Romanos 2:3 - Li Santil hu

³ La̱at nacatrakoc a̱tin saꞌ xbe̱neb li nequeꞌba̱nun re li ma̱usilal ut nacaba̱nu ajcuiꞌ li ma̱usilal la̱at. ¿Cꞌaꞌru nacaye? ¿Ma incꞌaꞌ ta biꞌ tatxqꞌue li Dios chixtojbal rix a̱ma̱c la̱at?

Q'eqchi Bible

³ K'aru nakak'oxla laa'at li nakatraqok aatin sa' xb'eeneb' li neke'b'aanunk re a'an ut yookat ajwi' chi xb'aanunkil aawe? Ma nakak'oxla naq tatkole'q chiru li xraqb'a aatin li Yos?

Romanos 2:3 ပူးပေါင်းရင်းမြစ်များ

Proverbios 16:5

Li Ka̱cuaꞌ xicꞌ narileb li nequeꞌxkꞌetkꞌeti ribeb. Relic chi ya̱l nak incꞌaꞌ teꞌcana̱k chi incꞌaꞌ teꞌxtoj rix lix ma̱queb.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

San Lucas 12:14

Aꞌut li Jesús quixye re: —At cui̱nk, la̱in incꞌaꞌ xakabanbilin chi rakoc a̱tin saꞌ e̱be̱n chi moco xakabanbilin chixjachinquil le̱ jun cablal.—

San Lucas 22:58

Junpa̱t na chic nak jun li cui̱nk qui-iloc re laj Pedro ut quixye: —La̱at jun xcomoneb aꞌan, chan re. Ut laj Pedro quixye: —At cui̱nk, ma̱cuaꞌ la̱in xcomoneb, chan.

San Mateo 26:53

¿Ma incꞌaꞌ nacanau nak naru tintzꞌa̱ma chiru lin Yucuaꞌ ut aꞌan tixtakla raj chak anakcuan anakcuan qꞌuila okꞌob chi ángel chincolbal?

San Mateo 23:33

Chanchanex cꞌantiꞌ, chanchanex ralex cꞌambolay, ¿chan ta cuiꞌ ru nak texcolekꞌ chiru lix tojba ma̱c saꞌ xbalba?

Daniel 10:19

Ut aꞌan quixye cue: —Li Dios nacatxra. Tuktu̱quil usilal chicua̱nk a̱cuiqꞌuin. Chacacuubresi la̱ chꞌo̱l ut matxucuac, chan cue. Nak quixye cue aꞌan, quicuecꞌa nak cuan chic inmetzꞌe̱u. Usin chic. Ut la̱in quinye re: —At Ka̱cuaꞌ, anakcuan a̱tinan cuiqꞌuin. Us chic nacuecꞌa xban nak la̱at xaqꞌue cuiꞌchic inmetzꞌe̱u, chanquin re.

Ezequiel 17:18

Lix reyeb laj Judá quixtzꞌekta̱na li juramento li quixba̱nu ut quixkꞌet li contrato nak quixba̱nu chixjunil li cꞌaꞌak re ru aꞌin. Joꞌcan nak moco naru ta tixcol rib.

Ezequiel 17:15

Abanan lix reyeb laj Judá quixkꞌetkꞌeti rib chiru lix reyeb laj Babilonia. Ut quixtaklaheb lix takl Egipto chixsicꞌbaleb li cacua̱y ut nabaleb li soldados. ¿Ma ta̱ru̱k ta biꞌ tixba̱nu li cꞌaꞌru naxcꞌoxla xba̱nunquil lix reyeb laj Judá? ¿Ma ta̱ru̱k ta biꞌ tixcol rib nak ac xkꞌet li cꞌaꞌru quixye saꞌ li contrato?

Proverbios 11:21

Relic chi ya̱l nak eb li incꞌaꞌ useb xnaꞌleb tento nak teꞌxcꞌul lix tojbal xma̱c. Abanan eb li ti̱queb xchꞌo̱l teꞌcolekꞌ chiru li tojba ma̱c.

Salmos 50:21

Chixjunil aꞌin xeba̱nu ut ma̱cꞌaꞌ xinye. Saꞌ e̱chꞌo̱l la̱ex nak juntakꞌe̱t innaꞌleb e̱riqꞌuin. Abanan anakcuan tincꞌut che̱ru li cꞌaꞌru yo̱quex ut texinkꞌus.

Li xHu LAJ JOB 35:2

—At Job, ¿ma nacacꞌoxla la̱at nak us li yo̱cat chixyebal? ¿Ma us nak yo̱cat chixyebal nak ma̱cꞌaꞌ a̱ma̱c chiru li Dios?

2 Samuel 10:3

eb li nequeꞌtaklan saꞌ xya̱nkeb li ralal xcꞌajol laj Amón queꞌxye re laj Hanún: —¿Ma nacapa̱b la̱at nak li rey David xtaklaheb chak lix takl arin caꞌaj cuiꞌ re xqꞌuebal xlokꞌal la̱ yucuaꞌ ut re xcꞌojobanquil a̱chꞌo̱l? ¿Ma incꞌaꞌ ta biꞌ xtaklaheb chak arin yal re xqꞌuebal retal li katenamit re tixsach ru? chanqueb.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

San Lucas 22:60

Ut laj Pedro quixye: —At cui̱nk, incꞌaꞌ ninnau cꞌaꞌru yo̱cat chixyebal, chan. Ut toj yo̱ ajcuiꞌ chi a̱tinac laj Pedro nak quiya̱bac li tzoꞌ xul.

Salmos 56:7

¿Ma teꞌcana̱k ta biꞌ chi incꞌaꞌ teꞌxtoj rix li ma̱usilal li yo̱queb xba̱nunquil? La̱at, at inDios, chacubsi xcuanquileb riqꞌuin la̱ joskꞌil.

Romanos 2:1

¿Anihat la̱at nak tatrakok a̱tin saꞌ xbe̱neb la̱ cuas a̱cui̱tzꞌin? Cui nacarak a̱tin saꞌ xbe̱neb la̱ cuas a̱cui̱tzꞌin ut toj yo̱cat ajcuiꞌ chixba̱nunquil li incꞌaꞌ us la̱at joꞌ yo̱queb aꞌan, raylal ajcuiꞌ yo̱cat chixbokbal saꞌ a̱be̱n ut ta̱rakekꞌ a̱tin saꞌ a̱be̱n.

Romanos 2:2

Nakanau nak li Dios ti̱c xchꞌo̱l ut aꞌan ta̱rakok a̱tin chi tzꞌakal saꞌ xbe̱neb li nequeꞌba̱nun re li ma̱usilal.

Romanos 9:20

Aban la̱in tinye a̱cue, ¿anihat la̱at nak ta̱cuechꞌi rix li cꞌaꞌru naxba̱nu li Dios? Junak li cuc incꞌaꞌ ta̱ru̱k tixye re laj pacꞌol re, ¿Cꞌaꞌut nak xina̱yi̱b chi joꞌcaꞌin?