Sofonías 1:13 - Li Santil hu

¹³ Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Q'eqchi Bible

¹³ Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Sofonías 1:13 ပူးပေါင်းရင်းမြစ်များ

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Miqueas 6:15

Tex-a̱uk, abanan incꞌaꞌ texkꞌolok. Te̱yatzꞌ li ru le̱ cheꞌ olivo, abanan incꞌaꞌ te̱yul lix aceitil che̱rix. Te̱yatzꞌ le̱ uva abanan incꞌaꞌ te̱rucꞌ li xyaꞌal.

Deuteronomio 28:30

Usta tzꞌa̱manbilak junak xkaꞌal e̱ban, abanan jalan ta̱cꞌamok re. Texcablak, abanan incꞌaꞌ texcua̱nk saꞌ li cab li te̱yi̱b. Te̱rau le̱ racui̱mk uvas, abanan incꞌaꞌ te̱yal xsahil li ru li tixqꞌue.

Ezequiel 7:21

Joꞌcan nak la̱in tinkꞌaxtesi lix biomaleb saꞌ rukꞌeb li jalan tenamit. Eb li incꞌaꞌ useb xnaꞌleb teꞌrelkꞌa ut teꞌxmux ru.

Jeremías 15:13

Ut li Ka̱cuaꞌ quixye: —Xban li ma̱usilal xelajeba̱nu saꞌ eb li naꞌajej aꞌin, la̱in tinkꞌaxtesi reheb li xicꞌ nequeꞌiloc e̱re chixjunil le̱ biomal chi incꞌaꞌ ta̱tojekꞌ e̱re.

Jeremías 9:19

Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Deuteronomio 28:39

Te̱rau le̱ uvas ut te̱sabesi, abanan incꞌaꞌ te̱rucꞌ li xyaꞌal le̱ uvas, chi moco te̱sicꞌ li ru xban nak eb li motzoꞌ teꞌxcuaꞌ.

Sofonías 1:9

Saꞌeb li cutan aꞌan tinqꞌueheb ajcuiꞌ chixtojbal xma̱queb li nequeꞌoc chi piscꞌonbil saꞌ li rochocheb lix dioseb joꞌ ajcuiꞌ li nequeꞌxtu̱b saꞌ rochocheb lix dioseb li nequeꞌrelkꞌa chak riqꞌuin balakꞌi̱nc.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Ezequiel 22:31

Joꞌcan nak la̱in tincuisi lin joskꞌil saꞌ xbe̱neb. Chanchanakin li xam nak tinsach ruheb. Aꞌaneb ajcuiꞌ teꞌtojok re li ma̱usilal xeꞌxba̱nu. La̱in li nimajcual Dios ninyehoc re aꞌin.—

Ezequiel 7:19

Teꞌxcut lix oro ut lix plata saꞌ be xban nak ma̱cꞌaꞌ chic ta̱oc cuiꞌ reheb. Chi moco li oro chi moco li plata ta̱ru̱k ta̱colok reheb saꞌ xkꞌehil nak li Ka̱cuaꞌ tixcꞌut lix joskꞌil. Incꞌaꞌ chic ta̱sahokꞌ xchꞌo̱leb riqꞌuin lix oro ut lix plata chi moco ta̱cꞌojla̱k xchꞌo̱leb xban nak ma̱cꞌaꞌak chic lix tzacae̱mkeb. Lix oro ut lix plata, aꞌan li quiqꞌuehoc reheb chi ma̱cobc.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 5:17

Aꞌaneb chic teꞌyalok xsahil ru le̱ racui̱mk. Ut aꞌaneb chic li teꞌtzaca̱nk re le̱ tzacae̱mk. Teꞌxcamsiheb le̱ ralal e̱cꞌajol. Ut teꞌxcamsi le̱ carner re teꞌxtiu joꞌ ajcuiꞌ le̱ cuacax. Ut teꞌxtzaca li ru le̱ uvas joꞌ ajcuiꞌ li ru le̱ higo. Teꞌsachekꞌ ruheb li tenamit li cauresinbil chi us re te̱col cuiꞌ e̱rib, li cꞌojcꞌo cuiꞌ e̱chꞌo̱l.

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Deuteronomio 28:51

Eb aꞌan teꞌxtzacaheb li ral le̱ queto̱mk joꞌ ajcuiꞌ li ru le̱ racui̱mk. Ma̱cꞌaꞌak chic le̱ trigo, chi moco le̱ vino, chi moco le̱ aceite. Ut ma̱cꞌaꞌak chic le̱ cuacax chi moco le̱ carner toj retal tex-osokꞌ xban cueꞌej.

Jeremías 17:3

Ut quelokꞌoniheb li yi̱banbil dios saꞌ eb li tzu̱l ut saꞌ eb li cꞌaleba̱l. La̱in tincanab chi elkꞌa̱c le̱ biomal xbaneb li xicꞌ nequeꞌiloc e̱re. Teꞌrelkꞌa li cꞌaꞌru e̱re xban li ma̱usilal xeba̱nu saꞌ eb li naꞌajej li najt xteram li cuan saꞌ chixjunil le̱ naꞌaj.

Lamentaciones 5:2

Eb li jalaneb xtenamit queꞌxmakꞌ chiku li kanaꞌaj li xke̱chani junxil. Ut queꞌxmakꞌ ajcuiꞌ li kochoch.

Ezequiel 7:24

Tintaklaheb chak li tenamit li kꞌaxal yibru xnaꞌlebeb re nak aꞌaneb chic teꞌe̱chani̱nk re li rochocheb. Riqꞌuin aꞌin tincuisi lix kꞌetkꞌetileb li ni̱nkeb xcuanquil. Ut li artal li nequeꞌxlokꞌoni cuiꞌ lix dioseb tinqꞌue chi muxecꞌ.