Sofonías 1:10 - Li Santil hu

¹⁰ Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Q'eqchi Bible

¹⁰ Jo'ka'in xye li Qaawa': “Sa' li kutan a'an taa'ab'imanq xyaab' kuxej chi xtz'aamankil xtenq'ankileb' chalen toj sa' li Okeb'aal reheb' li kar. Japjo'qeb' re chi tz'uyink sa' li Ak' Na'ajej ut taa'ab'iiq xyaab'eb' li tzuul li yooqeb' chi uq'e'k.

Sofonías 1:10 ပူးပေါင်းရင်းမြစ်များ

2 Crónicas 33:14

Chirix chic aꞌan, laj Manasés quixtakla xyi̱banquil li tzꞌac li sutsu cuiꞌ lix tenamit laj David. Naticla chak Gihón cuan cuiꞌ li yuꞌam haꞌ. Ut nacuulac toj saꞌ li oqueba̱l li nequeꞌnumeꞌ cuiꞌ laj cꞌay car. Quixsut saꞌ tzꞌac li naꞌajej Ofel. Quixyi̱b li tzꞌac chi kꞌaxal najt xteram. Quixtaklaheb ajcuiꞌ li soldados li ni̱nkeb xcuanquil chi cua̱nc saꞌ eb li tenamit Judá li cuanqueb cuiꞌ li cab li nequeꞌxcol cuiꞌ ribeb li tenamit.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

2 Reyes 22:14

Laj Hilcías laj tij, rochbeneb laj Ahicam, laj Acbor, laj Safán ut laj Asaías queꞌco̱eb riqꞌuin lix Hulda chi patzꞌoc. Lix Hulda, aꞌan jun xprofeta li Dios. Aꞌan rixakil laj Salum. Laj Salum, aꞌan li ralal laj Ticva. Laj Ticva, aꞌan li ralal laj Harhas. Laj Salum, aꞌan li na-iloc re li akꞌej li nacꞌanjelac saꞌ li templo. Lix Hulda cuan rochoch Jerusalén saꞌ li naꞌajej li quiyi̱ba̱c mokon. Eb li cui̱nk queꞌa̱tinac riqꞌuin.

Nehemías 3:3

Eb li ralal xcꞌajol laj Senaa queꞌxyi̱b li oqueba̱l bar nequeꞌxcꞌayi cuiꞌ li car. Queꞌxqꞌue li cheꞌ saꞌ li tzꞌac queꞌxyi̱b cuiꞌ li puerta. Queꞌxqꞌue li puerta ut queꞌxqꞌue ajcuiꞌ li chꞌi̱chꞌ re nak ta̱tzꞌapo̱nk chi us.

Sofonías 1:15

Saꞌ li cutan aꞌan li Dios tixcꞌutbesi lix joskꞌil chiruheb. Kꞌaxal nabal li raylal ut li rahil chꞌo̱lejil teꞌxcꞌul. Teꞌsachekꞌ ruheb. Ta̱kꞌojyi̱nokꞌ ru li choxa xban li chok ut ta̱mo̱yk ru li cutan.

Sofonías 1:7

Chexucua ru li Ka̱cuaꞌ Dios xban nak cuulac re xkꞌehil nak ta̱rakok a̱tin saꞌ e̱be̱n. Chanchan mayejanbil tixba̱nu reheb lix tenamit nak tixkꞌaxtesiheb saꞌ rukꞌeb li xicꞌ nequeꞌiloc reheb.

Jeremías 39:2

Saꞌ li bele̱b xbe li xca̱ po nak yo̱ junlaju chihab roquic chokꞌ rey laj Sedequías, nak eb laj Babilonia queꞌxtꞌan li tzꞌac li sutsu cuiꞌ Jerusalén.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Isaías 59:11

Nakajap ke. Chanchano li joskꞌ aj xul oso. Ut nocoya̱bac joꞌ li mucuy. Nakaj raj cua̱nc saꞌ ti̱quilal, abanan incꞌaꞌ naru. Nakaj raj nak li Dios toxcol, abanan aꞌan incꞌaꞌ nocoxtenkꞌa.

