Santiago 3:9 - Li Santil hu

⁹ Riqꞌuin li ruꞌuj kakꞌ nakalokꞌoni li Acuabej Dios ut riqꞌuin ajcuiꞌ li ruꞌuj kakꞌ nakamajecua li kas ki̱tzꞌin ut eb aꞌan yoꞌobtesinbileb xban li Dios joꞌ li riloba̱l.

Q'eqchi Bible

⁹ Chiru a'an naqa'usilaatina li Qaawa', li Yuwa'b'ej Yos, ut chiru ajwi' a'an naqamajewaheb' li qas qiitz'in li yoob'tesinb'ileb' cho'q xjalam u li Yos.

Santiago 3:9 ပူးပေါင်းရင်းမြစ်များ

Salmos 10:7

Junes yibru a̱tin nequeꞌxye. Nequeꞌmajecuan ut nequeꞌbalakꞌic. Nequeꞌxyechiꞌi xrahobtesinquil li ras ri̱tzꞌineb.

Salmos 62:4

Junes cuisinquil saꞌ lin cuanquil nequecꞌoxla. Junes li ticꞌtiꞌ nacuulac che̱ru la̱ex. Nequeqꞌue raj inlokꞌal nak nequeye e̱rib, abanan moco joꞌcan ta saꞌ e̱chꞌo̱l. Saꞌ e̱chꞌo̱l niquine̱tzꞌekta̱na.

Salmos 59:12

Rajlal nequeꞌma̱cob riqꞌuin li cꞌaꞌru nequeꞌxye. Chasacheb ru xban lix nimobresinquil ribeb ut xban li ma̱usilal ut li ticꞌtiꞌ li na-el saꞌ xtzꞌu̱mal reheb.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Hechos 2:26

Numtajenak li saylal cuan saꞌ li cua̱m xban nak cꞌojcꞌo inchꞌo̱l riqꞌuin li Ka̱cuaꞌ.

2 Samuel 19:21

Ut laj Abisai, lix yum lix Sarvia, quixye: —¿Ma incꞌaꞌ ta biꞌ xcꞌulub nak ta̱ca̱mk laj Simei xban nak catxmajecua la̱at, li sicꞌbil a̱cuu xban li Ka̱cuaꞌ? chan.

Génesis 5:1

Aꞌan aꞌin li hu li tzꞌi̱banbil cuiꞌ li retalileb li ralal xcꞌajol laj Adán. Nak li Dios quixyoꞌobtesi li cui̱nk, quixyi̱b joꞌ riloba̱l aꞌan.

1 Corintios 11:7

Incꞌaꞌ us nak tixtzꞌap xjolom li cui̱nk xban nak li cui̱nk yi̱banbil joꞌ li riloba̱l li Dios ut naxcꞌut xlokꞌal li Dios. Aꞌut li ixk naxcꞌut xlokꞌal lix be̱lom.

Romanos 3:14

Riqꞌuin xtzꞌu̱maleb re nequeꞌmajecuan ut junes xicꞌ aj a̱tin na-el saꞌ reheb. (Sal. 10:7)

San Mateo 26:74

Ut laj Pedro qui-oc chi majecua̱nc ut quixye riqꞌuin juramento: —Incꞌaꞌ ninnau ru li cui̱nk aꞌan, chan. Ut saꞌ ajcuiꞌ li ho̱nal aꞌan quiya̱bac laj tzoꞌ xul.

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

Eclesiastés 7:22

Xban nak la̱at nacanau nak nabal sut ajcuiꞌ xat-a̱tinac chirixeb jalan.

Salmos 108:1

At nimajcual Dios, la̱in cau inchꞌo̱l a̱cuiqꞌuin. Tinbicha la̱ lokꞌal chi anchal inchꞌo̱l. Aꞌan li kꞌaxal lokꞌ chicuu la̱in.

Salmos 71:24

Junelic tinye resil la̱ ti̱quilal xban nak xuta̱nal xeꞌel li queꞌraj xba̱nunquil li ma̱usilal cue ut sachso̱queb xnaꞌleb xeꞌcana.

Salmos 63:4

Joꞌ najtil cua̱nkin saꞌ ruchichꞌochꞌ, la̱in tatinlokꞌoni. Tintaksi li cuukꞌ retalil nak chi anchal inchꞌo̱l tinqꞌue a̱lokꞌal.

Salmos 57:8

Chi-ajk cuu toj ekꞌela re tinqꞌue xlokꞌal li Dios riqꞌuin lin cuajb. Tinlokꞌoni li Dios riqꞌuin lin arpa.

Salmos 51:14

At inDios aj Colol cue, mina̱qꞌue taxak chixtojbal rix lin ma̱c riqꞌuin li camsi̱nc xinba̱nu. Ut la̱in tinbicha̱nk ut tinye nak kꞌaxal ti̱c a̱chꞌo̱l.

Salmos 35:28

Joꞌcan ajcuiꞌ la̱in tinye resil la̱ ti̱quilal. Ut tatinlokꞌoni chi junelic.

Salmos 34:1

La̱in tinlokꞌoni li Ka̱cuaꞌ chi junelic. Ut incꞌaꞌ tincanab xqꞌuebal lix lokꞌal.

Salmos 30:12

Joꞌcan nak tinbicha̱nk re a̱lokꞌoninquil, at Ka̱cuaꞌ Dios. Incꞌaꞌ naru nincana chi incꞌaꞌ tinqꞌue a̱lokꞌal. At Ka̱cuaꞌ Dios, tinqꞌue a̱lokꞌal chi junelic.

Salmos 16:9

Numtajenak li saylal cuan saꞌ li cua̱m xban nak cꞌojcꞌo inchꞌo̱l riqꞌuin li Ka̱cuaꞌ.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

1 Crónicas 29:10

Joꞌcan ajcuiꞌ li rey David. Cꞌajoꞌ nak quisahoꞌ saꞌ xchꞌo̱l. Ut quixlokꞌoni li Ka̱cuaꞌ Dios chiruheb chixjunileb li chꞌutchꞌu̱queb aran ut quixye: —Lokꞌoninbilat taxak, at nimajcual Dios. La̱at lix Dios laj Israel li kaxeꞌto̱nil yucuaꞌ chalen chak junxil ut toj chalen anakcuan.

2 Samuel 16:5

Li rey David quicuulac Bahurim. Aran cuan jun li cui̱nk aj Simei xcꞌabaꞌ. Aꞌan ralal laj Gera xcomoneb li ralal xcꞌajol laj Saúl. Qui-oc chixmajecuanquil laj David.

Jueces 9:27

Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Salmos 145:21

Junelic taxak tinye resil lix lokꞌal li nimajcual Dios. Chixjunileb taxak teꞌxqꞌue xlokꞌal lix santil cꞌabaꞌ chi junelic kꞌe cutan.

Salmos 145:1

At inDios, junelic tinqꞌue a̱lokꞌal. At inRey, junelic tinnima a̱cuu.

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Santiago 3:10

Riqꞌuin lix tzꞌu̱mal ke nakalokꞌoni li Dios ut riqꞌuin ajcuiꞌ lix tzꞌu̱mal ke nocomajecuan. Ex inherma̱n, incꞌaꞌ us cui takaba̱nu chi joꞌcan.