Santiago 5:3 - Li Santil hu

³ Ut ta̱moꞌo̱nk le̱ tumin. Ma̱cꞌaꞌ chic ta̱oc cuiꞌ. Aꞌan retalil nak la̱ex tex-osokꞌ ajcuiꞌ joꞌ nak na-osoꞌ li xam. La̱ex yo̱quex chixtambresinquil le̱ biomal ut incꞌaꞌ nequeqꞌue retal nak cꞌulu̱nc re rosoꞌjic li cutan.

Q'eqchi Bible

³ Lee'oor ut leeplaat xq'olenk ru, ut li xq'olel taajitoq eere. Jo' nachoyok li xam, jo'kan naq taachoye'q leetz'ejwal xb'aan li xq'olel: ketamresi eeb'ihomal sa'eb' li kutan a'in li yal rosob'l aj chik!

Santiago 5:3 ပူးပေါင်းရင်းမြစ်များ

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Apocalipsis 20:15

Ut li ani incꞌaꞌ quitaꞌeꞌ xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, aꞌaneb li queꞌcuteꞌ saꞌ li xam li chanchan palau.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

2 Pedro 3:3

Xbe̱n cua chetauhak xya̱lal aꞌin: Nak ta̱nachꞌok chak rosoꞌjiqueb li cutan, cuan li teꞌcha̱lk chi hoboc riqꞌuin yibru a̱tin. Teꞌxhob xcuanquil li Dios ut teꞌxba̱nu li yibru naꞌleb li nequeꞌxcꞌoxla.

2 Timoteo 2:17

Naniman ru li tijleb li nequeꞌxcꞌut. Chanchan nak naniman ru junak yajel joꞌ li cáncer xcꞌabaꞌ. Joꞌcan queꞌxba̱nu laj Himeneo ut laj Fileto.

Miqueas 4:1

Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit.

Miqueas 3:3

Chanchan nak nequetiu ajcuiꞌ lix tibeleb lin tenamit nak nequerahobtesiheb. Nequerisi lix tzꞌu̱maleb, nequejori lix bakeleb ut nequeseti lix tibeleb joꞌ nak naseteꞌ li tib re xqꞌuebal saꞌ ucꞌal.

Jeremías 19:9

Eb li xicꞌ nequeꞌiloc reheb teꞌxsut rix li tenamit. Xban li chꞌaꞌajquilal li yo̱keb chixcꞌulbal ta̱cua̱nk nimla cueꞌej. Xban xtzꞌocajiqueb laj Israel teꞌxtiu xtibeleb li ralal xcꞌajol ut teꞌxtiu ribeb chi ribileb rib,” chaꞌakat.

Li xHu LAJ JOB 16:8

Chanchan xinixqꞌue saꞌ tzꞌalam. Chixjunileb nequeꞌxye nak cuan inma̱c xban nak xinbaker.

Josué 24:27

Ut quixye reheb laj Israel: —Li pec aꞌin ta̱cꞌanjelak e̱re chokꞌ retalil nak la̱ex xesume xba̱nunquil chixjunil li joꞌ qꞌuial xye ke li Ka̱cuaꞌ Dios. Nak te̱ril li pec aꞌin, ta̱julticokꞌ e̱re li cꞌaꞌru xeye cui incꞌaꞌ yo̱quex chixba̱nunquil li cꞌaꞌru quesume xba̱nunquil. Li pec aꞌin ta̱cꞌanjelak re nak incꞌaꞌ texcana̱k chokꞌ aj ticꞌtiꞌ chiru li Ka̱cuaꞌ li kaDios, chan laj Josué.

Génesis 49:1

Ut laj Jacob quixbokeb li ralal ut quixye reheb: —Jilonkex chak che̱junilex. Chi joꞌcan la̱in tinchꞌolob che̱ru cꞌaꞌru ta̱cha̱lk saꞌ e̱be̱n chiruheb li chihab ta̱cha̱lk.

Génesis 31:52

Aꞌan li retalil nak la̱at incꞌaꞌ ta̱ru̱k tatnumekꞌ arin chi pletic cuiqꞌuin, chi moco la̱in ta̱ru̱k tinnumekꞌ chi pletic a̱cuiqꞌuin la̱at. Aꞌan aj e nak xkaqꞌue li pec arin, chan.

Apocalipsis 17:16

Li laje̱b chi xxucub li joskꞌ aj xul li xacuil, xicꞌ teꞌril li ixk li naxcꞌayi rib. Teꞌxtzꞌekta̱na li ixk ut teꞌxcanab chi ma̱cꞌaꞌ cuan re. Tꞌustꞌu teꞌxcanab. Teꞌxtiu lix tibel ut li joꞌ qꞌuial chic incꞌaꞌ teꞌxchoy teꞌxcꞌat saꞌ xam.

Génesis 31:48

Laj Labán quixye: —Li tusbil pec li xkaqꞌue arin, aꞌan retalil li contrato xkaba̱nu arin, chan. Aꞌan aj e nak Galaad queꞌxqꞌue chokꞌ xcꞌabaꞌ.

Hechos 2:17

Saꞌ eb li cutan li telajeꞌcha̱lk, chan li Dios, la̱in tinqꞌue lin musikꞌ chi cua̱nc riqꞌuineb chixjunileb li tenamit. Eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.