcan nak queꞌxcanab ut queꞌel saꞌ li naꞌajej aꞌan.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Sofonías 3:6

Ut quixye li Ka̱cuaꞌ: —Nabaleb li xni̱nkal ru tenamit xinsacheb. Ma̱cꞌaꞌ chic cristian xeꞌcana saꞌ li naꞌajej. Xinsach ruheb chi junaj cua. Naquirnac saꞌ eb li be. Ma̱ ani chic nanumeꞌ aran. Xinsacheb lix tenamit chi junaj cua.

Amós 5:1

Abihomak li a̱tin aꞌin li oc cue xyebal anakcuan. Tinbicha jun li bich re rahil chꞌo̱lej xban li raylal li cha̱lc re saꞌ e̱be̱n, la̱ex laj Israel.

Isaías 14:30

Eb li nebaꞌ teꞌxtau lix tzacae̱mkeb usta kꞌaxal nebaꞌeb. Eb li ma̱cꞌaꞌ cuan reheb teꞌhila̱nk chi tuktu xchꞌo̱leb. Aban li Ka̱cuaꞌ tixtakla jun li cueꞌej saꞌ e̱be̱n la̱ex aj filisteo ut telajexca̱mk che̱junilex.

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

1 Samuel 30:14

La̱o xocuulac aran Neguev bar cuanqueb cuiꞌ eb laj cereteo. Ut xocuulac ajcuiꞌ aran Judá ut aran Neguev saꞌ lix naꞌaj laj Caleb. Ut xkacꞌat ajcuiꞌ li tenamit Siclag, chan.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Sofonías 1:11

Chexya̱bak la̱ex li cuanquex nachꞌ riqꞌuin li cꞌayil saꞌ li naꞌajej Mactes xban nak teꞌcamsi̱k chixjunileb laj cꞌay ut teꞌca̱mk ajcuiꞌ chixjunileb laj jalol ru tumin.

Josué 13:2

Li naꞌajej li ma̱jiꞌ nequere̱chani, aꞌan lix naꞌajeb laj filisteo ut lix naꞌajeb laj gesureo.