Sofonías 2:1 - Li Santil hu

¹ Chꞌutubomak e̱rib ut cꞌoxlahomak cꞌaꞌru te̱ba̱nu, la̱ex li tenamit li ma̱cꞌaꞌ e̱xuta̱n.

Q'eqchi Bible

¹ Ch'utub'omaq eerib', ex poyanam li maak'a' eexutaan,

Sofonías 2:1 ပူးပေါင်းရင်းမြစ်များ

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

2 Crónicas 20:4

Ut eb li tenamit queꞌxchꞌutub ribeb ut queꞌxpatzꞌ xtenkꞌanquileb chiru li Dios. Quilajeꞌchal saꞌ chixjunileb li tenamit li cuanqueb Judá chi tijoc chiru li Ka̱cuaꞌ.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

Nehemías 9:1

Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

Nehemías 8:1

Saꞌ xcuuk li po eb laj Israel queꞌxchꞌutub ribeb chixjunileb aran Jerusalén saꞌ li neba̱l li cuan chiru li oqueba̱l bar nequeꞌnumeꞌ cuiꞌ li nequeꞌbelan haꞌ. Queꞌxtzꞌa̱ma chiru laj Esdras laj tzꞌi̱b nak tixcꞌam chak li hu li tzꞌi̱banbil cuiꞌ li chakꞌrab li quiqꞌueheꞌ re laj Moisés xban li Dios chokꞌ reheb laj Israel.

San Mateo 18:20

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Sofonías 3:5

Usta eb li tenamit incꞌaꞌ useb xnaꞌleb, abanan li Dios cuan saꞌ xya̱nkeb ut ti̱c xchꞌo̱l. Aꞌan incꞌaꞌ naxba̱nu cꞌaꞌak re ru incꞌaꞌ us. Rajlal cutan naxcꞌutbesi lix ti̱quilal chiruheb ut junelic naxba̱nu. Abanan li incꞌaꞌ useb xnaꞌleb incꞌaꞌ nequeꞌxnau xuta̱nac.