Santiago 3:1 - Li Santil hu

¹ Ex inherma̱n, moco chixjunil ta teꞌxqꞌue rib saꞌ li cꞌanjel naxba̱nu laj tzolonel xban nak nim li i̱k cuan saꞌ xbe̱n ut cau ta̱rakekꞌ a̱tin saꞌ xbe̱neb cui incꞌaꞌ nequeꞌxba̱nu li cꞌaꞌru nequeꞌxye.

Q'eqchi Bible

¹ Ex was wiitz'in, meesik' chejunilex li wank cho'q aj tzolonel, xb'aan naq nekenaw naq q'axal kaw chik taaraqmanq aatin sa' qab'een laa'o aj tzolonel.

Santiago 3:1 ပူးပေါင်းရင်းမြစ်များ

1 Timoteo 1:7

Nequeꞌraj raj xchꞌolobanquil xya̱lal li chakꞌrab. Aj cꞌutul chakꞌrab nak nequeꞌxye rib. Abanan incꞌaꞌ ajcuiꞌ nequeꞌxtau ru li cꞌaꞌru nequeꞌxcꞌut usta chanchan nequeꞌxtau ru chi tzꞌakal li cꞌaꞌru yo̱queb chixyebal.

1 Pedro 5:3

Me̱taklaheb saꞌ joskꞌil li kꞌaxtesinbileb e̱re. Te̱taklaheb ban saꞌ xya̱lal. Cha̱bilakex chiruheb re nak teꞌril le̱ cha̱bilal.

1 Corintios 12:28

Li xchalal li tzꞌejcualej jalan jala̱nk xcꞌanjel li junju̱nk. Joꞌcan ajcuiꞌ nak jalan jala̱nk xma̱taneb laj pa̱banel qꞌuebileb re xban li Dios re nak teꞌcꞌanjelak chiru. Xbe̱n, cuanqueb li qꞌuebileb xma̱tan chi cꞌanjelac chokꞌ apóstol. Xcab, cuanqueb li qꞌuebileb xma̱tan chi cꞌanjelac chokꞌ profeta. Rox, cuanqueb li qꞌuebileb xma̱tan chi cꞌanjelac chokꞌ aj tzolonel. Ut cuanqueb li qꞌuebileb xma̱tan chixba̱nunquileb li milagro. Cuanqueb li qꞌuebileb xma̱tan chixqꞌuirtesinquileb li yaj; cuanqueb li qꞌuebileb xma̱tan chixtenkꞌanquileb li ras ri̱tzꞌin. Cuanqueb li qꞌuebileb xma̱tan chi takla̱nc; ut cuanqueb ajcuiꞌ qꞌuebileb xma̱tan chi a̱tinac saꞌ jalanil a̱tin incꞌaꞌ natauman ru.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

Efesios 4:11

¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

San Lucas 16:2

Joꞌcan nak quixbok lix merto̱m ut quixye re: “¿Cꞌaꞌru xya̱lal li yo̱quin chirabinquil cha̱cuix? Ta̱kꞌaxtesi la̱ cue̱nt nak xatcuan chi cꞌanjelac xban nak incꞌaꞌ chic tatcana̱k chokꞌ inmerto̱m,” chan re.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

2 Timoteo 1:11

Li Dios quixakaban cue chi cꞌanjelac chokꞌ apóstol ut chokꞌ aj tzolol reheb li ma̱cuaꞌeb aj judío re nak tinye resil li colba-ib reheb.

San Juan 3:10

Li Jesús quixye re: —La̱at aj tzolol reheb laj Israel ut incꞌaꞌ nacatau ru li yo̱quin chixyebal.

San Mateo 10:24

Junak li yo̱ chi tzoloc incꞌaꞌ naru tixkꞌax xcuanquil li yo̱ chi tzoloc re, chi moco li mo̱s naxkꞌax xcuanquil lix patrón.

San Lucas 6:37

Mextzꞌiloc a̱tin chirixeb le̱ ras e̱ri̱tzꞌin re nak li Dios incꞌaꞌ ta̱tzꞌilok a̱tin che̱rix la̱ex. Me̱tzꞌekta̱na le̱ ras e̱ri̱tzꞌin re nak li Dios incꞌaꞌ textzꞌekta̱na la̱ex. Checuyak xma̱queb le̱ ras e̱ri̱tzꞌin re nak li Dios tixcuy e̱ma̱c la̱ex.

San Mateo 9:11

Ut nak queꞌril aꞌan, eb laj fariseo queꞌxye reheb lix tzolom li Jesús: —¿Cꞌaꞌut nak nacuaꞌac laj tzolol e̱re rochbeneb laj titzꞌol toj ut rochbeneb laj ma̱c? chanqueb.

Malaquías 2:12

Aꞌ taxak li Ka̱cuaꞌ ta̱isi̱nk reheb saꞌ xya̱nkeb li ralal xcꞌajol laj Jacob li ani yo̱ chixba̱nunquil li ma̱usilal aꞌin. Yalak ani ta̱ba̱nu̱nk re li ma̱usilal aꞌin ta̱isi̱k, usta aj cꞌutul chakꞌrab, usta aj tzolonel, usta aj tij.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Santiago 1:16

Ex inherma̱n, me̱balakꞌi e̱rib chixcꞌoxlanquil nak li Dios naqꞌuehoc chak re li a̱le̱c saꞌ e̱be̱n.

Santiago 1:19

Ex inherma̱n, raro̱quex inban. La̱ex ac nequenau lix ya̱lal aꞌin. Joꞌcan nak cheqꞌuehak e̱chꞌo̱l chi abi̱nc. Checꞌoxla chi us li oc e̱re chixyebal ut mexjoskꞌoꞌ.

Santiago 3:10

Riqꞌuin lix tzꞌu̱mal ke nakalokꞌoni li Dios ut riqꞌuin ajcuiꞌ lix tzꞌu̱mal ke nocomajecuan. Ex inherma̱n, incꞌaꞌ us cui takaba̱nu chi joꞌcan.

San Mateo 23:14

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Nequemakꞌ li rochocheb li xma̱lcaꞌan ut nequeyal xmukbal le̱ ma̱usilal riqꞌuin nak najt rok nequextijoc. Ut xban aꞌan kꞌaxal cuiꞌchic ra li tojbal ma̱c li ta̱cha̱lk saꞌ e̱be̱n.