2 Crónicas 32:22

Joꞌcan nak li Ka̱cuaꞌ quixcol laj Ezequías ut eb li cuanqueb Jerusalén saꞌ rukꞌ laj Senaquerib lix reyeb laj Asiria. Quixcoleb chiruheb chixjunileb. Ut quixqꞌueheb chi cua̱nc saꞌ tuktu̱quil usilal riqꞌuineb chixjunileb li tenamit li cuanqueb chi xjun sutam.

2 Crónicas 3:1

Laj Salomón quixtiquib xyi̱banquil lix templo li Ka̱cuaꞌ aran Jerusalén saꞌ li tzu̱l Moriah saꞌ li naꞌajej li quixcꞌutbesi cuiꞌ rib li Ka̱cuaꞌ chiru laj David lix yucuaꞌ. Li naꞌajej aꞌan, aꞌan li naꞌajej li quirisi cuiꞌ rix lix trigo laj Ornán aj jebuseo, li ac cauresinbil xban laj David re xyi̱banquil li templo.

2 Samuel 5:9

Ut nak ac xre̱chani lix nimal ru tenamit, laj David quicana chi cua̱nc aran Sión ut quixqꞌue chokꞌ xcꞌabaꞌ “Xtenamit laj David”. Ut quixyi̱b li tzꞌac chi xjun sutam lix tenamit. Naticla chak li tzꞌac cuan cuiꞌ jun li cab najt xteram Milo xcꞌabaꞌ ut nacuulac toj saꞌ li tenamit.

2 Samuel 5:7

Usta ac cauresinbil chi us li tenamit, abanan laj David quinumta saꞌ xbe̱neb ut qui-oc saꞌ li naꞌajej Sión. Toj chalen anakcuan “Xtenamit laj David” nayeheꞌ re li naꞌajej aꞌan.

2 Crónicas 34:22

Laj Hilcías rochbeneb li queꞌtakla̱c xban li rey queꞌco̱eb chi a̱tinac riqꞌuin lix Hulda lix profeta li Dios. Lix Hulda, aꞌan rixakil laj Salum li ralal laj Ticva: Ut laj Ticva, aꞌan li ralal laj Harhas li naxococ re li rakꞌeb laj tij saꞌ li templo. Li rochoch eb aꞌan cuan Jerusalén saꞌ li acꞌ naꞌajej. Ut queꞌxserakꞌi re li profeta chixjunil li quicꞌulman.

Nehemías 12:39

Ut conumeꞌ saꞌ xbe̱n li oqueba̱l Efraín xcꞌabaꞌ ut conumeꞌ ajcuiꞌ saꞌ xbe̱n li najter oqueba̱l ut saꞌ xbe̱n li oqueba̱l li bar nequeꞌxcꞌayi cuiꞌ li car, ut conumeꞌ ajcuiꞌ cuan cuiꞌ li torre Hananeel xcꞌabaꞌ ut conumeꞌ ajcuiꞌ cuan cuiꞌ li torre Hamea xcꞌabaꞌ. Ut conumeꞌ ajcuiꞌ saꞌ xbe̱n li oqueba̱l li nequeꞌnumeꞌ cuiꞌ li carner, ut coxoxakli̱k cuan cuiꞌ li oqueba̱l li cuan nachꞌ riqꞌuin li tzꞌalam.

Ezequiel 6:13

Ut teꞌxqꞌue retal nak la̱in li Ka̱cuaꞌ nak teꞌril lix camenakeb saꞌ eb li naꞌajej li cuanqueb cuiꞌ li yi̱banbil dios ut chixjun sutam eb li artal, joꞌ ajcuiꞌ saꞌ eb li naꞌajej najt xteram ut saꞌ eb li tzu̱l, joꞌ ajcuiꞌ rubeleb li ni̱nki cheꞌ ji li queꞌxcꞌat cuiꞌ lix sununquil ban re xlokꞌoninquil lix dioseb.