Sofonías 1:1 - Li Santil hu

¹ Aꞌan aꞌin li a̱tin li quixye li Ka̱cuaꞌ re laj Sofonías saꞌ eb li cutan nak laj Josías li ralal laj Amón cuan chokꞌ rey aran Judá. Laj Sofonías aꞌan ralal laj Cusi. Ut laj Cusi, aꞌan ralal laj Gedalías. Ut laj Gedalías, aꞌan ralal laj Amarías. Ut laj Amarías, aꞌan ralal laj Ezequías.

Q'eqchi Bible

¹ A'an a'in li raatin li Qaawa' li kiyehe'k re laj Sofonías, ralal laj Kusí, ralal laj Kedalías, ralal laj Amarías, ralal laj Esekías, sa'eb' li kutan naq laj Josías, ralal laj Amón, wan chaq cho'q awab'ej re Judá.

Sofonías 1:1 ပူးပေါင်းရင်းမြစ်များ

Jeremías 1:2

Yo̱ oxlaju chihab roquic chi cꞌanjelac laj Josías ralal laj Amón chokꞌ xreyeb laj Judá nak li Ka̱cuaꞌ Dios quia̱tinac riqꞌuin laj Jeremías.

2 Pedro 1:19

Riqꞌuin aꞌin nakanau nak relic chi ya̱l na-uxman li cꞌaꞌru tzꞌi̱banbil chak najter xbaneb li profeta. Us cui te̱qꞌue retal li quilajeꞌxtzꞌi̱ba chak li profeta. Aꞌan naxcutanobresi chiku joꞌ junak xam nacutanobresin saꞌ junak naꞌajej kꞌojyi̱n ru. Li Ka̱cuaꞌ Jesucristo naxcutanobresi saꞌ li ka̱m joꞌ nak naxcutanobresi ru li kꞌojyi̱n li cak chahim nak sake̱uc re.

Oseas 1:1

Li tzꞌi̱banbil saꞌ li hu aꞌin, aꞌan li quixye li Ka̱cuaꞌ re laj Oseas, li ralal laj Beeri, saꞌ eb li cutan nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías, ut nak quicuan chokꞌ xreyeb laj Israel laj Jeroboam, li ralal laj Joás.

Ezequiel 1:3

Saꞌ li chihab aꞌan, saꞌ li roꞌ xbe li xca̱ po nak cuanquin saꞌ xchꞌochꞌeb laj Babilonia chire li nimaꞌ Quebar quicuabi nak li Ka̱cuaꞌ quia̱tinac cuiqꞌuin la̱in li ralal laj Buzi. Chanchan nak quixqꞌue li rukꞌ saꞌ inbe̱n nak quicuecꞌa lix cuanquil.

Jeremías 25:3

Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

2 Timoteo 3:16

Chixjunil li tzꞌi̱banbil saꞌ li Santil Hu, aꞌan musikꞌanbil xban li Dios ut nacꞌanjelac re xcꞌutbal chiku lix ya̱lal. Nacꞌanjelac re kakꞌusbal ut re xqꞌuebal kanaꞌleb ut naxcꞌut chiku chanru nak tocua̱nk saꞌ ti̱quilal.

2 Reyes 21:18

Laj Manasés quicam ut quimukeꞌ saꞌ lix naꞌaj li utzꞌuꞌuj re laj Uza nachꞌ riqꞌuin li palacio. Ut aꞌ chic laj Amón li ralal qui-oc chokꞌ rey chokꞌ re̱kaj.

2 Crónicas 33:20

Quicam laj Manasés ut quimukeꞌ saꞌ li naꞌajej cuan cuiꞌ li palacio. Ut aꞌ chic laj Amón li ralal qui-oc chokꞌ rey chokꞌ re̱kaj.

Jeremías 22:11

Joꞌcaꞌin quixye li Ka̱cuaꞌ chirix laj Salum li qui-oc chokꞌ xreyeb laj Judá chokꞌ re̱kaj laj Josías lix yucuaꞌ. “Laj Salum li nequeꞌxye ajcuiꞌ Joacaz re, ta̱isi̱k saꞌ li naꞌajej aꞌin ut incꞌaꞌ chic ta̱sukꞌi̱k.

2 Reyes 21:26

Laj Amón quicam ut quimukeꞌ saꞌ lix naꞌaj li utzꞌuꞌuj re laj Uza nachꞌ riqꞌuin li palacio. Ut aꞌ chic laj Josías li ralal qui-oc chokꞌ rey chokꞌ re̱kaj.