Sofonías 1:14 - Li Santil hu

¹⁴ Yo̱ chi cuulac xkꞌehil nak ta̱rakok a̱tin li Ka̱cuaꞌ. Ac yo̱ chi nachꞌoc chak li cutan aꞌan. Kꞌaxal ra teꞌxcꞌul saꞌ li cutan aꞌan. Usta kꞌaxal cauheb rib, abanan teꞌxjap ajcuiꞌ re xbaneb xxiu chiru.

Q'eqchi Bible

¹⁴ Xnach'ok chaq li xnimla kutankil li Qaawa'; ak xseeb'ank ut nach' chik wank. Naq taawulaq li kutan a'an, xiwajelaq li japok e: tixjap ajwi' re chi yaab'ak li jwal kaw rib'.

Sofonías 1:14 ပူးပေါင်းရင်းမြစ်များ

Malaquías 4:5

Relic chi ya̱l la̱in tintakla li profeta Elías e̱riqꞌuin nak toj ma̱jiꞌ nacuulac xkꞌehil nak tinrakok a̱tin. Li cutan aꞌan kꞌaxal lokꞌ, abanan kꞌaxal xiu xiu ajcuiꞌ.

Ezequiel 30:3

Cuulac re xcutanquil nak li Ka̱cuaꞌ ta̱rakok a̱tin. Cuulac re xkꞌehil li rahil chꞌo̱lejil nak li Ka̱cuaꞌ ta̱rakok a̱tin saꞌ xbe̱neb li xni̱nkal ru tenamit.

Sofonías 1:7

Chexucua ru li Ka̱cuaꞌ Dios xban nak cuulac re xkꞌehil nak ta̱rakok a̱tin saꞌ e̱be̱n. Chanchan mayejanbil tixba̱nu reheb lix tenamit nak tixkꞌaxtesiheb saꞌ rukꞌeb li xicꞌ nequeꞌiloc reheb.

Joel 2:11

Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?

1 Ts 4:16

Ut nak ta̱cubek chak li Ka̱cuaꞌ Jesucristo saꞌ choxa, tixjap re chi takla̱nc. Li xbe̱nil ángel tixjap re chi bokoc, ut ta̱ya̱basi̱k xtrompeta li Dios. Ut li teꞌcuacli̱k xbe̱n cua, aꞌaneb li ac camenakeb, li queꞌpa̱ban re li Cristo.

Ezequiel 7:12

Xcuulac xkꞌehil ut xcuulac xcutanquil nak li ani ta̱lokꞌok incꞌaꞌ ta̱sahokꞌ xchꞌo̱l riqꞌuin li tixlokꞌ. Ut li ani ta̱cꞌayi̱nk incꞌaꞌ ta̱rahokꞌ xchꞌo̱l riqꞌuin li tixcꞌayi xban nak lin joskꞌil cuan saꞌ xbe̱n chixjunileb li tenamit.

Isaías 33:7

Eb li cui̱nk li cauheb rib japjo̱queb re saꞌ eb li be. Eb li takl li queꞌraj nak li tenamit teꞌcua̱nk saꞌ tuktu̱quil usilal yo̱queb chi ya̱bac chi kꞌaxal ra saꞌ xchꞌo̱leb.

Isaías 15:4

Eb li cuanqueb Hesbón ut Eleale teꞌxjap reheb. Ut ta̱abi̱k lix ya̱beb toj saꞌ li tenamit Jahaza. Joꞌcan nak teꞌxucuak li soldado li cuanqueb Moab ut teꞌchꞌina̱nk xchꞌo̱leb.

Santiago 5:9

Ex herma̱n, me̱cuechꞌi e̱rib che̱ribil e̱rib re nak incꞌaꞌ ta̱rakekꞌ a̱tin saꞌ e̱be̱n. Li Jesucristo aꞌan laj rakol a̱tin ut chi se̱b ta̱cꞌulu̱nk cuiꞌchic.

Hechos 2:20

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ toj ta̱cuulak xkꞌehil li cutan aꞌan, li kꞌaxal xiu xiu, nak la̱in tinrakok a̱tin, chan li Dios.

Joel 1:15

Tokꞌob xak ku xban nak cuulac re xcutanquil nak li Ka̱cuaꞌ li nimajcual Dios ta̱rakok a̱tin saꞌ kabe̱n. Aꞌan ta̱cha̱lk chixsachbal ru li tenamit.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Amós 8:2

Li Ka̱cuaꞌ quixpatzꞌ cue: —¿Cꞌaꞌru yo̱cat chirilbal, at Amós?— La̱in quinchakꞌoc ut quinye re: —Yo̱quin chirilbal jun chacach quiꞌil kꞌe̱n kꞌan. Ut li Ka̱cuaꞌ quixye cue: —Xcuulac xkꞌehil li rakba a̱tin saꞌ xbe̱neb lin tenamit Israel. Ac nequeꞌxnau xya̱lal. Joꞌcan nak incꞌaꞌ chic tincuyeb xma̱c.

