Sofonías 2:11 - Li Santil hu

¹¹ Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Q'eqchi Bible

¹¹ Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Sofonías 2:11 ပူးပေါင်းရင်းမြစ်များ

Zacarías 13:2

Saꞌ chixjunil li tenamit Israel, la̱in tinsacheb ru li jalanil dios ut tinsacheb ajcuiꞌ lix cꞌabaꞌeb re nak incꞌaꞌ chic teꞌlokꞌoni̱k xbaneb li tenamit. Ut tincuisiheb ajcuiꞌ li profeta li incꞌaꞌ useb xnaꞌlebeb saꞌ xya̱nkeb ut tincuisi ajcuiꞌ lix ma̱usilaleb.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Oseas 2:17

La̱in tin-isi̱nk re saꞌ xchꞌo̱l lix cꞌabaꞌeb laj Baal. Ut ma̱ jun sut chic tixpatzꞌ xcꞌabaꞌeb.

Salmos 138:4

Chixjunileb li rey li cuanqueb saꞌ ruchichꞌochꞌ teꞌxqꞌue a̱lokꞌal xban nak teꞌrabi li cꞌaꞌru xayechiꞌi ke.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Zacarías 8:20

Aꞌan aꞌin li quixye li Ka̱cuaꞌ li nimajcual Dios: —Ta̱cuulak xkꞌehil nak teꞌcha̱lk nabaleb li cristian saꞌ lix ni̱nkal ru tenamit chi cua̱nc arin, chan li nimajcual Dios.

Sofonías 3:9

Ta̱cuulak xkꞌehil nak tinjal cuiꞌchic lix naꞌlebeb li tenamit re nak chixjunileb teꞌxqꞌue cuiꞌchic inlokꞌal ut junajakeb chic lix chꞌo̱l chi cꞌanjelac chicuu.

Sofonías 1:4

Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

Joel 2:11

Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Salmos 86:9

Chixjunileb li tenamit li quilaja̱yi̱b teꞌcha̱lk ut tateꞌxlokꞌoni. Teꞌxqꞌue xlokꞌal la̱ cꞌabaꞌ.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Deuteronomio 32:38

Quemayeja le̱ cha̱bil mayej chiruheb ut quemayeja le̱ vino chiruheb. Cha̱lk anakcuan. Xtenkꞌakex ut xcolakex.

Jeremías 10:11

La̱ex aj Israel, cheyehak reheb li xni̱nkal ru tenamit nak eb lix yi̱banbil dios teꞌisi̱k saꞌ ruchichꞌochꞌ. Ma̱cuaꞌeb li yi̱banbil dios li queꞌyi̱ban re li choxa ut li ruchichꞌochꞌ.

Jeremías 46:25

Li Ka̱cuaꞌ li nimajcual Dios, lix Dioseb laj Israel, naxye: —La̱in tinqꞌue chixtojbal xma̱c laj Amón lix dioseb laj Tebas. Ut tinqꞌueheb chixtojbal xma̱queb laj faraón ut eb laj Egipto rochbeneb lix dioseb ut eb lix rey. Ut tinqꞌueheb ajcuiꞌ chixtojbal xma̱queb li nequeꞌxcꞌojob xchꞌo̱l riqꞌuin laj faraón.

Daniel 11:18

Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

Isaías 2:18

Ut ta̱risiheb chixjunileb li yi̱banbil dios. Ma̱ jun chic ta̱cana̱k.

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.