Sofonías 1:4 - Li Santil hu

⁴ Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

Q'eqchi Bible

⁴ “Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.

Sofonías 1:4 ပူးပေါင်းရင်းမြစ်များ

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Miqueas 5:13

Tinjuqꞌueb ajcuiꞌ le̱ yi̱banbil dios joꞌqueb ajcuiꞌ li jalam u̱ch li xeyi̱b. Ut incꞌaꞌ chic te̱lokꞌoni le̱ dios li nequeyi̱b riqꞌuin le̱ rukꞌ.

Jeremías 6:12

Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

2 Crónicas 34:4

Ut quixtakla ajcuiꞌ xpoꞌbal eb li artal li queꞌxlokꞌoni cuiꞌ laj Baal lix dioseb. Queꞌxpoꞌi ajcuiꞌ eb li yi̱banbil dios li cuanqueb saꞌ xbe̱neb li artal. Ut queꞌxpuqꞌui ajcuiꞌ lix jalam u̱ch lix Asera, joꞌ ajcuiꞌ eb lix dios li yi̱banbil riqꞌuin chꞌi̱chꞌ ut pec. Cocꞌ muchꞌ queꞌcana. Ut lix cꞌaj eb li yi̱banbil dios queꞌxchap ut queꞌxcut saꞌ xbe̱neb li mukleba̱l li cuanqueb cuiꞌ li queꞌlokꞌonin re li yi̱banbil dios.

2 Reyes 21:13

La̱in tinqꞌueheb chixtojbal xma̱queb laj Jerusalén joꞌ xinba̱nu reheb laj Samaria ut eb li ralal xcꞌajol laj Acab. La̱in tincuisi li ma̱usilal aran Jerusalén. Chanchan chꞌajbil tinba̱nu reheb joꞌ nak nachꞌajeꞌ junak li secꞌ tzꞌaj ru ut nahupuba̱c.

Éxodo 15:12

Nak xacꞌutbesi la̱ cuanquil chiruheb quilajeꞌosoꞌ chixjunileb.

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Ezequiel 6:14

La̱in tinsach ru lix naꞌajeb li teꞌcua̱nk cuiꞌ. Ma̱cꞌaꞌ chic cua̱nk chi saꞌ. Li naꞌajej chanchanak chic li chaki chꞌochꞌ naticla chak saꞌ li sur ut nacuulac cuan cuiꞌ li naꞌajej Diblat re nak eb laj Israel teꞌxqꞌue retal nak la̱in li Ka̱cuaꞌ.—

Ezequiel 25:7

Joꞌcan nak la̱in tintakla li raylal saꞌ e̱be̱n ut texincanab saꞌ rukꞌeb li xicꞌ nequeꞌiloc e̱re. Eb aꞌan teꞌxmakꞌ che̱ru li cꞌaꞌru e̱re. La̱in tinsach e̱cuanquil re nak incꞌaꞌ chic ta̱ru̱k texcua̱nk joꞌ tenamit. Ut riqꞌuin aꞌan la̱ex te̱qꞌue retal nak la̱in li Ka̱cuaꞌ Dios.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Sofonías 2:13

Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k.

2 Reyes 23:12

Ut quixjucꞌ ajcuiꞌ eb li artal li queꞌcuan saꞌ xbe̱n cab nachꞌ riqꞌuin li naꞌajej li quicuan cuiꞌ laj Acaz, li queꞌyi̱ba̱c xbaneb lix reyeb laj Judá. Ut quixtakla ajcuiꞌ xjucꞌbal li cuib chi artal li queꞌyi̱ba̱c xban laj Manasés li queꞌcuan saꞌ li cuib chi neba̱l re lix templo li Ka̱cuaꞌ. Queꞌrisi aran ut queꞌxjor ut li xcꞌaj quicuteꞌ saꞌ li nimaꞌ Cedrón.