Joel 2:31

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ nak toj ma̱jiꞌ nacuulac xkꞌehil li cutan, li kꞌaxal xiu xiu, nak la̱in tinrakok a̱tin, chan li Dios.

Sofonías 1:10

Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Joel 3:16

Nak la̱in tina̱tinak chi cau xya̱b incux saꞌ li tzu̱l Sión aran Jerusalén, li choxa joꞌ ajcuiꞌ li ruchichꞌochꞌ teꞌecꞌa̱nk saꞌ xnaꞌaj. Abanan eb laj Israel lin tenamit cauhakeb xchꞌo̱l cuiqꞌuin. Ut cuiqꞌuin teꞌyoꞌoni̱nk xban nak la̱in tincolok reheb.

Joel 2:1

Ya̱basihomak chak li trompeta saꞌ li tzu̱l Sión. Ya̱basihomak chak saꞌ li tzu̱l cuan cuiꞌ lix templo li Ka̱cuaꞌ re xyebal resil nak cuanco saꞌ raylal. Chexxucuak che̱junilex la̱ex li cuanquex Judá xban nak cuulac re xkꞌehil nak ta̱rakok a̱tin li Ka̱cuaꞌ saꞌ kabe̱n.

Ezequiel 12:23

Ta̱ye reheb nak la̱in li nimajcual Dios ninye chi joꞌcaꞌin: La̱in tinsach xcuanquil li a̱tin li nequeꞌxye ut incꞌaꞌ chic teꞌxye chi joꞌcan arin Israel. Ta̱ye reheb nak cuulac re xkꞌehil nak ta̱tzꞌaklok ru chixjunil li queꞌxye li profetas.

Jeremías 48:41

Eb li tenamit teꞌchapekꞌ joꞌ eb ajcuiꞌ li cab li nequeꞌxcol cuiꞌ ribeb. Saꞌ eb li cutan aꞌan eb li soldado aj Moab sicsotkeb. Chanchanakeb jun li ixk li yo̱ chi cꞌuluc raylal.

Jeremías 30:7

Ta̱cuulak xkꞌehil nak teꞌxcꞌul junak li nimla raylal. Ma̱cꞌaꞌ naru najuntakꞌe̱taman cuiꞌ li raylal aꞌan. Kꞌaxal ra teꞌxcꞌul li ralal xcꞌajol laj Jacob. Abanan eb aꞌan teꞌcolekꞌ chiru li raylal.

Jeremías 25:36

Ta̱abi̱k xya̱b xcuxeb nak teꞌya̱bak xban xrahil xchꞌo̱leb ut teꞌxjap reheb xban li raylal li teꞌxcꞌul nak li Ka̱cuaꞌ tixsach ru lix naꞌajeb.

Isaías 66:6

Abihomak li choki̱nc saꞌ li tenamit ut saꞌ li templo. Aꞌan li xya̱b xcux li Ka̱cuaꞌ nak yo̱ chixqꞌuebal re̱kaj li ma̱usilal xeꞌxba̱nu li xicꞌ nequeꞌiloc re.

Hebreos 12:26

Najter nak li Dios quia̱tinac saꞌ li tzu̱l Sinaí, lix ya̱b xcux quirecꞌasi li naꞌajej aꞌan. Ut li Dios quixye: Saꞌ jun sut chic ma̱cuaꞌ caꞌaj cuiꞌ li ruchichꞌochꞌ tincuecꞌasi. Tincuecꞌasi ajcuiꞌ li choxa. (Ex. 19:18)

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

Isaías 8:22

malaj ut takꞌa saꞌ li chꞌochꞌ. Abanan junes raylal chic teꞌril ut kꞌojyi̱n. Ma̱ ani ta̱colok reheb chiru li rahil chꞌo̱lej. Aran teꞌosokꞌ saꞌ li kꞌojyi̱n.

Ezequiel 7:16

Cuanqueb li teꞌe̱lelik saꞌ eb li tzu̱l re xcolbal ribeb joꞌ li mucuy li nequeꞌcuan saꞌ li ru takꞌa. Chixjunileb yo̱keb chi ya̱bac xban li ma̱usilal queꞌxba̱nu.

Joel 3:14

Numtajenak xqꞌuialeb li tenamit li cuanqueb saꞌ li ru takꞌa. Aran ta̱rakekꞌ a̱tin saꞌ xbe̱neb xban nak cuulac re xkꞌehil nak la̱in li Ka̱cuaꞌ tinrakok a̱tin.

Jeremías 46:5

¿Cꞌaꞌru yo̱queb chixcꞌulbal? Eb lix soldados laj Egipto yo̱queb chi xucuac ut yo̱queb chi sukꞌi̱c chirixeb. Eb lix soldados laj Babilonia yo̱queb chi numta̱c saꞌ xbe̱neb. Yo̱queb chi e̱lelic saꞌ junpa̱t chi incꞌaꞌ nequeꞌiloc chirixeb. Ut yalak bar xucuajel rilbal li yo̱queb chixcꞌulbal, chan li Ka̱cuaꞌ.