Santiago 5:9 - Li Santil hu

⁹ Ex herma̱n, me̱cuechꞌi e̱rib che̱ribil e̱rib re nak incꞌaꞌ ta̱rakekꞌ a̱tin saꞌ e̱be̱n. Li Jesucristo aꞌan laj rakol a̱tin ut chi se̱b ta̱cꞌulu̱nk cuiꞌchic.

Q'eqchi Bible

⁹ Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Santiago 5:9 ပူးပေါင်းရင်းမြစ်များ

Levítico 19:18

Me̱qꞌue re̱kaj li ra xi̱cꞌ riqꞌuin raylal. Ut me̱qꞌue saꞌ e̱chꞌo̱l li raylal ta̱uxk e̱re. Te̱ra ban le̱ ras e̱ri̱tzꞌin joꞌ nak nequera e̱rib. La̱in li Ka̱cuaꞌ xinyehoc re aꞌin.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Santiago 4:11

Ex inherma̱n, me̱cuechꞌi rix le̱ rech aj pa̱banelil xban nak ani naxcuechꞌi rix li rech aj pa̱banelil naxcuechꞌi ajcuiꞌ rix lix chakꞌrab li Dios ut naxqꞌue rib chokꞌ aj rakol a̱tin. Li kacꞌanjel ma̱cuaꞌ re xcuechꞌbal rix li chakꞌrab; re ban xpa̱banquil.

San Mateo 24:33

Joꞌ nak li higo naxcꞌutbesi retalil li sakꞌehil, joꞌcan ajcuiꞌ chixjunil li cꞌaꞌak re ru aꞌan talajeꞌcꞌulma̱nk, naxcꞌutbesi retalil nak yo̱ chi cuulac xkꞌehil nak toline̱lk cuiꞌchic la̱in li Cꞌajolbej.

1 Pedro 4:9

Chexqꞌuehok ochochna̱l che̱ribil e̱rib chi sa saꞌ e̱chꞌo̱l.

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.

Gálatas 5:26

Mikaba̱nu kib nak kꞌaxal nim kacuanquil ut incꞌaꞌ chic chikajoskꞌi kib ut incꞌaꞌ chic chikacakali kib.

1 Pedro 4:5

Aban mokon eb laj hobonel tento nak teꞌxkꞌaxtesi xcue̱nt chiru li Dios riqꞌuin li cꞌaꞌru quilajeꞌxba̱nu chak. Li Dios, aꞌan li ta̱rakok a̱tin saꞌ xbe̱neb li yoꞌyo̱queb joꞌ eb ajcuiꞌ li camenakeb.

Gálatas 5:14

Chixjunil li chakꞌrab natauman ru riqꞌuin xba̱nunquil li jun aꞌin: Chara la̱ cuas a̱cui̱tzꞌin joꞌ nak nacara a̱cuib la̱at. (Lev. 19:18)

1 Corintios 10:11

Li cꞌaꞌru queꞌxcꞌul li kaxeꞌto̱nil yucuaꞌ aꞌan tzꞌi̱banbil retalil saꞌ li Santil Hu re nak la̱o takaqꞌue retal ut incꞌaꞌ takaba̱nu joꞌ queꞌxba̱nu eb aꞌan xban nak cuulac re li rosoꞌjic li cutan.

San Marcos 13:29

Joꞌ nak li higo naxcꞌutbesi retalil li sakꞌehil, joꞌcan ajcuiꞌ nak li raylal talajeꞌcꞌulma̱nk tixcꞌutbesi retalil nak yo̱ chi cuulac xkꞌehil nak toline̱lk cuiꞌchic la̱in li Cꞌajolbej.

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

San Marcos 6:19

Riqꞌuin aꞌan ma̱ caꞌchꞌin nak quijoskꞌoꞌ lix Herodías saꞌ xbe̱n laj Juan ut quiraj raj xcamsinquil. Abanan incꞌaꞌ naru xban nak laj Herodes incꞌaꞌ quixcanab chixcamsinquil.

Salmos 59:15

Chanchaneb li tzꞌiꞌ li nequeꞌxbeni rib chixsicꞌbal xtzacae̱mk. Ut cui ma̱cꞌaꞌ teꞌxtau, teꞌoc chi tzꞌuyi̱nc.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

Ezequiel 7:12

Xcuulac xkꞌehil ut xcuulac xcutanquil nak li ani ta̱lokꞌok incꞌaꞌ ta̱sahokꞌ xchꞌo̱l riqꞌuin li tixlokꞌ. Ut li ani ta̱cꞌayi̱nk incꞌaꞌ ta̱rahokꞌ xchꞌo̱l riqꞌuin li tixcꞌayi xban nak lin joskꞌil cuan saꞌ xbe̱n chixjunileb li tenamit.

Santiago 4:12

Jun ajcuiꞌ li quiqꞌuehoc re li chakꞌrab ut caꞌaj cuiꞌ aꞌan naru narakoc a̱tin. Aꞌan li nacoloc ut aꞌan ajcuiꞌ li nasachoc. Joꞌcan nak la̱at incꞌaꞌ naru nacatrakoc a̱tin saꞌ xbe̱n la̱ cuas a̱cui̱tzꞌin.

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

Santiago 5:10

Ex herma̱n, chetzolak e̱rib riqꞌuineb li profeta li queꞌcuyuc chak xcꞌulbal li raylal xban xyebal resil li Ka̱cuaꞌ.