Sofonías 1:12 - Li Santil hu

¹² Chanchan tinloch inxam ut tinsiqꞌuiheb saꞌ li kꞌojyi̱n nak tinsiqꞌuiheb yalak bar saꞌ li tenamit Jerusalén li incꞌaꞌ useb xnaꞌleb. Tinsiqꞌuiheb toj retal tinsacheb ru. Tinqꞌueheb chixtojbal xma̱queb li cꞌojcꞌo̱queb xchꞌo̱l, li chanchaneb li vino li tuktu ru. Eb aꞌan nequeꞌxye saꞌ xchꞌo̱leb nak li Ka̱cuaꞌ ma̱cꞌaꞌ naxba̱nu, chi moco li us, chi moco li incꞌaꞌ us, chanqueb.

Q'eqchi Bible

¹² “Sa' li kutan a'an tinxok linsaqenk ut tinpoqle li tenamit Jerusalén. Toja' naq tink'eheb' chi xtojb'al li xmaakeb' li k'ojk'ookeb' xch'ool ut sa yookeb' chi hilank, eb' li neke'yehok sa' xch'ooleb': «Li Qaawa' maak'a' naxb'aanu: chi moko li us chi moko li ink'a' us».

Sofonías 1:12 ပူးပေါင်းရင်းမြစ်များ

Amós 6:1

Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

Jeremías 48:11

Li Ka̱cuaꞌ quixye: —Junelic cꞌojcꞌo xchꞌo̱leb laj Moab. Incꞌaꞌ queꞌchapeꞌ ut incꞌaꞌ queꞌcꞌameꞌ saꞌ najtil tenamit. Chanchaneb li vino li tuktu ru li incꞌaꞌ quijaleꞌ xnaꞌaj. Incꞌaꞌ qui-el xsahil chi moco lix bo̱c.

Ezequiel 8:12

Li chanchan cui̱nk quixye cue: —At ralal cui̱nk, ¿ma xaqꞌue retal li cꞌaꞌru yo̱queb chixba̱nunquil eb li nequeꞌcꞌamoc be saꞌ xya̱nkeb laj Israel? Chixjunileb yo̱queb chixlokꞌoninquileb li yi̱banbil dios chi mukmu. Ut nequeꞌxye nak la̱in incꞌaꞌ nacuil li cꞌaꞌru nequeꞌxba̱nu. Nequeꞌxye nak la̱in xintzꞌekta̱na lix naꞌajeb.

Ezequiel 9:9

Li Ka̱cuaꞌ quixye cue: —Kꞌaxal numtajenak lix ma̱queb li ralal xcꞌajol laj Israel ut laj Judá. Saꞌ chixjunil li naꞌajej queꞌxcamsi ras ri̱tzꞌin ut queꞌxba̱nu li ma̱usilal. Nequeꞌxye nak la̱in xintzꞌekta̱na lix naꞌajeb ut incꞌaꞌ nacuil li ma̱usilal li nequeꞌxba̱nu.

Salmos 94:7

Ut nequeꞌxye: —Li Dios li nequeꞌxlokꞌoni li ralal xcꞌajol laj Jacob incꞌaꞌ naril chi moco naxqꞌue retal li cꞌaꞌru yo̱co chixba̱nunquil.—

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

2 Pedro 3:4

Eb aꞌan teꞌxye: Li Jesucristo quixye nak ta̱cha̱lk. ¿Bar ta cuan? ¿Ma ac xcꞌulun ta? Chalen chak xcamiqueb li kaxeꞌ kato̱n chixjunil li cꞌaꞌak re ru cuan ajcuiꞌ anakcuan joꞌ nak quicuan chak chalen chak saꞌ xticlajic li ruchichꞌochꞌ, chaꞌkeb.

Abdías 1:6

Chixjunil ta̱makꞌekꞌ che̱ru la̱ex li ralal xcꞌajol laj Esaú. Usta mukmu̱k raj e̱ban li kꞌaxal lokꞌ che̱ru, abanan teꞌxsicꞌ toj retal teꞌxcꞌam che̱ru chixjunil.

Jeremías 10:5

Xakxo̱queb saꞌ xnaꞌaj. Chanchaneb li cheꞌ palmera. Incꞌaꞌ naru nequeꞌa̱tinac. Tento xpakonquileb xban nak incꞌaꞌ naru nequeꞌbe̱c. Mexxucuac chiruheb xban nak incꞌaꞌ nequeꞌxba̱nu li us, chi moco li incꞌaꞌ us, xban nak ma̱cꞌaꞌeb xcuanquil.—

Isaías 5:19

La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Salmos 14:1

Eb li jip nequeꞌxye saꞌ xchꞌo̱leb nak ma̱cꞌaꞌ li Dios. Kꞌaxal yibru xnaꞌlebeb. Junes ma̱usilal nequeꞌxba̱nu. Ut ma̱ jun naxba̱nu li us saꞌ xya̱nkeb.

Li xHu LAJ JOB 21:15

¿Ani ta biꞌ li nimajcual Dios nak tocꞌanjelak chiru? ¿Cꞌaꞌ ta biꞌ ru takara nak yo̱ko chi tijoc chiru?” chanqueb.

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Malaquías 2:17

Li Ka̱cuaꞌ xtitzꞌ chirabinquil li cꞌaꞌru nequeye. Ut toj nequeye, “¿Cꞌaꞌru xtitzꞌ cuiꞌ li Ka̱cuaꞌ kaban?” Xtitzꞌ e̱ban xban nak la̱ex nequeye nak nasahoꞌ xchꞌo̱l li Dios riqꞌuin li ani naxba̱nu ma̱usilal. Ut nequeye ajcuiꞌ, “Cui ta ya̱l nak ti̱c xchꞌo̱l li Dios, ac xqꞌueheb raj chixtojbal xma̱queb li ani nequeꞌba̱nun ma̱usilal,” chanquex.

Salmos 10:4

Xban nak nequeꞌxnimobresi ribeb, li incꞌaꞌ useb xnaꞌleb incꞌaꞌ queꞌxsicꞌ li Dios. Ut incꞌaꞌ nequeꞌxcꞌoxla li Dios.