Sofonías 2:13 - Li Santil hu

¹³ Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k.

Q'eqchi Bible

¹³ Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq' re xsachb'al Asiria, ut nakirirnak taakanaaq Nínive, joxk' aj chik taakanaaq wi'.

Sofonías 2:13 ပူးပေါင်းရင်းမြစ်များ

Nahum 3:7

Chixjunileb li jalan tenamit incꞌaꞌ chic teꞌraj e̱rilbal. Teꞌxye: Eb laj Nínive queꞌsacheꞌ ruheb. ¿Ani ta cuiꞌ ta̱tokꞌoba̱nk ruheb? Ut, ¿ani ta cuiꞌ ta̱cꞌojoba̱nk xchꞌo̱leb? chaꞌkeb.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Isaías 10:12

Abanan nak li Ka̱cuaꞌ acak xrakeꞌ chi rakoc a̱tin saꞌ xbe̱neb li cuanqueb aran Jerusalén ut saꞌ li tzu̱l Sión, tojoꞌnak tixqꞌue chixtojbal xma̱c lix reyeb laj Asiria xban nak naxkꞌetkꞌeti rib ut naxnimobresi rib.

Nahum 3:15

Cꞌatbil nak tex-osokꞌ saꞌ rukꞌeb li xicꞌ nequeꞌiloc e̱re ut riqꞌuin chꞌi̱chꞌ texcamsi̱k. Chanchan nak na-osoꞌ li acui̱mk xban laj sa̱cꞌ nak texcamsi̱k xbaneb. Usta kꞌaxal nabalex joꞌ laj sa̱cꞌ, abanan tex-osokꞌ saꞌ rukꞌeb.

Miqueas 5:6

Ut eb aꞌan teꞌnumta̱k saꞌ xbe̱neb laj Asiria nak teꞌpletik riqꞌuin chꞌi̱chꞌ ut teꞌnumta̱k ajcuiꞌ saꞌ xbe̱n lix tenamit laj Nimrod. Ut li Ka̱cuaꞌ, aꞌan ta̱colok ke chiruheb laj Asiria nak teꞌxyal oc saꞌ li katenamit chi pletic kiqꞌuin.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Isaías 14:26

Aꞌan aꞌin li xincꞌu̱b ru xba̱nunquil saꞌ li ruchichꞌochꞌ. Aꞌan aꞌin xinteneb saꞌ xbe̱neb li xni̱nkal ru tenamit, chan li Ka̱cuaꞌ.

Isaías 37:37

Ut laj Senaquerib lix reyeb laj Asiria quisukꞌi saꞌ lix tenamit Nínive ut aran quicana.

Jeremías 49:33

Li tenamit Hazor ta̱cana̱k chokꞌ xnaꞌajeb laj xoj. Ma̱cꞌaꞌ chic cua̱nk aran. Ma̱cꞌaꞌak chic cristian sa li tenamit aꞌan, chi moco teꞌnumekꞌ aran.

Jonás 1:2

—Ayu aran saꞌ li nimla tenamit Nínive. Ta̱kꞌuseb ut ye reheb nak yo̱quin chixqꞌuebal retal li ma̱usilal li yo̱queb chixba̱nunquil, chan li Ka̱cuaꞌ.

Jonás 3:2

—Ayu aran saꞌ li nimla tenamit Nínive ut toxa̱jultica chiruheb li tinye a̱cue.

Sofonías 1:4

Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.