Proverbios 9:8 - Li Santil hu

⁸ Ma̱qꞌue xnaꞌleb li ani naxhob ras ri̱tzꞌin xban xkꞌetkꞌetil xban nak aꞌan xicꞌ chic tatril. Abanan cui ta̱qꞌue xnaꞌleb li naxnau cꞌoxlac, aꞌan tatxra.

Q'eqchi Bible

⁸ Maaq'us li q'etq'et xb'aan naq xik' tatril; chaq'us li wank xna'leb', ut a'an tatxra.

Proverbios 9:8 ပူးပေါင်းရင်းမြစ်များ

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

Proverbios 13:18

Li ani incꞌaꞌ naxqꞌue saꞌ xchꞌo̱l lix kꞌusbal tixcꞌut xxuta̱n ut ta̱cana̱k saꞌ nebaꞌil. Abanan li ani tixqꞌue saꞌ xchꞌo̱l lix kꞌusbal, ta̱qꞌuehekꞌ xlokꞌal.

Proverbios 23:9

Li xbele li naꞌleb, aꞌan aꞌin: Incꞌaꞌ te̱qꞌue xnaꞌleb li incꞌaꞌ nequeꞌxtau xya̱lal, xban nak teꞌxseꞌe li cha̱bil naꞌleb li ta̱qꞌuehekꞌ reheb.

Proverbios 15:12

Li incꞌaꞌ naxtau xya̱lal incꞌaꞌ naxra li ani naqꞌuehoc naꞌleb, chi moco nacuulac chiru cua̱nc saꞌ xya̱nkeb li cuanqueb xnaꞌleb.

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Proverbios 28:23

Li ani naxkꞌus ras ri̱tzꞌin saꞌ xya̱lal ta̱qꞌuehekꞌ xlokꞌal. Abanan li ani incꞌaꞌ naxye li ya̱l incꞌaꞌ ta̱qꞌuehekꞌ xlokꞌal, usta chanchan cha̱bil li a̱tin naxye.

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

1 Reyes 1:23

Queꞌxye re li rey: —Li profeta Natán xchal chi a̱tinac a̱cuiqꞌuin, chanqueb. Nak qui-oc cuan cuiꞌ li rey, laj Natán quixcuikꞌib rib chiru li rey.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

1 Reyes 1:32

Li rey David quixye reheb: —Bokomakeb chak laj Sadoc laj tij, ut li profeta Natán joꞌ ajcuiꞌ laj Benaía li ralal laj Joiada, chan. Ut eb aꞌan queꞌcuulac riqꞌuin li rey.

Proverbios 10:8

Li ani cuan xnaꞌleb naxcꞌu̱luban lix tijbal. Ut li ani nacuulac chiru a̱tinac chi ma̱cꞌaꞌ rajbal ta̱osokꞌ.

Proverbios 13:1

Li alalbej li cuan xnaꞌleb naxqꞌue saꞌ xchꞌo̱l lix kꞌusbal naqꞌueheꞌ xban lix yucuaꞌ. Abanan li alalbej li incꞌaꞌ naraj kꞌusecꞌ incꞌaꞌ naxqꞌue saꞌ xchꞌo̱l lix kꞌusbal.

Proverbios 19:25

Riqꞌuin lix kꞌusbal li incꞌaꞌ us xnaꞌleb, nequeꞌxtzol ribeb li cubenakeb xcuanquil, usta ma̱cuaꞌ aꞌan li yo̱ xkꞌusbal. Joꞌcan ajcuiꞌ li cuan xnaꞌleb. Naxqꞌue saꞌ xchꞌo̱l lix kꞌusbal.

Isaías 36:21

Eb laj Judá ma̱ jun a̱tin queꞌxye xban nak li rey Ezequías quixye reheb nak incꞌaꞌ teꞌxsume.

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.