Sofonías 2:3 - Li Santil hu

³ Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Q'eqchi Bible

³ Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Sofonías 2:3 ပူးပေါင်းရင်းမြစ်များ

Salmos 76:9

At Ka̱cuaꞌ Dios, joꞌcaꞌin quicꞌulman nak catchal chi rakoc a̱tin la̱at ut cacoleb li yo̱queb chi cꞌuluc raylal saꞌ ruchichꞌochꞌ.

Salmos 22:26

Eb li ma̱cꞌaꞌ cuan reheb teꞌcuaꞌak chi us ut teꞌnujak xsaꞌeb. Cheꞌxlokꞌonihak li Ka̱cuaꞌ ut cheꞌcua̱nk xyuꞌameb chi junelic.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Salmos 105:4

Chetzꞌa̱ma̱k e̱tenkꞌanquil riqꞌuin li Ka̱cuaꞌ. Junelic riqꞌuin aꞌan te̱tzꞌa̱ma e̱tenkꞌanquil.

Oseas 10:12

La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.

Jeremías 39:18

La̱in tincolok a̱cue re nak incꞌaꞌ tatcamsi̱k saꞌ li ple̱t. La̱at tatcana̱k chi yoꞌyo xban nak cacꞌojob a̱chꞌo̱l cuiqꞌuin, chan li Ka̱cuaꞌ.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Salmos 57:1

Chatokꞌoba taxak cuu, at inDios. Chacuuxta̱na taxak cuu xban nak caꞌaj cuiꞌ a̱cuiqꞌuin cau inchꞌo̱l. Tincuaj xcolbal cuib rubel la̱ cuanquil toj retal ta̱numekꞌ li raylal aꞌin saꞌ inbe̱n.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Jeremías 45:5

Ma̱cꞌaꞌ aj e nak ta̱sicꞌ a̱cuanquil. Ma̱ba̱nu aꞌan xban nak la̱in tintakla li raylal saꞌ xbe̱neb chixjunileb li cristian. Ut la̱at, yalak bar tatxic la̱in tatincol. Incꞌaꞌ tatcamsi̱k, chan li Dios.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

1 Pedro 3:4

Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

San Mateo 5:5

Us xak reheb li tu̱laneb xban nak eb aꞌan teꞌe̱chani̱nk re li naꞌajej li yechiꞌinbil reheb xban li Dios.

Salmos 31:20

Xban nak la̱at cuancat riqꞌuineb, la̱at nacatcoloc reheb chiruheb li nequeꞌcꞌoxlan xba̱nunquil ma̱usilal reheb. Ut xban nak la̱at nacat-iloc reheb, la̱at nacatcoloc reheb chiruheb li nequeꞌyoꞌoban a̱tin chirixeb.

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Éxodo 12:27

la̱ex te̱chꞌolob xya̱lal chiruheb ut te̱ye reheb: —Aꞌin li kamayej re li ninkꞌe pascua re xjulticanquil chanru nak coxcol li Ka̱cuaꞌ Dios nak quinumeꞌ saꞌ li tenamit Egipto chixcamsinquil li xbe̱n ralaleb, chan laj Moisés. Ut eb laj Israel quilajeꞌxxulub xjolomeb ut queꞌxlokꞌoni li Ka̱cuaꞌ Dios.

1 Ts 4:10

Us yo̱quex nak nequeraheb chixjunileb li cuanqueb Macedonia. Abanan nintzꞌa̱ma che̱ru, ex herma̱n, nak kꞌaxal cuiꞌchic cheba̱nu chi joꞌcan.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

2 Samuel 12:22

Laj David quixye reheb: —Ya̱l nak xin-ayunic ut xinya̱bac nak toj ma̱jiꞌ nacam. Xincꞌoxla nak ma̱re li Ka̱cuaꞌ ta̱ril xtokꞌoba̱l cuu ut tixqꞌuirtesi li cualal.

Salmos 45:4

Taken chirix la̱ cacua̱y ut tatxic chi pletic riqꞌuin lix nimal la̱ cuanquilal. Tatpletik re xcolbal rix li ya̱l, li tu̱lanil ut li ti̱quilal. Riqꞌuin xnimal la̱ cuanquilal tatnumta̱k saꞌ xbe̱neb li xicꞌ nequeꞌiloc a̱cue.

Isaías 1:17

Chetzol xba̱nunquil li us. Chesicꞌ li ti̱quilal. Chekꞌuseb li nequeꞌxrahobtesi ras ri̱tzꞌin. Cheba̱nuhak usilal reheb li nebaꞌ. Ut chetokꞌoba ruheb li xma̱lcaꞌan.

Ezequiel 13:5

Moco queꞌxyi̱b ta li tzꞌac li queꞌjuqꞌueꞌ chi moco queꞌxyi̱b li tzꞌac sutsu cuiꞌ li tenamit Israel re te̱col cuiꞌ e̱rib saꞌ li ple̱t. Eb aꞌan incꞌaꞌ queꞌxchꞌolob xya̱lal che̱ru re nak ta̱ru̱k te̱col e̱rib saꞌ li cutan nak ta̱cha̱lk li Ka̱cuaꞌ chi rakoc a̱tin saꞌ e̱be̱n.