Sofonías 1:7 - Li Santil hu

⁷ Chexucua ru li Ka̱cuaꞌ Dios xban nak cuulac re xkꞌehil nak ta̱rakok a̱tin saꞌ e̱be̱n. Chanchan mayejanbil tixba̱nu reheb lix tenamit nak tixkꞌaxtesiheb saꞌ rukꞌeb li xicꞌ nequeꞌiloc reheb.

Q'eqchi Bible

⁷ Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.

Sofonías 1:7 ပူးပေါင်းရင်းမြစ်များ

Habacuc 2:20

Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.

Sofonías 1:14

Yo̱ chi cuulac xkꞌehil nak ta̱rakok a̱tin li Ka̱cuaꞌ. Ac yo̱ chi nachꞌoc chak li cutan aꞌan. Kꞌaxal ra teꞌxcꞌul saꞌ li cutan aꞌan. Usta kꞌaxal cauheb rib, abanan teꞌxjap ajcuiꞌ re xbaneb xxiu chiru.

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

San Mateo 22:4

Quixtakla cuiꞌchic jalaneb chic lix mo̱s ut quixye reheb: “Yehomak reheb li ac bokbileb, ‘Ac cꞌu̱bcꞌu li tzacae̱mk, ac xeꞌcamsiman eb li cuacax ut chixjunil li xul li ni̱nk xtibeleb. Ac cauresinbil chixjunil. Cha̱lkex saꞌ li sumla̱c,’ chaꞌakex reheb.”

Joel 2:31

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ nak toj ma̱jiꞌ nacuulac xkꞌehil li cutan, li kꞌaxal xiu xiu, nak la̱in tinrakok a̱tin, chan li Dios.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

1 Samuel 16:5

Laj Samuel quixye: —Saꞌ usilal xinchal. La̱in tinmayejak chiru li Ka̱cuaꞌ. Santobresihomak e̱rib ut texxic chicuix, chan. Ut laj Samuel quixsantobresi laj Isaí ut eb li ralal ut quixye reheb nak teꞌxic chirix nak ta̱mayejak.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Amós 6:10

Ut nak ta̱oc junak li rechꞌalal chirisinquil li camenak saꞌ li cab re tixcꞌat, tixye: ¿Ma toj cuan junak yoꞌyo xcana? Ut li jun li cuan chak toj saꞌ cab ta̱chakꞌok ut tixye: Ma̱cꞌaꞌ. Caꞌaj chic la̱in xincana. Ut ma̱patzꞌ xcꞌabaꞌ li Ka̱cuaꞌ, chaꞌak.

Joel 2:11

Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?

Ezequiel 7:10

Xcuulac xkꞌehil nak tex-osokꞌ. Xcuulac xkꞌehil nak te̱toj rix li ma̱usilal xeba̱nu xban nak le̱ ma̱usilal xnumta yalak bar ut xnumta le̱ kꞌetkꞌetil.

Ezequiel 7:7

Xchal le̱ rosoꞌjic la̱ex li cuanquex saꞌ li naꞌajej aꞌin. Xcuulac xkꞌehil nak incꞌaꞌ chic texninkꞌei̱k saꞌ eb li tzu̱l. Incꞌaꞌ chic sahak saꞌ e̱chꞌo̱l. Junes saꞌ rahil chꞌo̱lejil chic cua̱nkex.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Colosenses 1:12

Chebantioxi chiru li Acuabej Dios li quiqꞌuehoc ke chitzꞌako̱nk riqꞌuin li sahil chꞌo̱lejil kochbeneb laj pa̱banel li ac xeꞌxtau xya̱lal.

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

Romanos 9:20

Aban la̱in tinye a̱cue, ¿anihat la̱at nak ta̱cuechꞌi rix li cꞌaꞌru naxba̱nu li Dios? Junak li cuc incꞌaꞌ ta̱ru̱k tixye re laj pacꞌol re, ¿Cꞌaꞌut nak xina̱yi̱b chi joꞌcaꞌin?

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Salmos 46:10

Li Ka̱cuaꞌ Dios quixye: —Canabomak li pletic. Qꞌuehomak retal nak la̱in li Ka̱cuaꞌ Dios. Ta̱qꞌuehekꞌ inlokꞌal xbaneb li xni̱nkal ru tenamit ut ta̱qꞌuehekꞌ incuanquil saꞌ chixjunil li ruchichꞌochꞌ.—

1 Samuel 20:26

Saꞌ xbe̱n li cutan ma̱cꞌaꞌ quixye laj Saúl. Saꞌ xchꞌo̱l aꞌan nak laj David quixba̱nu cꞌaꞌak re ru incꞌaꞌ us ut incꞌaꞌ quixsantobresi rib re ta̱ru̱k ta̱cuaꞌak saꞌ li ninkꞌe. Joꞌcan nak ma̱cꞌaꞌ quixye.

Li xHu LAJ JOB 24:1

¿Cꞌaꞌut nak li nimajcual Dios incꞌaꞌ naxqꞌue retal li cꞌaꞌru nequeꞌxba̱nu li incꞌaꞌ useb xnaꞌleb? ¿Cꞌaꞌut nak incꞌaꞌ narakoc a̱tin chi junpa̱t re nak li nequeꞌpa̱ban re teꞌxqꞌue retal nak narakoc a̱tin saꞌ ti̱quilal?

Isaías 13:3

Li Ka̱cuaꞌ quixsicꞌ ruheb li cha̱bil soldado li cauheb rib re nak teꞌxic chi pletic re xqꞌuebal chixtojbal xma̱queb li tenamit li yo̱ xjoskꞌil saꞌ xbe̱neb. Quixsicꞌ ruheb li teꞌsahokꞌ xchꞌo̱l chixqꞌuebal xlokꞌal.

Isaías 29:2

Chirix aꞌan li Dios tixqꞌue li raylal saꞌ xbe̱n li tenamit Jerusalén. Teꞌyotꞌekꞌ xchꞌo̱leb ut teꞌya̱bak ut chixjunil li tenamit chanchanak jun li artal li junelic cuan quicꞌ saꞌ xbe̱n.

Isaías 34:5

Li Ka̱cuaꞌ yo̱ chak xjoskꞌil saꞌ choxa saꞌ xbe̱neb laj Edom. Chanchan nak cha̱lc re chixcamsinquileb chi chꞌi̱chꞌ nak tixkꞌaxtesiheb chi camsi̱c. Ac tenebanbil ca̱mc saꞌ xbe̱n li tenamit aꞌan.

Joel 1:15

Tokꞌob xak ku xban nak cuulac re xcutanquil nak li Ka̱cuaꞌ li nimajcual Dios ta̱rakok a̱tin saꞌ kabe̱n. Aꞌan ta̱cha̱lk chixsachbal ru li tenamit.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Zacarías 14:1

Cuulac re xkꞌehil nak li Ka̱cuaꞌ ta̱rakok a̱tin. Ut che̱ru ajcuiꞌ la̱ex ta̱jeqꞌui̱k re jalan chixjunil li cꞌaꞌru cuan e̱re.