Sofonías 1:6 - Li Santil hu

⁶ Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Q'eqchi Bible

⁶ eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Sofonías 1:6 ပူးပေါင်းရင်းမြစ်များ

Jeremías 2:13

Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Jeremías 3:10

Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

Ezequiel 3:20

Cui cuan junak ti̱c xchꞌo̱l ta̱oc chixba̱nunquil li ma̱usilal ut la̱in tincanab chi tꞌanecꞌ, aꞌan ta̱ca̱mk cui la̱at incꞌaꞌ ta̱chꞌolob xya̱lal chiru. Ta̱ca̱mk xban lix ma̱usilal ut incꞌaꞌ ta̱julticokꞌ cue li us li quixba̱nu. Ut saꞌ a̱be̱n la̱at ta̱cana̱k lix camic.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Salmos 10:4

Xban nak nequeꞌxnimobresi ribeb, li incꞌaꞌ useb xnaꞌleb incꞌaꞌ queꞌxsicꞌ li Dios. Ut incꞌaꞌ nequeꞌxcꞌoxla li Dios.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Oseas 7:7

Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

Romanos 3:11

Ma̱ ani nataꞌoc ru lix ya̱lal. Ma̱ ani naraj xsicꞌbal li Dios. (Sal. 14:2)

Isaías 43:22

Abanan la̱ex aj Israel, li ralal xcꞌajolex laj Jacob, incꞌaꞌ xine̱lokꞌoni. Xextitzꞌ ban chinsicꞌbal.

Jeremías 10:25

Isi la̱ joskꞌil saꞌ xbe̱neb li xni̱nkal ru tenamit li incꞌaꞌ nacateꞌxlokꞌoni. Isi la̱ joskꞌil saꞌ xbe̱neb li incꞌaꞌ nequeꞌxya̱ba la̱ cꞌabaꞌ xban nak queꞌxsach ruheb li ralal xcꞌajol laj Jacob. Queꞌxsach ruheb chixjunileb ut queꞌxsach ajcuiꞌ lix naꞌajeb.—

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Josué 23:12

Abanan cui te̱canab xlokꞌoninquil li Ka̱cuaꞌ, ut cui te̱junaji e̱rib riqꞌuineb li tenamit li toj cuanqueb saꞌ e̱ya̱nk, ut cui texsumla̱k riqꞌuineb, ut cui te̱rochbeniheb,

2 Samuel 22:22

La̱in xinba̱nu li cꞌaꞌru naxye saꞌ lix chakꞌrab. Ut incꞌaꞌ xintzꞌekta̱na li Ka̱cuaꞌ.

2 Crónicas 15:13

Ut li ani li incꞌaꞌ tixsicꞌ li Ka̱cuaꞌ, lix Dioseb laj Israel, ta̱camsi̱k, joꞌ cocꞌ, joꞌ ni̱nk, joꞌ cui̱nk, joꞌ ixk.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Sofonías 3:2

Incꞌaꞌ queꞌrabi li cꞌaꞌru quixye li Dios chi moco queꞌxcꞌul lix kꞌusbaleb li quixqꞌue. Incꞌaꞌ queꞌxcꞌojob xchꞌo̱l riqꞌuin li Dios chi moco queꞌxsicꞌ.